（唔講電影，我想講下七警案）
—
支持七警的一些論述是「警察都係人，會有情緒失控的時候」，或者「咁應該做野好，定係唔做野好呢？執法搞到犯法！咁無保障仲有邊個願意當差呢？」，或者是一哥所言的「非常難過」，暗示天道不彰，伙計被法例所懲罰，但未必有錯；又或屈穎妍之流，試圖以現實情況的榥子去指鹿為馬，顛倒是非。
—
政治的確很複雜，為資源，為金錢，為選票，為很多不同的東西，你很難不去歸邊，因為歸邊才是角力開始的第一步，而歸邊的意義在於你不能再瀟灑，在利益盤根錯節的情勢下你很難去說你不同意自己陣營的一些講法或決定，除非你要坦然踏上兩邊不是人的道路之上。然後慢慢就失去了自我，甚至開始懷疑什麼是對，什麼是錯，無了道德是非標準。
—
像七警案，萬事皆有原因，我在以前就常常跟人講，就算你殺左人，其實都有你嘅原因的，當然控制唔到情緒都是真的，面對惡棍侮辱警隊而出手亦是真的。但「出得黎行，就預左要還」，我相信被定罪者如果可以再選擇，「暗角事件」就一定不會再重演。
—
而撫心一問，究竟在咩情況下對市民拳打腳踢是對的？恐怕無任何情況下是對的（使用武力卻是可以的，例如之前佔中以適度武力抬離示威者是跟足守則，再錯亦只是守則錯，與人無關），而我地又可以點樣去反駁「警察都係人」之說呢？
—
無錯，警察都係人，都會有情緒，但不同在於警察係受過相關專業訓練嘅「人」，所以佢地可以配置槍械，而佢地失控對於普通市民失控嘅後果亦會嚴重好多，呢個係作為公僕，著得起呢套制服同擁有呢個身份相隨的責任，法律面前，人人平等，警察唔應該有打人嘅特權，唔通市民考警察係為左打人？你唔做踩界野就無事，保障論不攻而破。而咁嘅話，又可以點破解「做野」一說？究竟有邊個話要做到野，就一定要打人或者犯法？無錯，做越界嘅事好多時可以減省極多嘅時間或者功夫，但都係果句，你要承擔番相應嘅後果。而有d野可以點樣唔踩界而又做得好？呢個先係你份工嘅專業丫嘛！
—
《火爆刑警》
屈 穎 妍 開始 懷疑 在 【短片】【屈穎妍在線】EP149：倒塌，總是由裂縫開始 的推薦與評價
對不合理的問題視而不見，對仇警的行為吞聲啞忍，你以為以和為貴，其實是在示範錯誤的價值觀。//#軍裝警察#聖士提反女子中學# 屈穎妍 影片網站連結（附 ... ... <看更多>