由於疫情，近來由我負責去街市買餸。
以前唔識，貪方便到商場中的超市買，仲貴。
十條八條菜心，並排懶靚以透明膠袋包裝，要你十多塊錢。
肉仲離譜，切得薄如蟬翼；
然後攤平鋪滿發泡膠盒，利用你的視覺上以為很大板的錯覺，榨取金錢。
相反，在街市，菜十多元已一大斤，有時仲新鮮D；
肉的分量更不可同日而語，還可以請教不同煮法當買哪種肉。
不過，你要抵得住烈日當空，萬人空巷的情況；
而很多賣菜的呀姐都唔戴口罩，
賣肉阿叔卻擔住口煙。
所謂「食飯唔知米貴」，
原來一次過買幾日餸，動輒成千元。
幾舊薑加幾舊薯仔，已然過百。
有時我想，家庭主婦真的不是吃素的，把家用左右騰挪，總能煮出幾餸一湯。
小朋友們飯來張口，焉知面前的餸菜材料多少錢，
更遑論父母買餸拎餸來回的辛酸。
為了買得好餸，我都要買開果檔是果檔，盡量「溝」熟D 街市呀姐，甚至阿叔！
「阿姐，我又嚟啦，我最鍾意你……嘅菜心呀！」
「今日豆角仲靚呀，信我啦！」對方便會和盤托出當日的最優最劣。
「咁邊檔牛肉好呀，係咪你身後果檔呀？」
她便煞有介事地走近半步，細聲道遠處街角那間較划算……
能與街市呀姐打好關係，便能掌握街市的資訊行程，早著先機。
於是我便能大手掃貨……
除了買到好餸，有時逛街市也令人趣味盎然。
「阿姐，D 橙甜唔甜架？」（其實呢句好廢話，因為次次對方都係答甜的！）
「緊係甜啦！」
「有幾甜呀？」
「甜過初戀呀！」
於是，我就買了初戀嘅橙，點知返去切來食是酸的……
「阿叔，豬展邊舊靚呀？」
「呢兩舊都靚。」
「我唔識架，你幫我揀啦。」
「得得得，幫緊你，幫緊你……」
回到家，一心打算吃肉；
怎知打開袋，原來買了豬展骨……
我相信有志者事竟成。
我一定要成為一個成功的買餸佬！
買最好的餸菜給老婆仔女，
吃得他們大快朵頤，
令他們覺得爸爸是全能的！
左右聲道相反 在 [問題] 左右聲道相反- 看板Headphone 的推薦與評價