【人跡罕至元朗購物城食&玩】
初三魔王芊瞓到黃朝百晏,我哋近近地喺Yoho撘咗15分鐘車,去咗近落馬洲黃巴站嘅The Boxes 新田購物城。
呢度人稱鬼城,Wilma媽都係一心去佢個森林樂園睇吓攤位遊戲同去食街,所以都冇乜所謂的。
坐B1喺新田運輸交匯處,步行5分鐘就到達呢個相當大嘅地方。
佢由好多個貨櫃商户組成,因為初三嘅關係,好多舖頭冇開,不過老實講對香港人嚟講,呢度嘅商戶絕對冇乜吸引力,都係G2000、優品360、手錶、藥妝等。(仲有間Supreme!)
不過值得一讚係,呢度算幾乾淨,休息嘅户外坐椅都唔會有垃圾,食街嘅顧客亦會好自律地將食物處理,所以觀感上都舒服的。
嚟到食街,雖然只有幾間食肆,但食物種類都好適合户外輕食,例如魚肉翅、煎炸小食、果茶、啤酒,好適合同小朋友坐低下午茶!
醫肚過後,我哋去咗森林樂園,係新田購物城入面除咗VR區最熱鬧嘅地方。
有6、7個好懷舊嘅攤位遊戲(掟大板牙、掟膠波;歡樂天地未開前止止渴吧),同唔同嘅夾公仔、入錢會郁嘅車,最吸引嘅就係小型playhouse!
不過魔王芊呢日興趣缺缺,雖然16個幣一個鐘都算平,但我哋都冇玩喇。
*森林樂園HKD5/1個幣,需要買一張電子卡充值至少HKD100,然後用卡取幣。HKD200以上有優惠,場內攤位4個幣玩1次(例如5個球),其他夾公仔1-4個幣不等,入錢嘅車3個幣一局
總括嚟講,個人覺得如果住元朗天水圍,因為呢區確實冇乜playhouse,呢度確實係僅餘嘅選擇之一,各位媽媽如果要搵個人少少嘅地方同小朋友食吓下午茶、玩一陣,都可以嚟逛一逛!
#起碼影相有日光
#小朋友跑步都唔怕撞到人
#對爸媽嚟講呢點都吸引
#對唔住大家playhouse冇影相
Search
對唔住大家playhouse冇影相 在 FamilyGo親子遊- 社群| 有得著韓服影靚相、有得玩、有得食大餐 ... 的推薦與評價
小朋友仲可以喺playhouse玩同食聖誕大餐,大人小朋友都好 🈵️ 足! ... 入場後,是不限時玩樂,大家能自助拔蘿蔔 ... 就算你喺農場玩樂、影相,影到天黑都無問題~. ... <看更多>