#婊揚好人好事
#又係塑膠累事
其實，上星期本來已經打算講呢個page走去吉野家踩場搞人地個店員唔走飲管，但後尾顧住玩就由得佢啦，點知今日再黎個回馬槍站出來回應事件。
首先，我以前寫文都講過，走塑走飲管唔係問題，你有你的信仰，但真係唔好夾硬迫其他人去跟。老實講，環保份子就係因為呢一班人，搞到大家「敢做唔敢認」，我呢一兩年都已經無主動拎飲管，就算對方俾我，我見未開封我都會退返去，依家倫敦部份Burger King改左自己倒汽水，我連個蓋都俾返佢。
有次同條仔食飯，佢見我退返枝飲管俾人，食飯時支支吾吾好耐，先夠膽開口問我係咪環保份子，佢當時個樣同問人「你其實係咪信邪教」一樣的不好意思。我即刻澄清我只係唔鍾意浪費，食材也好物品也好，不需要用就不用，純粹係師奶性格慳得就慳，和環保意識沒什麼關係，更絕不會認自己是環保份子，因為該用的物料我就會用，只是盡量不浪費，套用家中長輩的教導，就是「有衣食」。
依家部分人都唔係真正貫徹環保生活，說穿了根本就是生活壓力太大又或是人生太無聊，所以求其搵一種主張或是信仰，然後瘋狂高舉，並以此為借口隨機攻擊別人。以前係耶L，到近排部份教會都明白「上帝的歸上帝、青山的歸青山」，所以少左耶L搞臭自己教會個朵。結果呢班人就華麗轉身變成素膠、極端動保人士，還有反塑膠。
你會留意到，佢地的行為主要目標並唔係為左宣揚自己的理念— 環保，而係為左宣洩自己的情緒— 發癲。任何一個有腦的環保份子，都會明白婊死一個店員，仲有千千萬萬個店員，真正要解決的，是辦公室坐房那一班、甚至係監管回收不力的政府。但佢地係唔會理會，只會做一個小氣簿，方丈似的紀錄著這個店員那個店長，畢竟和一個團體周旋需要很長時間，他們追求的可是剎那的快感：互相交流和吸啜著彼此對個別店鋪走塑失敗莫名得近乎瘋狂的憤恨，以循環回收的角度來看，倒是挺環保的。
又退一步講句，你估那個被你爆完一輪的店員，會唔會自此成為環保份子？你望下香港嘅政壇就知道_票係唔work架，你越_咪越無票囉！但似乎這班人並不在意，因為說到底，「環保」才是用完即棄的理念，發洩過後爽了就好，進入聖人模式的傢伙還有空幫那堆紙巾分類嗎？（那其實不能回收吧？！）
睇篇訪問，我見佢又去日本、又去德國，但係呢，介唔介意我講句：其實旅行係極度唔環保的一件事。
根據數據顯示，港人年均排放13.44噸二氧化碳，當中一半，就係源自呀環保人士咁樣周圍飛所造成，更不用說當中飛機使用的化石燃料，又點止一枝飲管能夠比擬？
所以每當有成日炫耀自己周圍去旅行，「見證大自然的偉大」的矯情中產小賤人同我講話要環保，我都會打從心底恥笑呢啲人嘅虛偽。
當然，勿以小善而不為，勿以小惡而為之，這是無可否認的。但既然大家都是婊子，一時唔偷雞就學人做保長，一時無客就要拿牌坊，咁... 說不過去吧？
#留名等睇玻璃心碎
#麻煩各位拎返啲玻璃碎去回收
#話說我啲衫著左十三年都仲未扔
#仲著緊中七時的裇衫
#著開真係有感情
#然後我老公會偷偷地扔我啲爛衫
#仲可以著黎訓覺架嘛
#我又唔信你地無一件著足十年嘅衫
#只係我半個櫃都係十年以上之嘛
#巨蟹座很念舊的好不好
#完全唔關環保事
