星期日瞓醒諗到少少野。
當日本添好運星期日要排三個鐘頭先能夠飲茶嘅時候，香港有好多人喺度轉頭像話要支持廣東話。
睇落去其實都幾開心，因為香港文化冇因為主權移交（簡單啲講即係被迫回歸，可以用使役受身呀Diu）21年逐漸喪失，係咪？最能夠代表香港嘅飲茶、茶餐廳去到日本都可以發揚光大，幾好？
我覺得係社交媒體同埋上網已經成為世界上每一個年青人不可或缺嘅生活習慣嘅時候，其實我哋可以做更加多野。
大家撫心自問，大大聲講自己鍾意日本野鍾意韓國嘢或者鍾意美國野嘅後生仔真係好多。我哋係咪都應該大大聲好自豪咁樣講我哋更加愛香港文化，凌駕於日本、韓國、歐美？
成日去台式餐廳扮文青打卡、日本有新嘅餐廳嚟香港開店排三粒鐘心甘命抵、衝上深圳為咗韓國風格嘅Cafe瘋狂selfie...呢啲嘢我諗我哋好多人都做過。
茶樓、茶餐廳、橫街窄巷、戰前建築、港英時代流落來的建築物……成日話香港係我哋故鄉要保衛香港文化，如果可以將我哋對日本韓國台灣嘅愛情轉移多一啲落去日常生活裏面表現出嚟，例如Instagram貼多啲香港特色建築或者美食、唔再只係清一色嘅台灣韓國日本相片，係唔係能夠更加令到世界各地嘅社交媒體用家感受到香港嘅美呢？
有日我見到有個鬼佬係Instagram貼左張鰂魚涌嘅電車相然後話應該係香港又或者係中國唔知邊度啦咁樣。我留言同佢講，呢度係我嘅故鄉，香港。
跟住到廣東話。
有日有個朋友走來同我講見到上網有人鬧交，有條友講講吓廣東話走咗去講日文然後就用日文串人哋唔識睇日文覺得自己講日文高人一等。我黑人問號心諗，成班香港人喺度鬧交你突然間講日文扮到自己高人一等以為自己識日文人哋唔識同你講廣東話你就好叻， on9嫁？
我都知道廣東話係母語，我都知道廣東話鬧人好抵死好陰質好仆街好賤格好到肉。
我知道日文相對來講由表達方法到用字都比廣東話來得謙虛有禮轉彎抹角面面俱到。
不過我天生係香港人呀嘛，就算外表點樣扮日本妹改個日本名上網扮日本人你骨子裏都係一個香港人。
以上隨心打，內容結構唔係咁嚴謹，大家多多包涵。
廣東話鬧人 在 10個比懵炳更地道的鬧人廣東話... - Facebook 的推薦與評價
用廣東話鬧人絕對可謂博大精深，以下10個經典廣東話鬧人用字，你又用過未？ 1. 陰質意思：有指正寫為「陰騭」，現時坊間慣寫為「陰質」，形容刻毒、涼薄 ... ... <看更多>