【龔成問答信箱】(Q22501-Q22520)
Q22501:
老師!有個問題我想問好耐!
我見你講1211 現價偏貴。咁點解你而家唔先賣出???
低位再買返(我絕對明白投資要長線)
但亦冇理由睇住股價由最高位跌返落去?長期持有但高位沽貨!咁又如何獲利?
龔成老師:
因為無人知股價走勢。你這句「冇理由睇住股價又最高位跌返落去」,是「預期股價走勢」的思維,即是「散戶思維」。
這種思維,令一般散戶,無法賺到10倍回報,因為佢地見到某股到了高位,就會「賣出等跌先買」,但結果是「賣出後一直升」。
如果我真的賣出比亞迪(1211),但佢股價唔跌,然後佢的企業價值不斷增加,今天的$2XX是貴,但過一年可以變成合理,我就會買唔翻。
企業的平貴,與股價的走勢,中短期可以無關。
你仍停留在「一般人思維」,你以「現金」作貨幣單位,而我以「資產」作貨幣單位。
一般人認為「持有現金」才是有財富,認為「獲利,賣出股票」才能賺錢,但有錢人思維,就明白「現金永遠貶值,持有優質股才是真財富」,根本不用賣出股票。
一般人擔心「如果高位不賣出股票,不賺錢,有機會股價跌翻」。
有錢人擔心「如果賣出優質股,有機會買唔翻,持有貶值的現金根本無用」。
------------------------------------------------
Q22502:
老師,想請教隻完美醫療
1)公司向主席授出購股權是什麼意思呢?對公司前景是好與壞呢?
2)上海市打擊非法美容服務,正路理解是如果完美醫療係正規,理論上是可以打擊其他同行違規對手,有利完美醫療做到寡頭壟斷和汰弱留強,
從而整治行業而令其受惠及增加市場競爭力及份額,實屬利好!但問題是……作為我們散戶及投資者怎樣可以知道完美醫療有沒有違規呢??
現在我們都只是能看財經新聞消息和媒體報導,雖然暫時未见到上海市政府有點名批評(完美醫療有違規)的報導好似之前騰訊或阿里違規而遭罰款和要求改善和禁令,
但目前這兩個月從高位$10.9下跌至$6.6,會否已經提前有些預兆和隱藏一些殺機呢?
3)之前聽你講過$6是合理區間的頂部,所以我也本來打算準備$6.5左右開始分注入市的(之後近$6再加注),現階段的策略應該是怎樣呢?需要調整嗎?
觀望一下還是照原定計劃進行呢?盼龔sir指點一下!
4)另外你曾說你之前有入貨完美醫療,私人想問下你之前什麼價位入呢?如果以你自己角度,你會用咩價位再加注呢?
純粹想了解和學習多D你個人意見及做法(如果你介意的話可以唔需要講的)
謝謝龔Sir
龔成老師︰
1) 購股權,其實就係一個權證,給予持有者可以在未來時間,用特定價格買入該股。不少上市企業,都會以購股權作為管理層獎勵。
因為購股權的行洗價,是固定的。若日後企業股價提升,即管理層有機會用比市場更平宜的價錢,去買入該股。
其實這個動作,唔代表公司前景是好,定是壞。作為投資者,你只要留意購股權數量,當全數行洗,會佔已發行股量多少。
因為,當行洗購股權時,公司係會發行新股,變相令現有股東的利益被攤薄。以完美醫療(1830)為例,發行的70.9萬份購股權,只佔發行股份的約0.058%,這程度就影響不大。
2) 我地唔係行內專家或者用家,更加唔係企業一份子,的確很難去知佢現時有無違規風險。所以,我地只能用佢過去紀錄和現時質素,去作為參考,例如以現時香港情況去分析。初步睇,個風險唔算好高。
至於點解跌咁多,係因為之前股價太貴,現時純粹只係回調至一個較合理水平,當然,市場對潛在監管有擔心,都是風險。但現價未算平,只係合理區頂位,只宜小注。
3) 估值上無大變,現價係合理區頂位,如果你無貨可以先小注。但由於此股都有一定不確定性,故長線不宜持有過多。
4) 我在$2左右入,暫時唔會再加注。
------------------------------------------------
Q22503:
龔Sir,你好!我現年59岁,仍在工作,現持有以下股票,是否会适,請賜教:-
#00003 (香港中華煤氣) 2100股 @11.86
#00011 (恒生银行) 200股 @144.25
#00012 (恒基地產) 1000股 @28.75
#00066 (地鐵公司) 3,000股 @41.12
#00303 (伟易達) 500股 @60.58
#00435 (陽光房地產基金) 7000股 @3.75
#00548 (深圳高速公路股份) 2000股 @6.88
#00590 (六福集團) 3000股 @18.50
#00778 (置富產業信託) 5000股 @6.99
#00823 (领展房產基金) 600股 @70.60
#01310 (香港寬頻) 2000股 @11.04
#01448 (福寿園) 3000股 @7.70
#01928 (金沙中国有限公司) 1600股 @33.33
#01972 (太古地產) 1000股 @21.68
#02388 (中銀香港) 2000股 @25.58
#02638 (港燈) 2000股 @7.70
#02800 (盈富基金) 5500股 @27.44
#03067 (安碩恒生科技) 1300股 @17.71
#03110 (GX恒生高股息率) 1200股 @28.50
1) 老師,最终#00788 (中國鐵塔) 及#1177(中国生物製药)賣出了,前者蚀约1700元,后者賺了150多元。在这段日子裡我也按您给我的意見,
加持了部份的股票,有時間請您抽空再给我宝贵意見。
2) 老師,按以上这个组合,我这个年纪应否到价時可减持或全賣出#01448(福寿園) #03067(安碩恒生科技),会否造成组合不平衡呢?
3) 老師,另外我想问问#01928 (金沙中国有限公司),这年头怎麼不公佈業绩的,这情況会对企業有影响嗎?还可继續投资?
4) 而#01310(香港寬頻),我也希望到价時賣出,加持组合內其它的股票。
老師,請抽出您的宝贵時間多多指教提醒。
龔成老師︰
1) 現時這個組合,大致上可以。但緊記,這個組合不是永遠適用。你要按自己人生階段,慢慢將收息股比例加重,至退休時應佔100%。
2) 如果佢地去到好貴水平,你就可以減持(現價只是合理區上部,跟好貴還有很遠距離)。或者到你退休前2-3年左右,慢慢分段沽出,換成收息股,咁就可以。
3) 中期報告,佢往都係8月尾先有,至於2020年全年業績己在2021年3月公布。上年受疫情影響,出現虧損,但相信只係影響集團中短期,長線投資價值依然存在。
4) 香港寬頻(1310)主要在香港提供固定電訊網絡服務及國際電訊服務,以及產品銷售。
業務發展不過不失,中短期較一般,之後會好翻D。
整體來說,長線投資仍可,雖然增長力唔算強,但作為收息股係可以。而且你持貨不算多,唔建議你沽出
------------------------------------------------
Q22504:
龔老師你好,我於去年買入了一些股票,部分買入後幾日就可以倒蝕,當時問過老師意見,希望到一定價位後放出,但一直未有機會。
直至近期差不多全倉紅了,而我亦認為月供股較適合我,但希望老師指點一下如何處理持倉的股票,謝謝
京東健康 6618 $146 ,550股
小米 1810 $28.35 ,600股
東亞銀行 0023 $16.8,600股
云想科技 2131 $12.08,1000股
清科創業 1945 $19,800股
中策集團 235 $0.25,20000股
龔成老師︰
你太在意個買入價和帳面數字,完全錯左焦點。
你唔好再用買入價,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
小米(1810)係有質素的潛力股,若你係年青至中年人士,這股適合長線持有。
京東健康(6618)、云想科技(2131)和清科創業(1945)唔係話無投資價值,只係不確定性較高,你現時只有好少貨,其實你可以長線持有都得。
但京東健康(6618)就持貨太多,就算一般優質股,我地都唔好持有過多,大約佔組合15%好了,行業上限則為30%,以免出現過度集中性風險。故你要將6618沽少少,換至其他股票,去平衡個組合。
東亞銀行(0023)和中策集團(0235)質素一般,建議你分段慢慢沽出,換至其他優質股。
其實若果你無太多投資知識和經驗,對企業估值,點去定平貴不太了解。先利用月供模式去做增值,可以減低買貴貨風險,對你而言會較理想。
假設你係年青至中年人士,你可以用「平穏增長股」 + 「潛力股」的組合。如果你係偏年青,比例大約可以去到各一半。
但由於「潛力股」有一定波動性,較適宜年青和有投資經驗人士。若你投資取態較保守、經驗較淺或者較接近中年,「潛力股」比重就要相對下調。
現在你每月先用5成儲蓄做月供。其餘先儲起,用一邊月供一邊儲蓄的策略。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
------------------------------------------------
Q22505:
謝謝老師,明白的。如果有一百萬作投資,分注的話,又估計會下跌,是如何分注?
龔老師,我老公叫我全部公積金(4成都係股票)轉現金。我覺得無必要,因為我的股票部份是港股,而且市一定會反彈的。
但是,我快退休,會於明年1月攞番公積金。請問你可以俾我意見嗎?我很不開心,因為工作多年不開心,難得做了決定,現在為賺錢又不退休,非常難受!
我身體不大好,因為多年壓力,不是一般人可以忍受的。
龔成老師︰
若你明年頭就退休,餘下可投資時間不多,公積金組合,真的不宜持有太多股票。你要開始慢慢將佢地換成較保守組合,例如債券、現金類基金。一切以保本為主,之後取回相關資金,再投資收息資產。
但記住唔洗一次過轉晒,分段咁去做會較好,可以平衡價格波動風險。
另外,我地唔好估個市走勢,無人可以估到佢中短期,幾時跌,幾時升。我地只會用股票平貴,去定我地投資策略。
現時大市在合理水平,你100萬可以先用30-40萬,慢慢分注買入我之前講的收息股。餘下資金,就等有再明顯回調,才慢慢加注。
配置比例上,唔洗諗得太複雜,平均分配在我推介你的收息股就可以。只要唔好偏重個別企業或者行業,比例控制在分別15%和30%以內,咁就可以。
辛苦日子將會過去,好好配置財富組合,去享受將至的退休人生。
------------------------------------------------
Q22506:
感謝龔sir意見!因為巴菲特都非常推薦投資者購買ETF,所以我想多了解一下ETF,龔sir在你的股票班中只有在初班有提及到ETF,
當中你提到NAV值,因為財經網站上提供的NAV值都是有延誤的,所以必須自行計算現時的NAV值。
我以安碩恒生科技(3067)做例子,想麻煩龔sir你睇睇我有冇計錯。
8/18恒生指數收市價 25867.01
8/16恒生指數收市價 26181.46
8/18 安碩恒生科技 現價 12.97
8/16 安碩恒生科技NAV 13.416
計算恒生指數8/16和8/18的差額
25867.01 - 26181.46 = - 314.45
- 314.45 ÷ 26181.46 = - 0.012 (-1.2%)
恒生指數差額為 -1.2%
再將NAV值 × 恒生指數差額
13.416 × -1.2% = -0.16
13.416 + (-0.16) = 13.256
8/18安碩恒生科技的NAV值是13.256
比較今日收市價12.97,NAV值大於收市價即代表此刻市場低估此ETF價值,是一個買入的訊號。但是我要如何得知此價是應該大手買入還是小注買入呢?
如果我想多了解一下ETF,請問有冇書籍或者網站可以介紹?
謝謝!
龔成老師︰
你唔應該用恆指去計,而要用恆生科指數數去計!
