每逢佳節倍思親，每逢深夜唔願訓。腦入邊風起雲湧，推積住未諗通嘅問題好似尼瓜拉瓜大瀑布咁一瀉而下，想訓都訓唔到。
其中一個突然諗到嘅問題，就係創業同夢想，到底有咩關係？
估我唔到呢？竟然諗啲咁… 唔知係咩嘅野 🤔 少年，唔好咁執著於常識同logic啦，有次我上左床後突然就諗起粉紅色嘅大笨象，我都唔知點解 🐘
唔知由幾時開始，香港好鼓吹創業，鼓吹到一個點好似你唔創業就無出色，一世都出唔到頭咁。然後創業就同夢想掛左勾，好似所有創業嘅人都好有夢想，而所有夢想家都應該創業咁 💭
有夢想嘅人一定要創業？如果廣義黎睇，話創業係達成夢想嘅過程都不無道理。創業無一個明確定義，籠統啲咁講就係發現並創造新嘅機會，然後將佢發展成可以為世界帶黎幸福嘅價值。所以生仔係廣義黎講應該都可以話係創業！創造新嘅生命，努力令呢個生命為世界帶黎貢獻，呢件事何其重要。所以話結婚生仔係女人嘅終生事業，都有其道理所在，等我都努力啲幫靚女創業先🤰
但而家傳媒普遍將創業同錢掛勾，好似無商業價值嘅野就唔係創業咁。有啲可惜吧？因為再推論落去就會變左夢想都係為左錢，但我覺得夢想應該much more than that。走遍世界輯錄成書，成為無國界醫生等等，都係同錢無關嘅夢想，但都係值得付出全部去追求嘅夢想，廣義而言都算係一種創業。
諗到呢度，我希望為夢想平反，為創業平反。兩樣野都唔一定要有商業價值，更加唔一定要轉化做錢，只要有令世界美好多一點點，都已經值得鼓掌。
我其中一個夢想係要鼓勵同幫助其他人創業達成自己嘅夢想，如果你咁好心機睇到呢度，歡迎你同我分享下你嘅夢想，我一定會為你鼓掌嘅。希望係未來追夢嘅路上，創業嘅路上，可以同你互勵互勉 😊
尼瓜拉瓜大瀑布 在 空拍飛越尼加拉大瀑布Dji Mavic - Flying Over Niagara Falls ... 的推薦與評價
... <看更多>