世界好混亂,連道德、價值標準都錯晒。
********
網站唔stable,原文貼上:
自從「佔中」後,唔少建制派人士,大放謬(或「膠」)論,歪理連連,絕對係挑戰梗每個人嘅EQ底線。不過,凡事都有值得我哋學習嘅地方,我哋不如試下喺啲歪理、金句中借鑑,套用喺股票市場度,從中學習學習。
1
偲嫣BB:警員毆打示威者屬「個別例子」
呢啲係正宗港女!以男女朋友Case做比喻--女:「有冇搞錯,你遲到!」男:「你上次都遲我都冇嬲你。」女:「上次我係因為行街行耐咗先街,情有可原,個別例子,唔計。」
如果散戶以呢個態度炒股就死得啦,感情用事,覺得自己決定永遠都係岩,買咗嘅股,有升冇跌。當見到中國微電子(139)跌到一仆一碌,就安慰自己:「個別事件」;見到保興(1141)又跌,又話係「個別事件」。咁諗嘅人,只係活喺自己世界,睇唔到全局,依家擺明係殼股洗倉啦,仲想兜?面對現實啦!
2
民建聯梁志祥:如果大家有睇過《黃飛鴻》,就知道黃飛鴻就係用一把雨傘作武器。
香港電影果然深入民心,如果遮係一種武器,學慌張西望杜秋棠話齋,好多野都可以係武器:《賭聖》入面,啤牌殺人於無形;《少林足球》五師弟,一腳射到連人帶波帶龍門飛出界外;我睇《來自星星的你》,人類口水掂到係會死!
張宇人,你噚日用3分鐘唱歌,個人認為係致命武器!有常識都知,《西遊記》入面,羅家英唱歌,孫悟空係會頭痛到死架!
以上咁多句,係想話你聽,好似炒股咁,隻股跌時,到底係真係炒完定震倉,大家要用腦諗。你見到把遮,你覺得係武器,係因為你心虛,自己淆底,以為把遮係一把劍,呢啲叫被害妄想。
炒股時,見到隻股基本因素無問題,圖片走勢靚,突然回吐,但又未失支持位,就唔使太驚。如果見到支細陰燭,就急腳沽貨,就好似梁志祥咁,將把遮幻想成武器,咁炒股真係難成大器。
3
屈穎妍:老實說,打人片段一傳出,無論是真是假,我一點都不覺驚訝,甚至奇怪這種事怎麼待至今日才發生。
好大壓力好慘就可以行私刑?咁諾奇單野係咪可以咁諗:「諾奇主席(1353)係欠人好多錢,啲股東又成日嘈嘈閉,佢都好大壓力,咁就決定對小股東行私刑,拎埋小股東啲錢走,等小股東有如冇左忽肉,荷包出血。」係咪可以咁諗?
by千頌C@堆填區
http://fb.com/winbigwok
Search