至於當中的計算模式,和得出ETF被市場低估這個結論,係正確。
但係抽取數據作比較時,就有問題。我地係決定用那個數據,同該ETF比較時,要留意有無比較意義。
你現時分析對象係安碩恒生科技(3067),是30間科技公司的ETF組合。而恆指,則是60間藍籌企業,當中包括科技股以外,多個不同行業。故2者係有根本性的差別,用來比對其誤差,就有失穏當。
你應該用恆指科技指數,去做比對對象。因為3067,就正正係追蹤這個指數。
8/18恒生科技指數收市價 6226.69
8/16恒生科技指數收市價 6420.14
即大約 -3.0%。
而8/18安碩恒生科技股價$12.97,和8/16安碩恒生科技NAV$13.416,差距都是 -3.3%。故ETF3067跟大市,大約只有0.3%的誤差,唔算係好大。
其實一般大型ETF,好少會出現較大誤差的情況。主要係一些冷門和不活躍的ETF,才有機會出現。
如果真係有較大折讓,而個ETF本身都有投資價值。你可以因應當時平貴,去決定注碼。因為我地唔係短炒,這個折讓純粹係多個機會,令你找到別人不為意的平宜貨。
------------------------------------------------
Q22507:
龔sir 你好,已經過左半年,希望老師審視我既投資組合
2800 @ 27.5 2784股
066 @ 44.5 1402股
2388 @ 28.3 1000股
1211 @ 44 205股
1177 @ 7.7 1200股
788 @ 1.28 18000股
178 @ 2.21 6000股
1212 @ 7.6 4000股
1257 @ 3.2 5000股
1972 @ 21.05 1200股
1928@ 27.8 800股
9618 @ 290 50股
3067 @ 13.9 800股
(1) 持股組合有沒有問題?需要改善?
(2) 持股數目會否太多?
(3)月供緊788仲可以繼續?
(4)想往後賣出2388/178,再轉去其他增長股,可以嗎?
(5) 現在科技股有回落,增持3067/9618得唔得
(6)增持1972/1928/1212/1257可以嗎?
謝謝老師指導
龔成老師︰
1) 無問題,你長線持有就可以。
2) 有少少多,最好集中係10隻左右。
3) 可以,但你預佢增長力無以往咁勁,算係潛力股和平穏增長股之間,依然有長線投資價值。
4) 中銀香港(2388)有質素,唔建議咁做。而莎莎(0178)唔係無質素,但比較受經濟週期性影響,不宜持有太多。如果你想換碼,可以等大環境明顯好轉﹐佢有較大回升時,減持少少。
5) 如果你資金較充裕,現時加小注都係可以。但若資金不多,可以等佢地回多少少先,才考慮加注。
6) 這些股票,現價都合理,你最好等佢回到同你上一注,係有10-15%回調幅度,才加注會較好。
另外,中國光大綠色環保(1257)其實本質不差。
睇翻佢的業務情況,長遠發展其實是一個大方向,但佢近年負債有所上升,加上市場擔心佢之後的增長力有所減慢,因此對這股的評價減少左。的確,負債與發展持續性,是這股的風險因素。
長遠來說,這股仍是有投資價值,但不建議太過大注。始終都有風險,同時可能仍會弱一段時期。
------------------------------------------------
Q22508:
龔成老師您好,又想找您問問題。首先,好多謝您回覆所有網友的問題,又會公開俾人睇,您的每個回覆都充滿了正能量,每次我唔開心都會不停睇您的帖子。
我27歲,一事無成,靠努力有4份工,接近番足7日工,每年TOTAL放10全日假都無,雖然D工都係兼職、炒散、正職係低人工的文職,月入都係共$15,000-$17,000左右。
睇左您個page2年左右,由短炒變長渣,由輸好多錢變打和,好多謝您。
現時股票有
12(佔投資組合13%)、
257(佔投資組合7%)、
386(佔投資組合9%)、
728(佔投資組合7%)、
1448(佔投資組合8%)、
1800(佔投資組合6%)、
2388(佔投資組合15%)、
3868(佔投資組合6%)、
3320(佔投資組合6%)、
1(佔投資組合23%)
Total $250,000, 帳面(-5%)
現金$120,000(全數可投資,不用作流動現金),每月儲$8,300左右,每年股息約$11,000,全數會再作投資
股票好似有D多,但我唔會再買新股,目標係上述10隻股票,平均每隻佔投資組合10%
因為我成日為自己工作好唔開心,所以我目標31歲左右有100萬,之後唔再儲咁多錢,再搵其它開心工作。而果100萬希望之後每年複利息6%增長,
我65歲時就有6,800,000左右,加埋MPF應該有8,200,000,而退休後每年可以用$740,000左右(如果計2021年之後每年3%通帳,我65歲的$740,000即是現時的$240,000)。
如果我現時(27歲)根據每月儲$8,300左右,股票250,000左右,現金120,000左右,再複利息投資上述10隻股票,我31歲時可以有100萬的機會大唔大?
如果我31歲時有100萬,之後不儲蓄但不停複利息增長,我65歲時有6,800,000的機會大唔大?
最後,請問老師有沒有其它財務建議?
萬分感謝,無名的支持者
龔成老師︰
其實你最需要多謝的人,是你自己。因為"改變"唔係一件容易的事,要很大力氣、意志和自律性,才可以做到。
以年均回報6%計,你31歲時100萬,應該在65歲個陣可以升值至720萬。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
以你27歲這麼年輕的年紀,我會建議先集中係有增長力的優質股(除非你風險承受能力好低),去累積一筆財富。
而我地以長線平均回報計,每年平均合理增值,大約可以去到10-15%。若以年均10%回報計,你這100萬到65歲,應該已經升值至2000萬以上,故成事機會很大。
我假設投資回報有10%(連股息再投資),你每月投資$8300 + 37萬資產,4年後大約會增值至100萬,配合到你目標。
但較大問題係,你現時持股中,不少是收息股(0728, 3868, 1800,0386),佢地增長力較弱,主要係收下息,未必可以做到年均10%增長。建議你將部份換碼至以下增長股,同時月供部份,都係以有增長力股票為主。
你可以投資「平穏增長股」和「潛力股」,去創建一個增值平台。你每月5成儲蓄,即是用$4150做月供。其餘先儲起,用一邊月供一邊儲蓄的策略。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
現時大市只是合理區,你現有12萬現金和每月所儲倒的資金,就等大市出現一定程度的下跌,才大力度掃貨,然後長線投資。
到你退休時,將這些股票換成收息資產,去支援你退休生活開支,咁就可以。
------------------------------------------------
Q22509:
阿sir,想問下如果想股換股,因為資金不足
1. 857中石油(賺錢)
2. 788 中國鐵塔 (蝕錢)
3. 9960 康聖環球 (蝕錢)
其實係咪應該將蝕錢的轉倉?如果按質素我覺得可能康聖會係最差?初時諗不如用中石油轉,但如果佢係呢3隻當中最好質素,即佢賺錢能力較強,又冇理由攞佢嚟轉,求賜教,謝謝
阿sir想問呢隻1799可入嗎
龔成老師︰
其實現時係賺錢,定係蝕錢,唔能夠代表佢質素好壞,最終我地都要睇翻佢企業本質而定。
3隻當中,中國鐵塔(0788)最有質素,雖然增長力比以往弱左﹐現算係水桶1至2,但長線投資價值依然存在,建議長線持有。
中石油(0857)都算有質素,但這始終是商品企業,產品沒有差異性,只能賺取合理的利潤,不算是最高質的類別,投資價值中等,這類股不宜持有太多。
石油是商品,當中沒有差異性,佢地要將石油賣出,只能跟國際油價,這令佢處於被動狀態,沒有價格自主的能力,這令佢地的獨特性有限。這類商品企業,都可投資,但就要明白不是最高質的企業。
由價佢會比較受油價影響,自主能力不強,加上油價中短期可以好波動。長遠增長力只屬中等,只宜小注投資。
康聖環球(9960)質素同樣只算是中等。
佢主要於中國向醫院提供6個主要專科領域(包括血液學、遺傳病及罕見病、傳染病、腫瘤、神經學及婦科)的臨床檢測服務,亦提供COVID-19相關檢測服務及常規檢測服務。
佢亦向合約研究機構、臨床試驗贊助商、製藥公司及研究機構提供臨床檢測服務、諮詢及評估服務,以及標本儲存服務。佢係在武漢、北京、上海、成都、天津及烏魯木齊設有7個實驗室。
其實質素都有的,但不算好高,企業獨特性未算好強,以及這刻佢在虧損中,往後的發展仍有較多不確定性。這類股都一樣不宜投資太多。
如果你0857和9960持貨佔組合較多的話,你係可以沽少少,換至其他優質股。
但緊記我地創建組合時,唔好太集中係單一股票,要平衡。個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
在創建組合初期,組合金額較少,出現超標都係可以接受。但長線你要參照這指標,去維持組合的平衡性,才算理想。
新特能源(1799)係太陽能級多晶硅生產商和光伏項目承包商,主要從事中國光伏產業上游和下游環節的業務。
佢除左多晶硅生產外,亦從事電力銷售(透過自有燃煤發電廠供應電力多晶硅生產之用,並銷售多餘電力予當地電網);工程建設承包(根據EPC、PC或BT承包模式經營,為光伏及風電項目提供能源解決方案,包括工程設計、諮詢、建設、調試及運維);逆變器生產(用於光伏項目的一項關鍵部件)及光伏硅片及組件生產。
其實過往的生意與盈利唔算好突出,同埋有D波動,只是近期新能源有炒作,佢都炒起左。實質支持係咪好大,未知。但建議保守少少,暫時這股投資值博率不高。
------------------------------------------------
Q22510:
老師你好,現年已經27歲,收入35k-45k左右,感謝老師一直以來的意見,現已累積超過100萬的資產現持有以下資產:
股票約60萬左右;
銀河持有2216 股,平均價為55.5;
港鐵持有1888 股,平均價為41;
中國鐵塔持有56814 股,平均價為1.22;
中生製藥持有6444 股,平均價7.7;
比亞迪持有258 股,平均價為48.5;
錦欣生殖持有1144股,平均價17.3;
盈富基金持有9148 股,平均價25.4;
現金10 萬左右;
派息基金Z07 24萬左右(五年內離場要手續費,所以至少放五年,平均每個月7%息);
危疾(有儲蓄成份,為期25年)、醫療(消耗)以及儲蓄(為期10年,每月$3000)一年合共保費大約6~7 萬;
央積金大約4 萬(政府每年如果有盈餘會加注幾千,到65歲才能拿);
1.請問以上股票是否有質素可以持續月供?如仍有質素,以上股票比例上需要調整或加入什麼,可以有更大收益?
2.在以上各方面配置中,老師有什麼建議?(風險承受程度中上)
龔成老師︰
1) 現時股票都有質素,但錦欣生殖(1951)不確定性較高,而且現價偏貴,不宜月供。
比亞迪(1211)現價偏貴,最好回少少先重新月供。但如果真的好想儲貨,同時現金足,現價以小注模式去月供,都可以的。
又或者可考慮GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。
2) 以上持股配置,問題不大。只要你跟我建議,調整一下月供計劃,咁就可以。
但你27歲很年青,應以增宜為主,派息基金增長力不高,其實不太適合你。但由於離場要收手續費,你照持有都可以,但唔好再加大投資。
------------------------------------------------
Q22511:
!我已經預留登記了星期六班,希望到時學到知識可以識運用!
龔sir, 可否多問一樣關於派息基金,因為這陣子很多不懂投資的同事/ 準備移民,諗住留筆錢比在港父母的朋友都向保險公司買呢類每月派息的基金當家用比父母。
請問您覺得這類型投資如何?值得作為資產配置的一部分嗎?謝謝
龔成老師︰
這類派息基金,其實分好多種,性質上可以成為退休人士資產組合的其中一員。
但問題係,你要明確知道,這些基金派息率是否保證。另外,基金本身有無賺息蝕價的風險。
用這種方法去支援留港父母生活,係一個方法,但必需了解清楚背後條款,以免失算。
------------------------------------------------
Q22512:
我努力睇你既野.可否分柝我既分配是否有問題. 我覺得無咩收息.....加唔肯定幾多錢入注。
2000sh [email protected]高價今明年內賣?
200sh -9988
200sh -1833需再入注?
600sh -0823 應幾錢再入@59.15/66.45
1000sh [email protected]應幾錢再入
以上兩隻我之前等現在升哂
3000sh -3067
500sh -6993
150sh -2807
20000sh -0788
[email protected]可再入注?
