[幾皮嘢梗有架!]抽新股抽到出公告!仲要只係皮幾嘢!
認真,其實上市公司買六合彩中咗係咪都要出公告?應該都要的。但更大可能係管理層或主席自己袋咗。
1. 都話股市嘅嘢,幾時都有新嘢。上次就有安全貨倉(https://fbook.cc/3F80)買金買到出公告,我咁多年都未見過(*)
2. 咁之前都話,上市公司買股票買到出公告,就唔算少見。近嘅有耀才(https://bit.ly/2YjlX20),遠啲有官永義(我知而家係官可欣,但是但)(https://bit.ly/3aIBrBK),大公司有九倉,買美股買到出通告(https://fbook.cc/3EO0)
3. 不過,抽新股都抽到出公告,又係另一八十歲唔死都有新聞。
4. 留意下,抽中幾多?800股。一股21.5。總值17,200,一萬七千二。聽講暗盤升一個開,咁即係17,200變34,400。淨賺17,200— 「都幾好架啦」「特別係如果你annualize」
5. 之但係,有冇奇怪做乜皮幾嘢(一個開後幾皮嘢)都要出通告?公司再細都冇咁細下話?
6. 實情係,皮幾嘢原本真係唔使出公告(否則可能買部電視機都要出)。但應該知道,隻農夫中簽率好低的說,好難抽中。公司中800股($17,200)。但用咗幾錢去抽?
7. 其實最初係大拿拿拎咗650萬港紙去抽呀!抽30萬股,只係中800股。
8. 我點知?因為公司之前有出通告咯!(https://bityl.co/3Nh9)。
9. 實情,公司只係9000萬市值,半年蝕150萬,book value就1億8。咁拎大拿拿650萬錢去抽農夫山泉(30萬股),唔怪得搞到要出通告咯。
10. 然後,公司有始有終嘛!抽完都話返你知,中幾多。拿,呢啲就良好嘅企業管治啦。公司仲要得廿幾丁友!照計ESG rating 應該幾高。大家諗諗佢(**)
11. 又,都講返,呢個故事我係睇小炒王梁心欣 睇返嚟嘅。好東西嚟。逢星期五上午仲有訪問我喎,上星期五都有講day trade 小米(1810),嗰日都OK的。
12. 最後教埋中文。公司主席潘稷。個「稷」字其實唔係好深,但都有人讀錯。唔係潘傻,唔係潘糉,亦都唔係潘叔(叔as in 馬謖,今年因為車公佢好出名)。隻字真係唔深,係潘「績」,稷as in 社稷。民為貴,社稷次之。如有疑問,其實好簡單,「睇英文版咪知係Pan Chik」。
13. 「有人問埃汾呢個Page同其他股票Page有乜分別」「咪就係我呢度好有教育意義」「春風化乳,有教無淚,誨人好倦,將啲學生打成一片」。記得訂埋個Patreon(https://bit.ly/31QmYj7)
(*)居然仲有Patreon讀者走去買安全貨倉,仲要賺到錢,有埋圖畀我,夠神經。但絶對係佢自己勁,我根本冇預有任何讀者會走去買,但我在Patreon有提呢間公司(https://bit.ly/31QmYj7)
(**)曲線要講明,但ESG真係相當戇鳩嘅東西。之前都提過下,沙地阿拉伯啲債券ESG rating都好高。仲有一大堆科企都係。點解?因為計碳排放,唔撚請人咪冇碳排放!所以根本ESG就係bear market for human.你啲咩銀行超市場工廠請埋咁多人,一定ESG低。近年人人飛機講ESG investing,就會間接令你失業。有機會再寫。
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已500人訂!仲有兩篇免費試睇:https://bit.ly/31QmYj7
——————————————————————————
[收費短片第九擊]美股科技股是否泡沫爆破?價值投資之選
課程資訊:https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲?
*有乜價值投資之選?
本星期內特惠售價: $80
課程編號:CC009
觀看期限:首次播放後一星期及限每影片4次
客服whatsapp: 63832145
另外想買返第八擊(美國總統大選股票部署)都仲可以:https://bityl.co/3NPn
同時也有1部Youtube影片,追蹤數超過4萬的網紅Sky Finance Channel,也在其Youtube影片中提到,【踢爆華爾街 #20161215】孫柏文今日講股!價值投資法,舊瓶有新酒?! 請Like? 我哋fb專頁,緊貼每日財金資訊:https://www.facebook.com/skyfinancechannel/...
