讀者投稿《核突Lur嘢奶奶篇》
我奶奶今年六十三歲。
佢好貪靚亦都覺得自己好靚，全個電話都係自拍相。佢可以著好涼鞋後彎腰搽一搽腳甲油，唔洗等乾就行出門口。
同佢第一次見面係拍拖兩年後，第一眼都覺得佢幾nice，點知一上菜就大件事。
佢慣性會夾d嘢放入口，完一輪再lur出嚟。肉呀菜呀都係咁lur。。。
有一次同佢食buffet，佢喺個面包碟上lur左一坐山。嘔心到侍應都唔收佢個碟。所以我好怕食飯坐佢隔離。
拍拖第五年，老爺奶奶想一齊去旅行，我地去左清邁自駕遊。（清邁係奶奶揀）Plan行程既時候俾左本旅遊書佢，叫佢睇下有咩地方想去。
佢話: 我冇所謂架，你地話事。不過唔好睇動物，唔好曬同唔好熱就得架喇！食嘢唔好辣同濃味囉!
去到機埸攞左車，我同奶奶坐後面，老公同老爺輪流揸。
一上車，奶奶就除鞋開始剪腳甲、放屁、大聲打喊路。。。又因為我會揸大機影相，去到每一個景我奶奶就會嗌我幫佢影相，同一個畫面要影十幾個pose。
食嘢永遠話自己只係食少少而唔肯自己要一個course，一定要人同佢share。lur嘢就一定架喇。總之成個trip乜嘢都投訴。
去寺廟話無聊，但影左過百張相。食親乜嘢唔係彈甜酸苦辣鹹就話自己都識整，但就猛咁放入口。酒店房浴缸同床太大都唔啱心水，design hotel=岩岩巉巉。市雜買嘢要講價就不停同人講廣東話（留意返基本英文佢識架）正當我開口幫佢講，佢就唔出聲行左去第二檔。。。待續
#退一步海闊天高
#我的極品四大長老
👇設計圖片