應該入金沙?0548/0778? 收息?
龔成老師︰
我地投資股票,其實等同投資一間企業。希望透過其自然增長,以達至財富增值的目的。所以,我地投資一定係長線,而唔係短期炒賣,去賺差價。
你上述股票,都係有質素(2807相信係打錯編號),若你係年青至中年人士,這組合係可以長線持有。
除非佢地去到好貴,或者質素變差,否則係唔需要沽出。因此,你3088照長線持有就可以。
至於平安好醫生(1833)佢有質素,但不確定性大,唔建議持有太多。
而領展(0823)有質素,你每注相距大約10-15%咁入就可以。但留意任何股票,都要控制個比重。同一行業或企業,不要超過組合15%和30%,以免有過度集中性風險。
港鐵(0066)現價在合理區中上部,你有貨在手,除非你資金好充裕,否則等佢有明顯回調才加注,會更好。
GX中國電車ETF(2845)現價在合理區頂部,暫時不宜大注,你等佢回多10-15%才考慮。
另外,你有個較大問題,就係你而家太偏重左係潛力股(3088, 9988, 1833, 3067, 0788, 2845),佢地雖然有增長潛力,同時風險都較高,不宜持有過多。
假設你年青至中年,潛力股可佔約4-5成,餘下應用以下平穏增長股。若你投資經驗較淺,潛力股比重,要再調至2-3成以下。到你學到一定投資知識,才慢慢調高。
未來時間,你就要加大翻平穏增長股部份,令組合更平衡。
------------------------------------------------
Q22513:
龔SIR, 想問你關於你當時還在儲貨比亞迪既時候, 你話曾經比亞迪試過由$88跌到$12, 想問你當時有冇諗過自己既決定係錯?
因為 公司股價跌,跌左再溝, 又跌再溝, 有好多時會越溝越錯,所以先了解下你當時對比亞迪既諗法係點? 因為當時0幾年既時候
如果電動車將來因為技術上或者其他原因普及唔到, 好可能對比亞迪尼間公司成個諗法就錯唒, 所以好想知你當時考慮左咩因素去決定繼續增持?謝謝你龔SIR
龔成老師:
睇長遠價值,不是睇短期股價。
十幾年前,我已大量睇電動車行業資料,分析行業及技術發展,我見到電動車的最大問題,就是電池技術與配套。
如果這兩大因素解決,電動車一定能普及,因為佢比用油平好多,同時更環保。
然後,我分析電池技術與配套,這兩大因素,中國的配套在近10年間,不斷建設,例如充電設施等,在全球行得較多,多年前已相信,中國這方面的配套成熟,是遲早的事。
之後就是分析電池。
比亞迪(1211)本身就是造電池起家,之後再造車,是全球擁有較高電池技術的車企,其實佢的電動車,2007年已出產,當時已見到唔算差(雖然與市場化有距離),但佢過往的電池研發好強,因此可以推論,只要比時間佢,電池技術一定會提高,因此成功只是時間問題。
我地分析,一定要著重大方向,多年前,當其他人仍停留在「比亞迪的車會爆炸」,我就是分析,這個爆炸的原因是甚麼,是否核心因素,還是能解決的問題,我以「長遠的角度分析」,而不是這刻,我見到佢受短期不利消息,令股價大跌,就會增持,我從不擔心佢股價跌,因為我集中睇企業。
投資潛力企業,就是「這刻未成熟時買入,耐心持有,等企業成長」,所以,我地的分析點一定是長期。
------------------------------------------------
Q22514:
龔成老師你好,暫時冇乜錢,買住一隻先
3067係咪應該長期持有?
龔成老師︰
安碩恒生科技(3067)可以,這隻股票有質素。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
這基金上落較大,現價大約在合理區頂,因此,這刻不能大注投資。
最好的策略,就是月供,或自行分注小注慢慢收貨(例如每月買一次、或2個月買一次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
你現先買一隻,係可以。但長線計,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
------------------------------------------------
Q22515:
龔sir, 父母50多歲,冇任何保險,如果基本保險要每人2000蚊一個月左右,係唔係都最好買?
龔成老師︰
其實保險係我地理財中防守部份,主要係將一些健康風險,轉移比保險公司。所以,保障型的保險,我地係需要的。
至於$2000值唔值,你要睇翻本身個保障,係唔係真係切合你家人需要而定。
若係儲蓄類保險,我就不太建議,始終增長力不及優質股。除非你本身好保守,或者完全唔識投資,否則就不太建議。
------------------------------------------------
Q22516:
龔sir,你好!一直有關注你嘅post、YouTube Channel ,每日會花一小時去睇你解答問題同研究點可以令自己在股票市場進步,去學長線投資,
現時手頭上新經濟股比較多,都係年頭高位買入,想請教一下你嘅意見!
本人手持150萬左右現金,尚有250樓按要償還,月入3萬+,目標係3-5年後還清樓按再購入600-800物業,股票資產50萬,另100萬現金流
手持股票如下:
9988@270 400股
700@674 100股
388@499 100股
[email protected] 6000股
[email protected] 100股
[email protected] 7000股
6185@344 200股
[email protected] 5000股
2400@95 600股
[email protected] 3000股
好多股票都係高位買入,組合亦比較亂,想問應該如何再配置?等升返還是放部分等底位再吸納?
最後想同你講聲多謝,一直keep住睇你嘅post 令我自己都不斷去學習,以前上網無所事事咁過,依家會多思考點去進步,令將來的生活變得更輕鬆,
我相信越努力越幸運,多謝你令我思考點去做個有錢人,而唔係單單停留喺「想成為有錢人」嘅階段,呢啲都係睇你post學返嚟,哈哈,再次衷心謝謝你花時間睇我嘅留言
龔成老師︰
我地持有一隻股票與否,只會睇佢長線質素。同時我地唔會因為買貴左,就先沽出,等平D買翻。因為中短期走勢好難估,會受很不多因素影響,有些因素甚至係同企業本質無關。
如果你而家沽左,無人可以保證佢係唔係會再回,佢可能一直升,咁你就要用更高成本,才可以買回這隻優質股。
你現時持股,都係有質素,應長線持有。但有個較大問題,就係比較偏重潛力股。佢地雖然有增長潛力,同時風險都較高,不宜持有過多。
同一行業佔組合的比例,不宜多過30%,如果你上述有些行業過了這比例,就要減持。
另外,見你不少股都在貴的價位買入,你要大幅強化企業估值及投資時機的能力,又或日後多用分注、月供等投資策略。
如果你係年青至中年,潛力股可佔約4-5成,餘下應用以下平穏增長股。若你投資經驗較淺,潛力股比重,要再調至2-3成以下。到你學到一定投資知識,才慢慢調高。
現貨可以不用沽,但未來時間,你就要加大翻平穏增長股部份,令組合更平衡。以下平穏增長股,現價合理,已可分注。
另外,微盟集團(2013)、心動公司(2400)、康希諾生物(6185)和中國飛鶴(6186)不確定性較高,不宜持有太多。
現時大市在合理水平,你可以多用30-40萬,買入一些平穏增長股。餘下資金,我地就等大跌市,才出手掃貨。
至於物業投資方面,現時按息很低,你唔洗急住清還樓按,反而應該用資金去投資,爭取更大回報。
而投資第二個物業時,緊記要確定買樓同時,你留有一定優質股作增值。否則,你成個財富組合,就會偏晒去物業個邊,造成過度集中性風險。
記住,投資路上係要一直保持學習,長線回報才會好。加油!
------------------------------------------------
Q22517:
老師,可唔可以講解下1825同2944。如果跌到0會點架?
龔sir, 我最終賣咗0136, 另外一隻1825,止蝕離埸,蝕左20万
好彩還有隻1211 保住,15x-17x 入手,入咗6 手,仲有D小注0285,1830,2388, 3319,3918 , 坐艇。我以後都聴晒你講。
龔成老師︰
美臻集團(1825和2944)過往業務一般,之前因為有炒作,現在只係回調翻去較合理水平。不過以業務發展來分析,這股的投資價值,只是一般般。
正常股票唔好跌到零,點到有些剩餘價格。但由於這股質素好一般,你沽出都係可以。長線換至其他優質股,回報會更好。
至於餘下持股,都係有質素,你可以長線持有。
但組合現時較偏重左係潛力股(1211, 0285, 1830, 3918),而且非常集中比亞迪系股票,佢地雖然有增長潛力,同時風險都較高,不宜持有過多。
若你偏年青,潛力股可佔約5成,餘下應用以下平穏增長股。若你投資經驗較淺或較近中年,潛力股比重,要再調至3成以下。
未來時間,你就要加大翻平穏增長股部份,令組合更平衡。
------------------------------------------------
Q22518:
你好龔Sir ,你對ESG 投資有咩睇法?邊隻股票好值得投資
龔成老師︰
ESG,就代表環境、社會及管治。是近年多左人討論的一個項目。
這部份係一些非會計上的因素,而這些因素,係有機會影響企業長線經營和發展。
投資者過往選擇投資項目,主要係分析企業長線盈利表現。但近年已開始愈來愈重視ESG,企業能否在賺錢之餘,對社會和環境作出一定貢獻。
而且,全球法律改變,人們對環境關注度增加,都令企業對ESG的實踐造成推動力。但現時亞洲ESG未算好普及,主要都係一些歐洲企業,佢地對ESG關注度會較高。
其實我地係分析企業時,除了財務數據,我地都會分析企業和相關行業本質,如果ESG因素係對企業有長線影響,我地都應該將佢加入估值考量之列。
而我分析無特別用ESG表現,去做分類。但ESG比較多人關注會係綠色能源,你可以向這方向找投資機會。
------------------------------------------------
Q22519:
你好, sir 1.其實700 我453入貨有無錯?
1.其實700 我453入貨有無錯?
2.下一级支持位在哪?
3.rsi 好似無乜用
4.牛熊分析恒指没乜用
5.恒指25000是否有支持?
6. 700,6618那個較好可以吸?
Thx you
可否比d意见
我又放左
龔成老師︰
1) 騰訊(0700)你買入價合理,但你預佢中短期會較弱,長線持有就可以。
2) 我唔會睇支持位,只會睇企業質素,去決定長線持有,還是要沽出。
3) RSI係一些技術分析,只係短炒架人用。我唔建議你用短炒方法去投資,因為中短期會受好多因素影響,只有長線持有,才可以有效反映企業價值出來。
你見全球最賺錢的投資人巴菲特,去都係只會長線持有優質股,唔會做短炒或者用技術分析。
4) 牛熊分析,可以作參考,但實際用途唔大。因為其走向不一定順序的,因為有好多外在因素影響,我不會用「預期」的方法,去估股市、股價點發展,
我只會用「測量狀態」這方法,分析現時處甚麼位置,從而作出策略,但就不會預測。
5) 25000點算係合理區較底位置,有一定值博率。但都要睇翻個別企業平貴,因為大市在合理水平,唔代表企業都一定係合理價,有權可以係好貴。
6) 騰訊(0700)算係合理區中部,而且整體質素都較高,值博率會較高。而京東健康(6618),不確定性較大,無貨現價可小注,但長線不宜佔組合太大比重。
------------------------------------------------
Q22520:
抱歉老師,我發現自己打錯字…是0688 (中國海外)15.3入2000股
不過謝謝老師的詳細解答 我是因為看過老師在fb的發文或閲讀過老師的書籍才有些少能力判斷某些公司的前景。縱然現在大市回落一些,但仍然二千元盈利。
我家人説很多人在這段時間都是虧損 所以還得感謝老師
其實建行是我還在在學期間聽信祖母的意見買入的 現在 家人也建議我待它升回6.X元時便會沽出所以股分。我也有這樣的打算
因為在學期間沒有很多的收入,不太敢輸錢。所以只是把積蓄放在一些收息股上
龔成老師︰
中國海外發展(0688)不是無質素,在發展商來講,不算最強,長遠有平穩增長的能力,前景都可以。
睇翻佢的財務數據,基本上都是正面的,但生意增長力不是好強,見佢過往的生意都只是平穩,而整體都有投資價值的。
可以視這股為平穩型的企業,中短期可能因樓市一般而股價一般,但長遠,仍是可以的,你可以持有。
至於投資初期,買一些波動性較細的收息股,其實都係可以。但由於建行(0939)你持貨都唔少,為免佢過度拖低你組合增長力,你都係沽少少,換至其他我之前建議的優質股,咁會較好。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
平安米怎麼處理 在 龔成 Facebook 的最佳貼文
【龔成問答信箱】(Q22441-Q22460)
Q22441:
龔sir你好,本人係聾人,最近對於聾人遇到很多不公平的事,例如社會上健全人在最上層,盲人、其他殘疾人士比健全人地位低,佢哋可說話,可溝通。
可是聾人呢,卻是更低,在最最低層。我們手腳都沒問題,但不能溝通,不能聽電話,只能被壓到社會的最低層。其實政府對殘疾人士,完全零支緩。但我沒有自卑,從來沒有,我總希望自己可以堅強一點。
本人很想向你學習下,為買股票想財富增值。
從未睇你FB前第一次買咗[email protected](二手)跌咗蝕得甘慘,咁難升番上0.64,打算想賣出後轉到有質素的股票。有咩意見?