小炒王梁心欣 在 魏力投資日誌 Facebook 的最佳貼文
緊急澄清:我無請私人助理,亦請唔起,但有興趣做 炒輪雷神 同小炒王梁心欣 助理的話,可以send CV來Tasty😂😂
小炒王梁心欣 在 君子馬蘭頭 - Ivan Li 李聲揚 Facebook 的最讚貼文
[加錢呀仆街!]倫交所小股東要求港交所提價兩成增現金比例
其實原本想用「錢我大把,我要初戀」。但師傅(即係我自己)教落,可以用其他圖,就唔好用太熱門嘅圖。否則好快冇貨賣
故事好簡單,港交所收購倫交所單嘢,原本必成為羅密歐與茱麗葉攬炒(http://bit.ly/32EPPFI)
(其實都係諗多咗,係你一廂情願想做羅密歐,人地先唔Q同你遺臭萬年。自己追唔到人羞愧自盡,人地皇帝女唔憂嫁,等入豪門。先唔得閒理啲MK仔狗公跳樓)。
但柳暗花明又一城,而家又可能有轉機。
今朝Tasty Money節目同小炒王梁心欣心欣姐(其實我老過佢好多啦,即係咁講)講開呢壇嘢。佢提到話「土豪強搶民女」。我就反而心諗,唔好咁啦,咩年代了。仲邊有迫良為娼。正所謂有強姦冇焗X,我地文明人嚟嘛,用文明人嘅方式解決。
即係錢
錢解決唔到嘅問題,再多錢就可以解決。亦係我舊文嘅題 (http://bit.ly/30NxuFc)
而家話,倫交所啲股東,要求加現金比例,即係唔好咁多公仔紙,騷咪朵蚊年。唔好咁多廢話。同埋就係,提價兩成。亦係題呢句,「加錢啦仆街」
記住,股東先係「老細」,而唔係而家倫交所班CEO西裝友。好多人呢點都未搞清楚。
「加錢啦仆街」
咁就好做啦!
至怕你講「唔係錢嘅問題」(而講呢句嘅都好,九成九都係錢嘅問題,正如有人話「我唔係為錢」)
你完全想像到(係我想像啫),土豪李小加擔住支煙個淫樣:「原來係嫌唔夠錢咋,早響嘛」「收得平我嫌你污糟添《大丈夫》」(請睇「錢我大把,我要初戀呀!」
強搶民女又好,財大氣粗又好。種種跡象見到,港交所都係不惜代價想贏得美人歸。你見今日連金發局李律仁(唔係我朋友律勤(假名)朋友)都出嚟講話雙贏。內地媒體亦都一致祝福。
香港嘛,其實我估都幾多行內人贊成的,至少我贊成。至於行外人嘛,理Q得你啦,關你春事咩.諗下有機會試下在倫敦做嘢,就已經J死我(實不相瞞,我在倫交所實習過,真係學過如來神掌又話你知咩)(當然洗過廁所都係實習過)(但,你估好多人洗過?)
真的,港倫合併喎,真係J死人。最重要係,「又唔係我嘅錢」。股東嘅錢之嘛。而本人並未持有以上股票。
你諗下,在港交所角度,加錢有乜所謂?兩成?分分鐘兩倍都制啦!
錢唔夠?借咯。港交所零負債乜滯,有何問題?況且仲要獨市生意。你覺得有執笠嘅可能?
況且,呢單嘢點都有阿爺嘅支持。未必真係背後發功,但唔會反對先。要借錢,中資銀行會唔會唔借
就當冇呢啲政治因素,銀行在商言商,貸款需求咁弱,難得有人做咁大單M&A借咁大舊錢—而還唔到錢嘅風險近乎零,人人爭住做啦。
還唔到錢?咪加交易徵費咯.你有say 咩?有有得唔鍾意揀第間?That’s the beauty of monopoly。你只可以揀,trade或者唔trade- 唔好笑呀 ,你以為呢句好廢?係有情況你連唔trade都冇得揀—例如強積金。犯法架。你仲覺唔覺得「有得揀做或者唔做」好笑?其實係恩賜呀!
(廣告一則:本人剛加入獅子山學會做會員,歡迎捐助,捐飯盒都得,本會好窮)
講返,既然人地開到口,港交所加錢就肯定無懸念。但真係講過幾百次,亦唔只係港交所,CFA基本功都話你知,古今中外,過半嘅M&A都係買貴。原因好簡單,因為管埋層要好大喜功,反正最後股東埋單
上次新聞一出,港交所股價即插。今次再加價,照計仲有得跌啦掛。
當然啦,唔好唔我唔講定。靚女(其實靚仔都係),梗係口不對心。麻煩臭串多多事實。口話加錢啫,其實可能由始到撚都冇諗住同你一齊,只係玩鳩你都說不定
唔好以為加錢又實得呀。只係唔加一定唔得。加完錢再畀人侮辱都仲係有可能的。做狗公就係咁架啦。
畢竟冇人拎支槍指住你要你買的。
小炒王梁心欣 在 Sky Finance Channel Youtube 的最讚貼文
【踢爆華爾街 #20161215】孫柏文今日講股!價值投資法,舊瓶有新酒?!
請Like? 我哋fb專頁,緊貼每日財金資訊:https://www.facebook.com/skyfinancechannel/
![post-title](https://i.ytimg.com/vi/owBw7YiObjg/hqdefault.jpg)
小炒王梁心欣 在 #小炒王梁心欣- YouTube 的推薦與評價
小炒王梁心欣 ﹕創立五年,信Tasty有得Jep! · 巴菲特後悔兩年前賣⭕⭕⭕⭕ 而認錯| 股東會五大啟示| 轉戰投資日本【從巴菲特股東大會睇2023全球投資趨勢】ft. 小炒王梁心欣| ... ... <看更多>
小炒王梁心欣 在 小炒王梁心欣 - Facebook 的推薦與評價
小炒王梁心欣 。 39453 個讚· 296 人正在談論這個。財經主持,記冧巴多過記業績,市場日日變,鍾情短炒工作聯繫電郵: leung. ... <看更多>