［香港 沙田 ］十幾歲嘅時候跟爸媽同一班親戚去 龍華酒店食飯，確實嘅味道已經唔記得啦😅但記得係好食嘅，而且嗰次一班小朋友一齊玩，好開心？嗰次去龍華酒店就好似去咗個小旅行咁，因為龍華裝潢好懷舊，周邊又有農村，有得參觀動物 (好似有孔雀、鸚鵡)，感覺好唔似香港😛最近無啦啦諗起龍華，就一家人重遊舊地，回味當時嘅味道😋
🔺#紅燒乳鴿($98/隻）：
龍華名物，四個人點兩隻，一開四😊乳鴿聽聞係自己種植，燒得皮脆內嫩，唯一要挑剔嘅係乳鴿毛拔得唔夠乾淨🤔
🔺#新鮮菠蘿咕嚕肉($148)
呢味係我最鍾意嘅餸，聽聞亦係李小龍太太最喜愛嘅菜色呢！呢度水準唔錯，炸漿好薄，表面掛上酸甜嘅醬汁，食落好開胃。而且佢選用嘅豬部位比較爽口彈牙，口感十足😌
🔺#生磨杏汁白肺湯($298)
生磨杏汁白肺湯，滋潤養顏又補肺☺️呢度嘅杏汁白肺湯份量好足，約可以分到8－9碗。生磨杏汁味道清香又唔會過火，有瘦肉香，豬肺份量都好足，濃郁香滑夠火候👍🏻
🔺#砂鍋鮑粒鴿鬆炒飯($168)
呢個比較失望，因為純粹係炒完個飯直接放上砂鍋🤨鮑粒同鴿肉都比較少，所以味道就唔夠豐富🤨如果炒飯炒得乾身D，就更好🤔
🔺#石磨山水豆腐花(大$118)
雖然已經好飽足，但一場來到，都係要試下三寶之一嘅 #山水豆腐花 嘅😝手作山水豆腐由李氏家族兩代人供應，只係供應俾龍華酒店，已經供應咗80年。雖然賣相簡樸，但味道傳統，記得要淋上 #桂花蜜 😗
㊙️: 雖然人大咗，嘴刁咗，龍華酒店嘅食物喺芸芸食肆中唔算非常標青，但回憶嘅味道、舊日嘅情懷仍然大大加分💖 會唔會再來龍華？我諗都會嘅，可能下次，係十幾年後帶住我嘅小朋友嚟啦😉
小朋友一齊玩好開心 在 整完大波波，家長同小朋友一齊玩遊戲都好開心❤️ - Facebook 的推薦與評價
整完大波波，家長同 小朋友一齊玩 遊戲都 好開心 ❤️ 小朋友 可同家長/朋友仔 一齊 黎玩啦~大家可親手整slime(鬼口水)仲可 一齊玩 唔同玩法，個個 小朋友 都玩到 ... ... <看更多>