今年3月頭,一向都有留意你分享,日日都有睇你的Q&A, 覺得有用,得益不少。如你開班我第一時間會報名,可惜我不能因聽不到(聾不代表啞)
你教的課堂內容,變相會跟不上進度,就係我遇上很大的學習困難,so sad, 唯一方法是購入你的作品,
最近睇咗你三本“80後千萬富翁“,“50後穩健收息股“,“股票勝經“,睇呢本書有d未必一定可以理解,想請教你,有個問題我唔明白又唔懂点計算,
例如建立咗一個長期的「平穩增長組合」,佢哋收入都增長,盈利都保持向上,加上股本回報高,有機會回報高10倍or可能未必成為10倍股 ,所以要睇佢哋之後的業務發展,
請問呢個点計算法?可以舉個簡單例子?可簡單解釋嗎 謝謝
我35歲,月入19k, 每月約有10000作儲蓄,給家用9000元,希望在10年可資產增至200~400萬, 目標:50歲前提早退休,想做財務自由。
現時持貨如下:
平穩增長股
1928 $28.25(1手)
0012 $35.9(1手)
2318$68.85(1手)
0270 $10.6(1手)
潛力股
1810$21.65(1手)
收息股
939$6.13(1手)
我自覺賺的幅度不大,打算將邊投資(平穩股70% 潛力股30%)邊儲蓄的策略,等跌下會大力掃貨。請問有沒邊啲股票係有機會做到5年或10年後有200~400萬?
不好意思我講到甘多,期望得到你的回覆,謝謝
呢本書你講句“現金不斷會貶值,不是財富“ 你講得好好講得有道理
買咗你本80後,希望睇完增加了一些投資嘅知識,努力
voo定期定額好?月供好?謝謝
龔成老師︰
這個世界,有好多客觀條件,未必到我地控制。唯一可以做的,就是唔好比這些因素,去限死自己。盡力去打破這些限制,為自己創造出更多空間。
只要你有夢想,內心夠強大,其實無野可以難到你。
我當然不能夠明白你的情況,但現時利用文字,在網上或其他平台,都可以作出溝通、發聲、工作,你要加油!
現金,由於可以無限量發行,因此長線必然會造成貶值。所以,我地財富增值,就係將只會貶值的現金,換成優質資產的過程。
令我地財富不被貶值影響之餘,可以有一定增長能力。
你所講的歐科雲鏈(1499),我本身無特別研究,佢屬較高風險類,要睇下你博唔博。過往持續虧損,見佢股價上落好大。只可以話,唔建議大注,自己衡量風險。
計算企業的價值方面,過程其實比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。
簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
例如,我地會考慮佢有多少生意,有多少盈利、現金流,有多少資產,從而計算該業務值多少錢,同時會推算將來的盈利情況,去推算這企業長遠的價值。
如果要深入計算,基本上要好仔細的研究企業,要分析好多財務數據用比率,先至有較完整的答案。
所以,我好難係而度解釋,或者用例子去講解估算方法。
雖然你未懂估值,但唔代表你唔可以進行投資增值。但方法上,要進行調整,例如用月供或者分注模式,去減少你買貴貨風險。
以你35歲計,現時持股係可以。以你年紀和投資經驗計,平穏增長股和潛力股比重都正確。
你現時應以增值為主,建議你用「平穏增長股」 + 「潛力股」作組合,去創造一個增值平台。
正如你先前計劃所講,你現時將每月5成儲蓄,即$5000做月供。其餘先儲起,用一邊月供一邊儲蓄的策略。
但如果你對這些股票認識不深,可以全供指數基金。如果你都有認識,就可以用你平穩增長股70% 潛力股30%的分配策略,去選股。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
我假設投資回報有10%(連股息再投資),你每月投資$10000 + 現有持股約10萬,10年後大約會增值至200萬。
至於你能否50歲提早財務自由,就要睇這筆資金,是否足以滿足你期望的退休生活水平。我假設你退休後,預期每月需要用2萬開支。以股息率6%計,你就需要本金400萬。
你可以用這個計算結果,作為參考,再去調整你投資計劃。
至於Vanguard標普500指數ETF〈VOO〉,是追蹤標普500指數的ETF,算係平穏增長股類別,都適合你年紀。
其實你做月供或"定期定額"都可以,因為2者都可以做到平均價格效果。但重點係必須長線(建議最少供3年和持有5年)去進行。如果供下停下,或者成日轉變,就唔會有意義。
------------------------------------------------
Q22442:
想請教,阿里巴巴旗下菜鳥網絡牽頭投資一百二十億元,在香港國際機場南貨運區的過路灣興建智能物流中心,作為一帶一路的貨運設施布局,
將為本港出口商再增一個貨運出口選擇,亦便利消費者經由淘寶購物收貨。阿里巴巴這個ai 物流倉是否未來企業關鍵?
帶來豐富收入,9988現價合理?
阿里巴巴這個ai 物流倉是否未來企業關鍵?
好似Amazon AI物流中心,之後股價一直上升
龔成老師︰
阿里巴巴(9988)宣布投入1000億人民幣,於香港機場打造高端物流中心,預期在2023年投入營運。此營運中心,將會是該地區同類設施中規模最大,技術最先進之一。
中心由菜鳥網絡帶頭開發,中航、圓通快遞都係當中投資者。
此個新營運中心,配有全自動化倉庫、溫度空調、空運處理中心、訂單處理中心等。
集團過往一直收入核心,都係來自內地零售商業部份﹐佔收入近75%。集團在內地發展,其實已相對成熟,相信集團預期該部份增長,會開始有機會放緩。
因此,集團開始著力開發更多其他市場,在香港機場打造高端物流中心這個布局,可以睇到佢這方面野心唔細。
這個物流中心,係一個利好因素。但這只是一個資本性投資,到底到集團有多大幫助和效益,現在言之尚早。但長線計,一定係對集團有利。
但估計方面,我暫時唔會有調整,宜再觀察,才再決定。
------------------------------------------------
Q22443:
老師你好,我是之前曾經向你請教過一些問題的讀者。亦都購買了老師的著作
其實我在今年12月便會前住加拿大工作。我現在存有12萬現金。13萬保險基金和12萬股票總值。
1. 0068 (15.3入)2000股
2. 00823 (67.25入)500股
3. 00939 (5.84入)10000股
4. 03918 (7.940入)2000股
想請問在移民的前提下如何分配現有的資產?謝謝老師
龔成老師︰
首先,你要先清楚,移民時是否所有在港資產,都係會變現。
如是,由於你12月就要走,多於1手的股票,你現在就要慢慢分段沽出股票,唔好等到走先一次過沽。
如否,以你剛畢業年紀,應先做好增值部份。建行(0939)只係收息股,增長力欠奉,不宜持有太多。
利興發展(0068)無投資價值,但由於佢停左牌,你現時無野可以做,等佢復牌就沽出。
其餘2隻都有質素,可以照持有。但金界(3918)由於疫情關係,中短期一定會較弱,但長線持有係可以。
12萬現金就先留起,等大跌市機會。
另外,緊記要開始月供計劃,因為我地長遠組合,唔可以只係得1,2隻股票,應該係有不同行業優質股,才算平衡。
------------------------------------------------
Q22444:
1) 明白老師,咁買入一隻股票之後預算要擺幾耐左右先至係最理想?即係要擺幾耐之後先至等收成?去睇吓佢有冇升?
2) 同埋老師我之前睇過你啲書, 如果你話價值投資係一定要買入優質企業然後長線擺好耐,咁樣係咪唔使理個價位高低月供股票都可以?
只要我知道呢個公司好有價值,例如好似中電煤氣咁, 咁咪就算幾貴都好都應該買?
咁樣嘅話月供股票都唔使煩㗎喎?淨係買呢兩隻都乜都得喇?用成副身家買晒佢哋? 總之有錢剩就擺晒落去咁係咪一定賺㗎?
3) 同埋老師想請教你, 我好似你咁講試吓買吓啲月供股票, 但我發覺裏面個倉可能有幾隻上升,同時間有幾隻又會下跌, 情況就好似啲資金只係搬龍門,擺嚟擺去,
咁其實我哋嘅策略應唔應該逢親嗰啲股票上升就賣咗佢, 然之後將同一舊錢入返啲一齊下跌左嘅股份?如果唔係好似每次嘅上升浪同跌浪都好似唔關自己事咁?
其實舊大錢都冇乜點變?定抑或應該全部都長線投資?只要等嘅時間夠耐,長時間全部整體都會升?因為我擔心就算我擺咗好長時間如果佢都係只係搬龍門,有啲上升又有啲跌,
咁最終就算我擺咗好長時間舊錢都唔會多咗好多個喎?謝謝老師
4) 唔好意思老師, 同埋想請教你, 最近睇你寫嘅嘢,你都話要我哋趁後生嘅時候掘多啲井, 儲多啲錢, 準備充足,
咁我想請問如果我每一個月將我全份人工扣除晒開支使費比屋企人同埋信用卡,有政嘅錢如果全部都擺晒落股票有冇問題?
因為我做緊月供股票, 同埋買嗰啲股票都係喺低位先買,逢親低位先至月供個一隻股票,因為我嘅概念就係銀紙係會貶值,咁我每個月將啲錢擺落去一啲穩陣同收利息嘅股票,
就算我將所有剩餘嘅積蓄擺落去,唔知會唔會都冇問題呢?
PS: 我都有啲流動資金可以應急, 有一舊錢可以靈活運用冇問題, 但係每個月出糧嘅人工可唔可以用晒嚟買股票?
龔成老師︰
1) 一般我建議持有最少5年,當然優質股永遠都係長線持有,增值效果才會最好。中短期股價會有波動,會有起有落。但長線股價,必然會將企業質素反映出來。
2) 其實我地買股票,除了要有長線投資價外,"股價平貴水平"和"組合平衡性",都係好重要。
月供雖然有平衡價格波動能力,但太貴時候,我地都會考慮減供款,甚至停供。但如果你係初學者,對企業估值無太大信心。
我就比較建議你不理價格平貴,一直去供,反而會更好。因為你自行調整,若果判斷錯誤,有好大機會拖低左長線回報。反而不理價格,對你會更有利。
另外,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
3) 你唔好依然停係賺差價模式,我地現在投資增值,係將長線只會貶值的現金,轉換成資產的過程。而優質股,係資產的一種。
但再優質股票,中短期都會有波動,你係唔洗太在意。只要你長線持有,佢都就自然會有唔錯增長。
4) 現時大市只係合理水平,未到平宜區,每月儲蓄你預用一半左右,去做月供好了。餘下一半,我地先儲起,去等大跌市機會。
你現時才33歲,係選股時,應選擇一些較有增長力股票,先去為自已累積一筆資產。到近退休之年,才慢慢換回收息資產,支援退休生活。
所以,你應先集中增長,而唔係收利息。
你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
到你有一定投資經驗﹐潛力股比重可以相應調高,佔組合約3-5成,視乎你當時投資經驗多寡和了解這些股票程度而定。
------------------------------------------------
Q22445:
你好龔成老師,想請教下: (我45+歲) 現持有組合:
長和 500 股
香港中華煤氣 600 股
匯豐控股 1,091股
恒生銀行 111 股
港鐵公司 1,100股
香港交易所240股
陽光房地產投資信託基金 2000股
領展房產基金 900 股
建設銀行 4,280股
長江基建集團 500股
華潤置地 260 股
工商銀行 4,180股
平安好醫生 100股
金沙中國有限公司 580 股
中銀香港 1,570股
盈富基金 1,090股
交通銀行 930股
中國銀行 2,200股
阿里 100股
這樣既組合是否可以。
請問你是否贊成賣出交通銀行買入復星醫藥 (2196)?
想供月供股,每月$3,000,領展(823)-$1500 & 比亞迪(1211)$1500? Or 領展(823)- $3000, 不知道可以適合我 ? 請問你會建議我買哪些股票呢? 盼回覆~謝謝!
請問你陽光房地產 or 越秀房產信託基金 or 領展比較適合我?
龔成老師︰
你現時持股,雖然都係有質素,但數量實在係太多,好難定期檢視管理。長線計,你最好集中翻係10隻左右。
另外,個別企業和行業,不要佔組合15%和30%以上,銀行業更加不要高於組合20%,否則會有過度集中性風險。你組合中,銀行股佔左唔少,你要審視翻個比重,以避免出現過度集中的情況。
唔建議賣出交通銀行買入復星醫藥 (2196),復星現價略貴,要回多少少才算合理。
以你年紀,我建議集中在平穏增長股類。領展(0823)係可以,但我地投資唔可以只集中係單一股票,我建議你都加入指數基金,指數基金供$2000 / 領展供$1000。
陽光房地產(0435)和越秀房產信託基金(0405)都可以考慮,但佢地主要係收下息,增長力無領展咁高,以你年紀,領展(0823)會係比較適合。
------------------------------------------------
Q22446:
想問多一問你意見,假設我而家買入一個單位450萬,俾首期兩成,呢個單位會放租,但有機會未必一定請時間可以放租,有機會預算自己都要供樓,
用以上呢個方法就係擔心樓價不斷上升, 而萬一幾年之後股票增長不太理想,可以自住。但假設股票增長理想 呢個單位會賣出 而買入反一個600-700萬單位自住。
問題係,咁會現金用左100萬 俾首期,剩返180萬投資
1) 是否唔應該現在買入一個單位先? 因為自己租樓住唔想追唔切樓價上升,所以諗緊要唔先買一個單位,同埋有機會五年之後賣出呢個單位,會比起集中只投資效果冇咁理想?
另外擔心一買一賣 都需要印花稅 等費用
2)以我諗法希望5年後有500萬以上 當然希望回報可以再大,可以50%潛力股 50% 平隱增長嗎?
3) 如果用五年時間投資,預留一半現金等大市大跌再埽貨,但冇人知道大跌市係咩時候,咁應該點樣去衡量?
所以例如如果兩至三年仍未大跌市,佢應該keep住月供,或者分注見低就入?
謝謝老師
好希望盡早投資 生活會較理想,多謝你成日比正能量人
4) 老師, 現在平衡股票如下 會長線投資。請問一問 以下組合如何,可給一點意見嗎?
用180 萬 先分注入
再留100 等機會
大約
60%潛力股 :
1177 12%
1810 17%
3067 17%
9988 12%
40% 增長
2388 14%
1972 14%
0548 14%
月供 $2000 2800
月供 $2000 2845
龔成老師︰
1) 這個問題,無一個100%答案。正如之前所講,現時樓市租金回報率不高,正常用優質股增值,個效果會較好。
但無人知5年後,樓市升快D,定優質股升快D。我地只能用現有水平,去得知值博率係而一刻,係優質股較好。但唔代表最終,樓市唔可以跑嬴翻優質股。
所以,"用投資優質股換大屋",定係"細屋換大屋",你要自己衡量。從現時值博率計,會係前者。
但若你相穏陣D,其實先買細屋,再換大屋都未嘗不可。但你要確保細屋升值能力,最少能跟大市同步。
另外,你可能會用來自住,即係佢都要滿足你長線生活需要。而且,間屋唔好太細,最少要有300呎以上(一個家庭基本需要大細),才有基本投資價值。
2) 可以,但留意如果要直接入貨,現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)算在合理區中上至頂部,可分注入貨,其餘都略貴,想買就要等一等。
但如果係月供,我之前推介你的股票,現價都可以開始。
3) 的確係無人知,但我地投資係唔會"估"走勢,只會用平貴去定策略。現時市況係合理水平,我地應預留3-5成現金,去等大跌機會。
因為我地唔會知幾時大跌市出現,但如果你無現金係手,真係出現時,你會錯失良機。
4) 你計劃係可以,但小米(1810)都仲係有D貴,最好回多1成才入。
你緊記180萬係分多注咁,慢慢入貨,唔係一次過買晒。
另外,深圳高速公路(0548)只係收息股,增長力好弱,唔係咁適合。我建議你將佢換成指數基金,去增值組合平衡性。
------------------------------------------------
Q22447:
龔成老師,這個失敗的組合(0003, 0012, 0778, 1299, 2388,3067, 3383, 9988) …應該怎麼辦…? 除了aia , 有很多股票由2017,18年坐到現在… 到了3067,我不停加註,怎知愈來愈跌
很灰
龔成老師︰
你整體的持貨不是劣質,不少都是有質素的,但部分你可能在較貴的價位買,以及市況波動,令股價向下,建議你日後多用平均入市法,又或提高計算企業估值的能力。
另外,你提及3067不停加注,記住,投資要有策略,買入前寫低具體的進行方法,投資後要長線,持股5年以上。
只要長線質素無變,中短期波動我地唔需要理會,長線持有就可以。
另外,我地決定加注與否,要睇幾個因素,記住,並不是「拉低平均買入價」為目的。
第一,要分析這股的質素,如果無質素,就再跌都唔加。
第二,這股的類別,如潛力或增長或收息類等,是否與你的財富組合匹配,比例是否適合。
第三,你要先計算加注後,這股佔你股票組合的比例會否太多,因為同一行業,同一股票。不能佔股票組合的比例太多。
第四,現價是否有投資價值率,要平,或起碼合理,不能貴。
第五,你要在加注後,仍有現金剩。
記住,重點不是「拉低平均價」,而是組合比例與配置。
你現時持有股票,都係有質素,可長線持有。但當中雅居樂集團(3383)負債水平較高,不宜佔太高比重。
我見你安碩恒生科技(3067)都加注左唔少次數,你要留意此股和阿里(9988)都係潛力股類,雖然有長線投資價值,但風險會比較大。如果你年紀較大,或者投資經驗不高,這類股票不宜持有過多。
------------------------------------------------
Q22448:
龔成sir, 你好,多謝你用心的分享,增加咗我唔少投資方面的知識。一直以來都無去做過咩投資,特別是股票,了解不太多。
最近數月,我開始透過youtube及朋友了解到股票投資。
想透過穩建的投資組合去增值資產,而非將錢放銀行貶值。增值資產主要目的在放:
1. 短:5年內換2房半或3房單位($900萬以下)
2. 中:(10-20年內)孩子將來有到外國留學需要時用
3. 長:(20年)將來退休生活費
現時我(33歲)與老公(39歲)有穩定工作和收入,每月收入扣MPF約$68000。每月家庭開支約$56000,可儲約$12000。育有1個幼兒,有計劃1-2年內生多一個小朋友。
資產:
1. 現金$30萬
2. 物業:市值約$620萬,每月供約$14000(仍欠銀行$296萬),出租每月$13000(自己租樓住$16500)
3. Ibond: $30000
已買基本醫療保險
現在有些投資想法:用一半現金儲備投資股票(用一半在黎緊尼次股市下落中分注買入一些平價位優質潛力股(0700、9988、2845,各100股);
一半投資穩健收息增值股和EFT(0823/VOO/HD/0303/0006/6823)作儲蓄增值之用;另外,計劃每月供$6000股票(0823/VOO/HD/0303/0006)
Q1. 以上這個投資計劃會否太進取?分佈是否平衡?
Q2. 月供股票主要想放在有穩定收息增長及分散風險的股票,想問我較適合先投資哪些我計劃內的股票?
Q3. 美股我計劃待下跌後再供,VOO & HD咩價位為之適合入市?
Q4. 以上三個潛力股到何價為平(以作參考入市價位)?會否有另一些更合適我投資的優質潛力股?
Q5. 我也有想過入0388,咩價位才適合入市?
謝謝你。
龔成老師︰
其實你3個目標,我地都可以透過用優質股增值,去達成。
1) 潛力股部份,係可以。但另一半,以你們年紀和計劃作考量,我較建議集中在平穏增長股,而非一些收息股。
領展(0823)、VOO、HD係可以,但其餘3隻都係收息類股票,增長力唔高,唔建議用。你可以用以下股票,去取代這3隻。
平穏增長股︰指數基金、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
現時大市只係合理水平,現金佔比重大約3-5成。餘下資金,就等大跌市出現,才加大力度掃貨。
2) 由於你3個目標,都係需要財富增值才可做到,因此選擇方面,應以增長股為主。
你月供計劃,同樣有少少保守,建議你將偉易達(0303)和電能(0006)這2隻收息股,換成潛力股,去增升組合增長力。若你相保守少少,換成平穏增長股,都係可以。
每月餘下$6000就先儲起,等大跌市機會。
潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學(2382)、阿里(9988)、騰訊(0700)、GX中國電車基金(2845)、三星FANG ETF(2814)。
3) 現時佢地價格在合理區,你照保持月供,咁就可以。我地月供只會係去到好貴,才會考慮下調供款額,甚至停供。
如果你本身定平貴能力不高,我建議你不理價格,一直月供會較好。因為你自己調整出錯,就好大機會影響你長線回報。反而一直供,會對你更有利。
4) 上述的潛力股,都適合你。你可以睇翻自已對邊個行業或企業更看好,本身對隻股票,又有一定認知,去決定投資目標。
部份潛力股已有輕微過熱情況。只有安碩恒生科技(3067)、GX中國電車基金(2845)、 騰訊(0700)、阿里(9988)、中生製藥(1177)、福壽園(1448)勉強算在合理區頂部,可分注入貨,其餘要等等。
5) 港交所(0388)都係一隻可選擇的潛力股,但現價略貴,回多1,2成才入,值博率會較高。
另外,你持有的IBOND只係定息產品,無增長力,唔適合你。建議沽出,用來投資優質股會較好。
------------------------------------------------
Q22449:
成哥,想問下以下組合係米仍然繼續特有適合?
700 ,556買入
799,10.94買入
3383,10.94買入
3690,281買入
1810,28.61買入
939,6.2買入
龔成老師︰
騰訊(0700)、小米(1810)、美團(3690)和IGG(0799)有質素,可長線持有。但美團(3690)和IGG(0799)不確定性較高,不宜持有太多。
上述4隻都係潛力股,如果你年青,持有係可以。但若你年紀較大,就只宜好小注。
雅居樂(3383)業務上是有質素的,但中國經濟有少少風險,加上佢本身負債較高,相信會對佢有影響。
這股都有長線投資價值,但負債高始終是風險,唔建議太大注。
而建行(0939)都有長線投資價值,但佢增長力不高,只係收息股類。如果你係較年輕,這類創造穏定現金流的股票,就唔適合你。
------------------------------------------------
Q22450:
龔sir,請問2158 $35.5入 1044 $50.9入現價可溝嗎?可以長期持有嗎?
龔成老師︰
醫渡科技(2158)有潛力的。可長線。
提供基於大數據和人工智能(AI)技術的醫療解決方案。集團主要向醫療行業的主要參與者(如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者)提供服務和合作。
根據大行報告,於2019年,集團收入在中國所有醫療大數據解決方案提供商中排名第一,在中國醫療大數據解決方案市場中的市場份額為5.0%。
睇翻大行對佢2020-23年預測,收入和毛利增長分別為73%和83%,增長力唔錯。
佢平台有一定擴張性,長遠受惠更多醫療保健客戶使用平台。不過公司客戶過度集中,以及依賴公共部門。
但佢依然係在燒銀紙狀態,係一個扣分架地方。整體算係有質素,但要注意風險,投資時唔建議大注。
之前貴,現價依然係略貴,唔建議加注。而且,此股不確定性較大,只宜小注投資。
恆安國際(1044)主要業務為在中國生產,分銷及銷售個人衛生用品,零食產品及護膚產品。
恆安擁有多個品牌,如「心相印」、「安而康」、「品諾」、「安爾樂」等,而業務大致可分為紙巾產品、衛生巾產品、一次性紙尿褲產品、零食產品。
恆安具有品牌,又處於增長中的市場,前景不俗,故此企業為不錯的優質股。不過,市場競可能令毛利略為受壓,但相信隨著此企業發展更多較高毛利產品,影響不算大。
長遠來說,恆安仍有一定的前景,故有投資價值的。成本上升,令佢略有風險。整體而言,有長線投資價值,現時大約在合理區中間。
若你本身計劃分多注投資恆安的話,現價加1注係可以。如果你資金不多,等佢再回多1成左右,值博率會較高。
------------------------------------------------
Q22451:
龔sir, 你好!想請教你,我現在月供
$5000港交所
$6000騰訊
$6000 阿里巴巴
$5000中國平安
中國政府現時加強監管科技、教育、物管和外賣股,我應唔應該繼續供?還是有其它股票可以平衡風險?請龔sir 指教!
另外,美股科技ETF 值得買嗎?
龔成老師︰
中國政府在不同行業拖加新政策,都造成不同程度的風險。但我地要分析翻,這些政策係唔係明顯會對企業長線發展,造成核心性影響。
就你所月供4隻股票而言,影響係有,就暫時唔算係一些核心性問題,這些股票依然有投資價值。
但你而家月供組合,太偏重左係潛力股(0388, 0700, 9988),佢地雖然有增長潛力,同時風險都較高,不宜持有過多。
若你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。
未來時間,你就要加大翻平穏增長股部份,令組合更平衡。
同時間,每月儲蓄唔好盡用,要留有3-5成現金,等大跌市時去入平貨。
美國科技ETF,都有投資價值。
你可以考慮三星FANG ETF(2814),佢係追蹤NYSE FANG+指數的表現。是一個美股潛力股基金。
首先,FANG+係代表美國上市多隻領先既科技股票,即係代表Facebook、Amazon、Netflix、Google,而該指數會再加上其他科技股,如Twitter、Tesla、百度等,即是全球處最前列的科技類公司。
這基金是一個潛力基金,長遠正面,但要留意價格會較為波動,加上近年科技類公司上升左唔少,因此現價唔算平,建議以月供的模式投資,買入後長遠持有。
但你要留意一點,你現時港股有內地的阿里(9988)和騰訊(0700),再加上這美國科技基金,你就會成個組合,非常集中係科技相關股份。
由於佢地係同業,最好維持不多於組合3成,以免出現過度集中性風險。
------------------------------------------------
Q22452:
想問一問愛康
點解 我買入既一手 都咁差
龔成老師:
投資要不斷學習的,如果投資因為自己分析不夠完整,下次就分析得更好。我15年前開始,一年平均睇50隻股,每隻要花6小時分析,然後一年只買1、2隻股票。
其實愛康醫療(1789)不算差,以長遠業務分析,正面的。
佢以「愛康」品牌從事設計、開發、生產及銷售骨科植入物,並專注於髖關節及膝關節置換植入物。
睇翻佢的資料,佢的產品包括用於初次手術的骨關節植入物,以及為置換、修復或升級前次手術的植入物或部件的翻修手術而專門設計的骨關節植入物。都是有前景的業務。
這股業務不差,有增長潛力,盈利增長,這反映企業有實際的價值提升。
不過,投資時要考慮價格風險。現價合理區頂,另外,佢業務是有潛力有風險類,因此要明白較為波動。
------------------------------------------------
Q22453:
成哥,我上年先開始學投資,果陣見到d科技股 升極都仲有得升, 有幾隻股等左好耐想入,之後早排回落左都算多 就入左 d,發現原來仲有得繼續跌
例如阿里 果陣300,跌到落 230 我無貨 ,果陣都見你話仲係略貴 但都係入左1手 ,依家落到191 ,其實都有信心呢隻股係無問題
但覺得買貴左好多, 如果當拒上返 大約23x度 我放一放,再耐心d等拒跌 比較平既價位再入 如唔會比較好?因為初初開始投資 唔知道原來耐性好重要
龔成老師:
阿里(9988)有質素,中短期一般,但長遠仍有增長力,之前貴,現價去翻合理區。
係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。
對於這類優質、有發展,但現價未算特別平的股票。
你有貨,可持有,上到230,其實未算貴,如果你賣出,無人知能否買得翻。
你這種想法,就是一種估走勢的做法,而巴菲特等投資大師,都不會這樣做(因為佢地認為無人能做到),你現時的想法,同一般散戶一樣。而我希望你能進步,加強知識,不要停留在一般散戶層次。
------------------------------------------------
Q22454:
龔Sir 你好
對於股票最近真係跌到懷疑人生
股票長期持有,其實應該點處理
有些股票原先有賺,但諗住長期持有,近期一直下跌,已經跌至虧損。
其實對於長期持有,應該係賣出?一直持有不理?還是依然要睇圖下跌時離場?
係咪就唔使理止蝕,只要長期持有就得?
應該點操作才對
龔成老師:
我記得2003年,香港樓跌到好勁,港股都是,我已有投資港股,當時好多朋友都講「港股玩完」「樓市玩完」。
98%的投資者,都會以短期股價做分析點(樓市都是一樣),這是一般散戶的思維,而投資大師,則能平常心面對股價,著重企業的長遠發展。
到樓市、股市升翻,散戶又話「如果比多一次沙士價我就好了」。
這種思維,就是散戶。
你現時,要睇翻該企業,有那些核心因素改變,分析佢3年仍的業務情況,推算佢盈利是否有明顯下跌,唔好好似一般散戶,只著重短期股價。
我希望你能進步,能學知識,而不是停在一般散戶的思維!
------------------------------------------------
Q22455:
阿sir ,企業質素有冇核心性轉差點樣睇?
龔成老師:
你要分析佢的長遠財務數據,分析3年後,財務數據會否明顯減弱,市場佔有率有否明顯下跌,產品的賺錢能力有否明顯減少。
------------------------------------------------
Q22456:
老師,除淨日會自行調整股價,即派$1息股價會減$1, 咁對於買股收息這件事,仲有咩用?反正收幾多息,股價都跌返個數
龔成老師:
對短期投資者,無用。但長線投資者,就是一種現金流的概念,你要以一盤生意去思考,你買入一盤生意,佢會分派股息,分派股息的當刻,市場價值會減,但只要不是短期去出,長遠生意又會慢慢增值,以及不斷分派股息。
------------------------------------------------
Q22457:
龔sir 你好,突然有10萬,我可以點樣漲大呢10萬價值呢?
我指的是買有咩股票好
龔成老師︰
你可以利用這10萬蚊,去投資一些優質股,進行財富增值。
我地投資會運用「先增值,後現金流」作方法,初期應投資較多增值類資產,較後期則應投資較多保守類項目。所以係分配投資項目時,會因應番你的人生階段。
如果你年青,可以「平穩增值股」+「潛力股」。中年人士,可以較集中翻係"平穏增長股"。當你已近退休之年,就應集中在「收息股」,去創造平穏現金流。你可以睇翻自已年紀,去作出配置。
潛力股︰比亞迪(1211)、中生(1177)、福壽園(1448)、安碩恒生科技(3067)、港交所(0388)、阿里(9988)、騰訊(0700)、舜宇光學(2382)、小米(1810)、GX中國電車基金(2845)、三星FANG ETF(2814)。
平穏增值股︰盈富(2800)、港鐵(0066)、金沙(1928)、煤氣(0003)、恆基(0012)、中銀香港(2388)、長建(1038)、粵海(0270)、領展(0823)、希慎(0014)、太古地產(1972)。如有投資美股,可考慮:VOO。
收息股︰港燈(2638)、香港電訊(6823)、工行(1398)、恆生(0011)、置富(0778)、陽光(0435)、深高速(0548)。收息基金(3110),都可以。
大市現處於合理水平,那10萬資金,你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
另外,收息股和平穏增長股,現處於合理水平,可分注入市。但潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
------------------------------------------------
Q22458:
龔sir ,我依家18歲仲讀緊書,啱啱出嚟做嘢試吓一兩個月,返緊地產行業,眼見好多人都好成功搵到錢,我自己都想成功,遲吓都會想玩下股票請問新手有冇啲咩要注意,
同埋想知道點樣先可以變到有錢,理財很重要嗎?
龔成老師︰
非常好,把握假期時間去工作,吸收工作經驗之餘,可以門開闊視野,對你將來選擇人生路係有幫助。
理財係十分重要,而且範疇好廣泛,由你打工儲錢,到投資增值。若你想成為一個有錢人,你就需要好好學習。
現時你要做三樣野︰
第一,增加知識,你要學理財及投資的知識,記住,投資並不是坊間的炒炒賣賣,你要從書本或課堂上認真學習。《股票勝經》適合初階者的。
第二,了解銀行及證券行,去開一個證券戶口,並準備做月供股票。
其實兩者都可以,銀行就較方便,但手續費就較貴,證券行收費就較平,香港的監管不差的,風險不大。你可以先了解下不同的收費。
第三,將每月的部分資金,去做月供股票,供指數基金。對初階投資者來說,月供股票是一個很好的累積財富方法,因為可避免你一次過在高位買入的風險。
原理如同儲錢,不過就不是儲現金,而是儲股票。計劃要長期進行。
另外,指數基金是一個組合,適合絕大部分人投資,風險不高,長期儲貨可助你財富平穩增值,記住要長線持有。
當你在做上述三件事的同時,開始學下股票,了解下那些股票適合你自己。上述只同你簡單供盈富,當你過幾個月,有知識及少少經驗後,就可以利用你手上的資金,其中一部分,去投資股票。
------------------------------------------------
Q22459:
龔老師。本人睇左好多你講關於月供股票、投資心態的文章和影片,真的獲益良多。本人30歲,工作繁忙,心感難以日日留意市場捕捉買賣價,
所以希望走向月供之路。以下是我的一些想法,希望老師指教。
每月可儲錢$25000︰
1. 5000 現金儲蓄
2. 5000 月供JPM 美國科技
3. 5000 月供JPM 美國企業成長基金 / 美國巴郡B ETF
4. 5000 月供建行
5. 5000 月供長建
如果可以,打算無限供,未知老師可否指教指教,謝謝
龔成老師︰
我地投資股票,其實等同投資一間企業。希望透過其自然增長,以達至財富增值的目的。所以,我地投資一定係長線,而唔係短期炒賣,去賺差價。因此,你係無成日睇住個市的必要。
而月供,係一個長線計劃,月供最少維持3年,並持有這些股票5年以上,才會有較理想效果。當然,如果企業質素一直無變,最好一直持有。因為,優質股持有時間越長,財富增值效果就會越理想。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
以你30歲年紀,應以增值為主。你現時月供股票,大致係可以。但建行(0939)只係收息股,增長力唔高,唔建議你用來月供。
你可以用以下股票,去代替。
平穏增長股︰VOO、盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
另外,現時大市只在合理區,現在你每月先用5成儲蓄,即$12500做月供。其餘先儲起,用一邊月供一邊儲蓄的策略。餘下一半資金,等大跌市出現,才去動用會較好。
------------------------------------------------
Q22460:
老師你好,我今年29歲,與家人同住,無男友,無投資經驗,無保險,每月可儲大約萬三,另有現金40萬。
最近有諗緊需唔需要買保險,另外因為同屋企人(妹妹)基本上喺屋企互當透明唔會講野,有打算搬出去住,但如果買保險同搬出去住,洗費就會大增,
可儲嘅錢就會變少,所以有所卻步,老師可以比少少意見嗎?
三個月前開始月供$7,000股票,分別為
港燈(2638)$500
長江基建(1038)$500
盈富(2800)$4,000
粵海(270)$1,000
安碩恒生科技(3067)$1,000
請問老師我現在嘅月供股票組合有問題嗎?有何需要調整嘅地方?麻煩老師了
龔成老師︰
如果無實際必要,我唔建議你搬出去住,因為會產生額外開支,拖慢了你增值計劃。
我地理財,要做到「攻守兼備」,保險、備用現金等是防守,但防守部分不用太多,餘下資金就應進攻。保險最大的作用是「保險部分」,反而投資作用一般不大。
即是買保險,最大作用是醫療、人壽、財產等的風險轉移,將你不想承受的醫療費用等不可預測支出,轉嫁比保險公司。但儲蓄保險這類產品,但不宜持有太多。
而我地投資增值,係會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你29歲,應以增值為主,你可以用有增長力的股票,去創造一個增值平台。
現在你每月用$7000做月供,其餘先儲起的策略,係正確。但港燈(2638)只係收息股,增長力欠奉,唔適合你。
現時大市只是合理區,你現有40萬資金可以先投入10-15萬,用"分注"形式,慢慢買貨。餘下資金和每月所儲倒的資金,就等大市出現一定程度的下跌,才大力度掃貨,然後長線投資。
同時間,你要去多讀投資相關書本、年報,新聞和課程。
書本上,你可以睇我寫架"80後百萬富翁"、"財務自由行"和"股票勝經",都適合初學者。
另外,本人的【投資倍升股課程】適合初學者的,每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
平安米怎麼處理 在 Facebook 的最佳解答
國際社會對軍事佔領的規範、中華民國政權身為盟佔代管者的可與不可、八二三炮戰的真相 https://wp.me/pd1HGm-na
重點整理來嚕❤️順手分享好人一生平安♡
【直播重點整理EP30】 台澎小堅果
時間:8/28(六) pm8
講者:臺澎國際法法理建國連線創辦人-黃聖峰 +皮筋兒
主題:
1. 國際社會對軍事佔領的規範
2. 中華民國政權身為盟佔代管者的可與不可
3. 八二三炮戰的真相
我的想法:
這次會來聊軍事佔領也是因為社群上有多次討論過,在某次直播有說明清楚同盟國與中華民國政權的關係、《一般命令第一號》的重要性,大家可以先行回顧這篇👉🏻 同盟國是什麼?同盟國與ROC政權之間的關係? https://wp.me/pd1HGm-kX
再來是要特別說明國際法上對軍事佔領的規範,有哪些事情是可以做的,哪些事情則是違反佔領法。
由這來延伸討論八二三炮戰的真相,前幾天臉書河道上不同政黨的人都有發文講八二三,其實我在看台澎人敘述自己打八二三保衛「台灣」時我也不忍潑冷水,但又不得不說明清楚,身為法理建國論述推廣者的我也有發一篇文,我自己的外公是原日籍台澎人他有被徵召,但中國內戰只能在中國領土上打,台澎領土主權歸屬未定不屬於任何主權國家,也不是中國內戰的地方,而台澎人在國際法上屬於無國籍人士,屬於被佔領地的人民,根本不可以被徵召去打中國內戰,但因為大多數台澎人不清楚這些原委,所以情感認知上就出現了誤會,感慨錯了這都是因為中華民國政權洗腦的結果,今天我們就好好的來聊國際法上關於軍事佔領的規範吧!
🍡🍡🍡
1️⃣國際社會對軍事佔領的規範
軍事佔領(Military occupation)要談兩個部分:一個是軍事、一個是佔領。
軍事這個部分,佔領行為背後是有軍事力量存在,透過行使軍事力量取得所謂的一種強制力、執行力,以這個為靠山進行佔領的行為。
軍事佔領行為後面這個佔領的部分,它與其它使用管理行為有很大的差異,佔領行為的佔領者本身是佔領的執行單位,它本身絕對不是被佔領的東西的擁有者,如果這東西是你的,你就不會去佔領這個東西。所以我們不會說某某國在佔領自己的領土。
《一般命令第一號》第一點a項,就是講中國(不包含滿州) 等等當地的日軍要向蔣介石投降。
a. The senior Japanese commanders and all ground, sea, air and auxiliary forces within China (excluding Manchuria), Formosa and French Indo-China north of 16 north latitude shall surrender to Generalissimo Chiang Kai-shek.
👉🏻 General Order No. 1 🔗 https://en.wikisource.org/wiki/General_Order_No._1
那為什麼在中國的日軍是要向蔣介石投降? 蔣介石接受日軍投降的身分,不是以中國國家元首或中國軍事將領身分,而是以盟軍代表的身分去,就是代表同盟國全體成員,所以它在中國領土上代表盟軍全體成員接受日軍投降,接下來實施軍事佔領。因為佔領者是盟軍全體成員而不是中國這個國家,中國這個國家本身的領土歸屬屬於中國而不是盟軍全體成員,所以這時蔣介石在代表盟軍來接受日軍投降後進行的動作,仍舊是屬於軍事佔領。因為蔣介石是代表盟軍來做這件事情。
那軍事佔領目的何在?軍事佔領這個發生狀況有非常多,有可能是戰爭進行過程中,某一方贏得一場戰役,有效的控制某個重要據點,它就用軍事武力把這地方控制住,這就是軍事佔領,這是戰爭進行中甚至是彼此還在互打。這時的軍事佔領主要是掌控戰略要地,控制者可以在軍事上得到優勢。
還有個狀況是,像台澎的狀況:交戰雙方其中一方投降,雙方簽署停戰協定(就是1945.9.2日本簽署的《降伏文書》)讓雙方停火後實施的軍事佔領。這種軍事佔領,是戰勝一方對戰敗一方的領土,或戰敗一方在戰爭過程中侵占的地方進行接管,這也是屬於軍事佔領,這是「投降後的佔領」。這是確保在投降後到簽署和平條約,正式結束法律上的戰爭關係之前,停戰狀態不會發生負面的改變。
當投降之後,戰勝方對戰敗方的領土或者控制的地方,進行軍事佔領是為了確保這個投降後的過程可以順利,不會有人滋事、不會再出亂子,以免戰爭無法結束。
所以投降後的軍事佔領的要求,跟戰爭過程中的軍事佔領有很大的差異。
投降後軍事佔領可以確保不會出亂子,但不代表完全不會發生亂子,所以在這過程中,我們不可能會讓「法律上的永久、確定效力」在軍事佔領時發生,例如:「領土主權移轉」就不可能會在軍事佔領過程中完成。因為若是還在駁火狀態,要是一方透過佔領取得領土主權,然後另一方又開戰奪下被佔領的領土,難道領土主權又要再次移轉嗎?這樣會沒辦法確認領土主權歸屬且很難結束戰爭。
儘管在投降後實施軍事佔領,還是有可能再次發生戰爭,所以這時也不可能因為簽署降書就認為軍事佔領移轉領土主權,因為戰爭還未真正法律上結束,所以這個投降後軍事佔領動作本身具有很清楚「暫時」屬性,是暫時性的控制措施。對這個動作上就不可能賦予永久性的法律效果,因為隨時會改變。
所以,國際社會對軍事佔領有個非常重要的原則:「佔領行為的本身絕對不會產生移轉領土主權的效果」。
由於主權平等原則還有領土完整性原則,領土主權的歸屬在國際法上具有非常重要的意義。
「領土完整性原則」是指國家之間要彼此尊重對方的領土完整。這個原則也會與「不干涉(內政)原則」產生連結。
領土的界線就是一個國家的主權行使範圍的地理界線,領海是領土的延伸、海上的領土。
領土主權會在國際法上產生非常大的意義,領土主權一但移轉後,這塊土地就會具有非常多的意義,其它國家要尊重這個國家使用管理這塊地的權利,其它國家不可以去干涉。除非這國家做了會侵犯到周圍國家的行為,不然其它國家是不可能多加干預,這就是領土主權在國際法上的意義。
所以說領土主權在國際法上產生的效力是非常強大的,因此不可能單純透過軍隊進行事實上的佔領行為來產生領土主權移轉的效果。
如果佔領可以產生領土主權移轉的效果,那這樣就回到原始比拳頭大的狀態了。誰有拳頭就可以亂佔領就可以拿走領土的話,不就是直接與領土完整性衝突了嗎?
所以一旦跟領土完整性連結起來的話,佔領者就不可能因為佔領而取的領土主權。中華民國政權1945.10.25代表盟軍來台受降並軍事佔領代管台澎,雖然它騙說台灣光復,但事實上並不可能發生領土主權移轉的效果,不可能產生讓台澎領土主權回歸中國的法律效力。法律上不可能發生這種效果。
佔領行為不會產生領土主權移轉的效果。
🍡
2️⃣中華民國政權身為盟佔代管者的可與不可
進一步來談,國際社會對佔領行為還有設下什麼要求呢?
國際法上對佔領行為主要規範,在《海牙第四公約》、《日內瓦第四公約》對佔領者於佔領地可以做的事情與不可以做的事情有訂出規範跟要求。
寫在《海牙第四公約》、《日內瓦第四公約》中的條文是被明文法化的國際慣例!就是說今天就算你沒簽署這些公約,但你也要遵守,因為這已經變成整個國際社會遵守的規範。
國際法的特殊地方就是,一般的契約只會對簽約者具有約束力,但如果是國際法上的條約,如果條約內容是國際慣例成文法化的結果,一個國家即使沒簽署,也一樣會受到相關國際慣例的拘束,這就是國際法特殊的地方。
國際規範上威力最大,不一定是成文法後的條文,可能是沒有還沒經過成文法化的過程,但卻具有約束力的國際慣例,這樣的國際慣例在國際法上其實是佔很大的比例。
在《海牙第四公約》、《日內瓦第四公約》裡面的原則、關鍵:軍事佔領不移轉領土主權,這個意義就是這個佔領地不會因此變成你的,所以你不可以把這地方當成自己的領土來使用,這就是關鍵。
這就會衍伸很多東西佔領者要意識到:佔領地不是佔領者的,戰爭結束就可能要物歸原主,所以你不可以對佔領地做太多改變,包含佔領地上人民國籍、相關法令規定所遵循的規則。基本上佔領者要尊重原本規範,除非原本規範執行會影響佔領狀態,或者是原本國家的法令侵犯國際法上的規範時就可以修改、取消,例如德國納粹原本的法令有侵犯猶太人跟身心障礙者人權。
佔領地原本的法令如果沒有違反國際社會的規則的話,那是可以繼續執行下去。二戰時德國跟日本在被軍事佔領時都有被改變當地的法令,例如:日本這邊就是軍國主義病態化,人民喪失言論自由,所以戰時體制下對言論自由跟人身自由的管制,在軍事佔領過程中就被去除掉,甚至日本的憲法也在盟總安排下有被調整,日本憲法的修改正是由大日本帝國議會依據《大日本帝國憲法》中所定的修憲程序修改。光從《大日本帝國憲法》中的條文仍舊被遵循,就可以知道,即使修改的憲法的草案是盟總所提供,也並未改變日本憲法是在日本政府行使主權後改變的法律事實。(盟軍對日佔領的作法,是由盟總負責規劃,交由大日本帝國政府(修憲後為日本國政府)依其國家政府身分執行。日本政府仍舊是在行使主權,日本的主權沒有因為在佔領期間被盟軍代理或者取代。)
佔領者雖然要尊重佔領地的法令,但若佔領地的法令有需要調整,或者正是引發戰爭的原因,就可能被調整。
佔領者可以在佔領地徵稅,但要依照原本佔領地的稅法去徵收,且基本上只能用於維持佔領地的穩定,而不可以拿去佔領軍所屬國家使用,或用於填補佔領軍所屬國家的財務漏洞。
但很明顯的,ROC政權在台澎徵收的財產很多都運到中國本土去應付中國發生的第二次內戰,當時1945.8月PRC政權還沒建政,所以那時候屬於中國共產黨以及中國國民黨之間的「黨爭」(國共內戰),PRC政權1949.10.1建政後就是「政府代表權之爭」(一中兩政權)。在當時蔣介石是中國國民黨的,那他就把代表盟軍軍事佔領代管的台澎上的物資、工業生產設備拆一拆運去中國使用,這是不可以的,這件事情台澎建國後要好好算帳。
另外佔領地不是你的,所以佔領地的財產,你也不可以登記成國有地的財產,所以現在在ROC政權的國有財產局,裡面登記的台澎財產其實都是不屬於它的非法財產。尤其是土地的部分,ROC政權把台澎除了私有地以外的其它土地都登記成國有地 這其實是非法的。
佔領軍在佔領地如果需要使用物資時,是要付費的喔!不可以搶錢搶糧搶女人。例如:需要交通工具,可以徵用民間的車子,要嘛付錢買下車子取得所有權,要嘛付(使用費)租金,此時所有權還是對方的,使用後最後要物歸原主,絕對不是你要就直接拿走。
依ROC政權在台澎的執行任務身分來說,它做了太多它不可以做的事情,而這一切都奠基在「台灣光復謊言」之上,因為大家都相信台澎領土屬於ROC政權想代表的國家(國號「中華民國」的中國),那台灣人就不會質疑為何財產會變成國有財產。
所以轉型正義中的黨產會,把從KMT手上拿回來的不當黨產放進ROC政權國庫中,收歸國有是在幹嘛呢?這些很多當初都是台澎人的資產,先被ROC政權登記成國有財產,然後KMT透過國庫通黨庫變成自己的又轉賣別人從中獲利,如果追回來不是就應該還給最初被搶的人民手上嗎?
如果是不動產 應該都會有所有權移轉紀錄。就算找不到原始擁有人,也根本不可以登記成國有財產,而應該另外成立法人單位,來管理台澎地區公共財產。移轉所有權單位,未來台澎建國後,就可以把這個台澎公共財產移轉成建國後的台澎國家。
ROC政權就是中國政權,登記在他名下的財產就是中國財產。
所以ROC政權這樣做,如果假設、萬一哪天PRC政權接收ROC政權一切 把ROC政權給消滅掉,那就會被PRC政權拿走,因為這就是中國政府的財產,因為這兩個政權想代表的中國的主權國家法人格是同一個啊!
上面情況說明,東西所有權的財產與領土主權跟兩回事喔!大家要分清楚。
領土主權只能由國家來主張,這國家擁有了領土主權可以在上行使國家主權,就可以制定相關法令,去建立所有權、不動產制度,此時就會有土地或房屋所有權的法律上制度存在(ROC政權治理台澎時基本上是延續了日治時期所建立的法律上權利義務關係)。
(某次直播有聊到外國的大使館買下房屋所有權的涵義,大家可以去回顧一下:什麼是「外交關係」?大使館是什麼?蓋亞那設的台灣辦事處/立陶宛設的台灣代表處的法律性質為何? https://wp.me/pd1HGm-mg)
還有,佔領者因為沒有佔領地的領土主權,所以不可以把佔領者本國人民移居到佔領地來,這樣會有佔地為王的疑慮。雖然可以允許其它國人民暫時停留,但也不可以久留,例如:二戰結束時盟軍戰俘要回到本國之前,都會在不同佔領地移動。
那如果ROC政權擬訂難民法,這當然屬於國內法層級,不可能去影響到台澎法理地位、台澎領土主權歸屬的狀態。難民法能產生的法律效果要看它寫了什麼,例如提供政治庇護、人道援助,有的會提供國籍(但若ROC政權提供國籍,那就是中國國籍),但難民也不會因此取得在台澎永久居留的權利。
ROC政權制定難民法到底要幹嘛呢?就好比:香港,香港領土主權屬於中國主權國家,是ROC政權代表的「中國」這個國家的大陸地區。對ROC政權來說,香港人就是它想代表的中國的國民,也不是其他國家的難民,是中華民國大陸地區裡香港特區的人民,是不必用難民法、直接用港澳特區相關法令就可以處理的。
在國際上只有15個國家承認ROC政權是它想代表的國家(國號「中華民國」的中國)的政府,這時ROC政權到底可以提供什麼保障?都自身難保了。另外一點接納難民進來的話是否就不會有問題?ROC政權目前是算親美的,如果讓阿富汗難民來的話,那可能會發生的風險是如果想對美國報仇的人以難民身分進到台灣,然後跑到AIT去搞什麼恐怖攻擊,你要怎麼承受風險?人權考量是一點,但現實上不需要這樣做,阿富汗難民去到歐洲會更近,不需要跑到台灣來,而且台澎目前並不是國際法上的主權國家,能提供的保護有限,還不如低調一點當中轉站。
🍡
3️⃣ 八二三炮戰的真相
金門是中國領土是中國內戰的範圍,為什麼台澎人會去參與?
台澎人是以「台灣充員兵」的身分,被抓去打八二三炮戰,這本身違反國際法、佔領法。因為身為佔領者的ROC政權不可以把佔領地人民當成自己國民,讓台澎人變成中國軍人,這是很嚴重的事情。八二三炮戰就是台澎人為了不屬於自己的國家、為了沒有取得台澎領土主權的佔領者去拋頭顱灑熱血打跟自己無關的仗。
佔領者不可以要求佔領地的人民對佔領者效忠。因為一旦發生佔領地人民被迫效忠佔領者的情形,佔領者若將佔領地人民當成肉盾去對抗佔領地人民母國,那將是很不道德且不人道的。這是嚴重違反國際規範的行為,在台澎建國後一定要處理的!現實上,台澎人被強制徵召去參與823炮戰也導致台澎人在認知及國家認同上發生很大的問題。為了不是你國家而打仗受傷,拿到了張榮民證得到些許被施捨的蠅頭小利,然後就對這個佔領者感恩戴德,這根本就是錯的。
佔領者除了不可以強制徵召佔領地人民加入自己軍隊外,其實連打廣告募兵也不可以。不管是透過主動、被動的方式都不可以把台澎人變成ROC政權的軍人。唯一的例外是,如果ROC政權在台澎成立「自衛隊、警衛隊」,那就可以,因為這類單位的成立目的是為了維持佔領地的安全穩定。總之,不可以讓佔領地人民為佔領者去死。所以八二三炮戰講白的就是ROC政權非法徵用佔領地台澎人打中國內戰,從一開始就是違反國際法。
網友留言有說到:「蔣介石本來要放棄金馬,在軍事大會上決定好了,但麥克阿瑟將軍派第七艦隊司令來台灣跟蔣介石說金門守住日後才有機會反攻,所以蔣介石才要守住金馬,這過程有些事情很矛盾。這段歷史在美國國務院跟老蔣日記都有看到雙方都有目的,這歷史鮮少人知道。」
→那是麥克阿瑟的看法,不能說是美國的看法。麥克阿瑟可能純粹只是從戰略的角度提出建議,不能將麥克阿瑟的意見直接認定為是美國政府的意見。麥克阿瑟是從ROC政權內戰反攻的立場主張金馬不能放。立場是不同的。
美國「政府」的官方立場是放棄中國領土金馬不要管,你就到台澎這依照自決權來成立另個國家變成一中一台,但蔣介石自己不要啊,還堅持自己是正統中國,更抗拒兩個中國,美國立場就是切乾淨不要牽扯到台澎上,那好在蔣介石拒絕,拒絕得好~不然這樣蔣介石就變成意外的國父!而且很有可能台澎更難切割中國政權引來的問題。
事實上,蔣介石是以「投降」來逼迫美國幫忙金門的。八二三炮戰的時候,蔣介石說:如果金馬被攻下,台灣這邊的軍隊的士氣會大減(這就是在暗示「我會投降喔」),所以逼迫美國非幫忙不可。
蔣介石說這種威脅話不是第一次了,第一次是開羅宣言之前就說過了啦!二戰那時中華民國政權要打不打、要投降不投降的,後來才會有這戰時意向聲明,好安撫蔣介石參戰。
最後結尾,了解台澎法理地位的人,不要在此時申訴不要去當兵。因位ROC政權還沒有老實承認盟佔代管身分,在當下局面去面對ROC政權是小蝦米對抗大鯨魚。解決問題的方法,最終還是要回到推廣台澎法理地位,讓更多人知道以後,形成公民力量體現在ROC政權選舉上,來掌控ROC政權,使它承認盟佔代管身分。
在還沒建國之前,我們還是要保護台澎,所以當兵若是在台澎上就可以在心態上當作是「自衛隊」,若是被派去金馬就要好好調適心情。我們是要讓大家去理解ROC政權這個台澎代管機構可以成立自衛隊來保護台澎。雖然現在它沒有成立這個,防護台澎的單位在名義仍舊是ROC政權軍隊,但它畢竟還是在保護台澎。所以千萬別誤以為我們現在討論法律上的事情是要慫恿大家兵變。
ROC政權因為有盟軍授權,具有治理台澎的合法權限,是管理者角色,可以制定法令,我們身為被管理者,遵守管理者制定的法令是合理,若管理者制定的法令不合理,我們去抗爭是ok的!
盟軍授權不是空白支票,超出佔領者佔領權限的部分就變成非法行為。就像經過公司董事會指定的總經理監守自盜。董事會指定他當總經理沒問題,這個人也能當總經理,但監守自盜則是犯法行為。又或者考到駕照可以合法上路啊,但不表示可以開車撞人。
所以要認清楚ROC政權是盟軍讓它可以來到台澎的,所以不管你再怎樣討厭它,也不可以否認它有合法代管權限。但承認他有合法代管權限,並不影響你對它的不當管理行為表示反對、以合理、適當的方式進行抗爭的權利。
🍡🍡🍡
與台澎法理地位有關的問答:
台澎歷史脈絡時間序圖 https://www.facebook.com/100047156705396/posts/306951200886768/
Q&A13台灣主權未定論只是理論嗎?https://www.facebook.com/258660130833607/posts/4046594352040147/?d=n
Q&A19光復節等於台澎主權移轉嗎?:https://www.facebook.com/258660130833607/posts/4063376373695278/?d=n
Q&A31開羅宣言了解一下啊中美英三公報不就是說台灣是中華民國的!:https://www.facebook.com/258660130833607/posts/4095963593769889/?d=n
Q&A32 中華民國可依開羅宣言取得台澎主權嗎?:https://www.facebook.com/258660130833607/posts/4098512726848309/?d=n
Q&A33日本降伏文書可以讓中華民國取得台澎主權嗎?:https://www.facebook.com/258660130833607/posts/4101312156568366/?d=n
Q&A34 中華民國政權佔領台澎可以讓中華民國取得台澎主權嗎?:https://www.facebook.com/258660130833607/posts/4103847962981452/?d=n
Q&A42:中華民國可以透過中日和約取得台澎領土主權嗎?https://www.facebook.com/258660130833607/posts/4126285760737672/?d=n
Q&A52: 中日和約寫馬關條約失效主權回歸給原本國家嗎?https://www.facebook.com/100047156705396/posts/266503688264853/?d=n
Q&A30台灣派代表去南京制憲所以台灣是中國的啊:https://www.facebook.com/258660130833607/posts/4093436047355977/?d=n
Q183:皮筋兒 Journey 不管你怎麼吹,台灣主權早定論囉!開羅宣言就嗯!有承認具有法律效力就好 https://www.facebook.com/100047156705396/posts/342657223982832/?d=n
Q&A25台灣的地理範圍有哪些?哪個是領土主權未定?:https://www.facebook.com/258660130833607/posts/4079690472063868/?d=n
🍡1949年來台的中國人後代,為什麼要支持法理建國的論述?https://wp.me/pd1HGm-gC