版主!加油�!
【四月二十四號|高院五樓七號庭旺角案|即時文字信息】
本案五名被告為梁天琦、李諾文、盧建民、林傲軒及林倫慶。五人均否認於2016年2月8至9日期間,在旺角砵蘭街、山東街、亞皆老街及花園街參與暴動及非法集結。其中梁天琦被控一項煽惑暴動罪及已經承認了一項襲警罪。
案件編號:HCCC408/16。
_______
第三被告盧建民今日第二天作供,於早上十時開始。
________
10:04 開庭。
第三被告再上證人臺接受盤問。
控:課題是有關賣了的手提電話。請先看證物認收書。讀出電話的 IME number。
如果知道在那裏賣,就可以搵返。
證:我在深水埗街邊檔賣出,唔記得係那條街賣出。我唔記得有冇提供密碼畀警方。
控:你話過會撐小販,2月8號晚的片拍攝唔到食環署驅趕小販,也影唔到你同食環講的一番說話,但你用粗口辱罵。
證:同意,但我冇講粗口。
控:播片,你有講粗口。
證:係,有講粗口。
控:2月8號晚有關端興麻雀館的後巷。當時冇食環或警員阻止小販擺賣。
證:係。
控:播片,最少有三位有本土兩個字衛衣的人及多位藍衣人士。
證:係。
控:小販已經賣緊,點解要幫佢推出去?係唔係有本民前嘅人去推車出去?
證:我唔識本民前嘅人。我幫手係衰好心。
控:你聯同本民前嘅人一起推小販車出去。
證:不。同。意。
控:你話小販被人驅趕就幫口,但佢地未驅趕你就講粗口。
證:我下意識覺得佢哋會驅趕。而且其他人鬧先,我加把口。
控:播片,你鬧食環係同人約好。
證:我係一名「毒 L」冇約埋人一齊去鬧。食環佢哋戴口罩上班,我大鬧「病咗就唔好返工」。
控:播片,有人同你講嘢,你回應佢。
證:我唔識佢,但有人同我講嘢我會「認機」。
控:片中那人見一個拉一個的說話同本民前的呼籲一樣,你受到本民前的呼籲才出來。
證:不。同。意。
控:播片。接近十點時,你的撐小販目的已經達到。
證:同意。之後我繼續在場一直影相。
控:播片。的土交通意外,你沒有目睹傷者。
證:係。
控:你講,有真警犬係度,係想引起人注意。
證:唔係。
控:你點知片中紅帽的是傷者。
證:後來同人講知道。
控:你講的士「撞死人」。
證:我講「撞到人」。
片中有人講粗口再同警員傾計,我看片估佢係傷者。當時唔知。
控:播片,你講「大鑊」,警員講電話叫你唔好噪你又大講「粗口」,叫你退後你又唔退。所以你係阻礙警務人員執法。
證:不同意。我退無可退,後面有車。而退後就拍唔到片。
控:當晚你心裡對警察印象不好。
證:係。
控:警察有好與不好。
證:係。「律師也有好與不好」。
(庭內爆笑)
控:當晚當時警察冇打人冇用噴霧。
證:係。但係佢哋都無乜禮貌。
控:你繼續留喺到的目的,是阻礙警務人員執法。
證:不同意。
11:28 官:休息至 11:55。
11:56 開庭。
控:第八段片,機動部隊入內,第九、十段片,的土倒車,警車離開。
證:同意。
控:現在不播片段,先看有關你的相片,那些片都是你及有你的衣飾、物品。
證:我之前講穿了 K-swiss 的鞋,原來是 Puma 鞋。行完山買了一對新的。
控:上述情況不重要,繼續看證物相片。
證:物品中尿袋並沒有拍到。
相片牛很多物品在三月七號前已經還給我。
控:播警方片段。10:38pm 的士離開及10:40pm警車離開,當時你也在砵蘭街。
證:認同。
控:播片,10:12:37pm 你在拍片,你選擇拍片,但其實可以離開。
證:我選擇拍片。
控:片中你聽到黃台仰講嘢之後拍手。
證:人拍手我又拍手。
控:我向你指出,你當晚跟隨本民前的呼籲到場。
證:我唔同意。
控:片中見黃台仰呼籲人行向前,你跟著行前。
證:我有行前,但只為拍片。好似見到前面有好風景就行去影一樣,同黃台仰無關。
控:就算阻礙了警務工作你也不離開。
證:唔係。好多人都拍嘢但佢哋都唔走。
控:播片。片中人係唔係你?(有很多次發問)
證:疑似係我。近似係我。好似係我。唔肯定。現在肯定係我。
控:你由站在一旁再行去馬路中心,是否因應黃台仰的呼籲。
證:站在馬路中心拍嘢會好啲。
控:黃台仰的呼籲同你行為吻合。
證:佢有佢講,我有我做。
控:不拍攝時,有時你把微型攝錄機放於左胸。
證:同意。
13:00 官:午飯休息。14:30繼續。
14:33 開庭。
控:播片。警察退後你向前行。
證:係。
控:你伸出手和一人接觸,再一齊行。
證:係。不過我唔識佢,但一齊走。
控:現在播另一段片。
你和陳寶華的衝突。你冇講粗口,有陌生途人阻擋他捉住你。
證:係。
控:庭上播片。有人拿著玻璃樽舉高,呢個人係你。
證:唔係我。物有相似。
三狀:此片段並沒有被警員陳寶華確認。
控:那人的帽、口罩、衣服和背囊也和你相似。
證:係,但佢唔係我。
控:在朗豪坊戲院出面,是否有一人和你著同樣裝束的人出現過。
證:同意。
控:播片,確認D3你的衣飾及你的攝錄機攝錄時有閃燈。
證:係,見到。
控:晚上9點幾到11點幾,你都戴保暖口罩,因為你唔想比人知你廬山真面目。
證:不。同。意。
控:播片,11:52pm 起,請留意一名人士,看看是不是你。你見不見到左胸上攝錄機在閃?
證:見到。
控:你見不見他掟了嘢?
證:見到。
控:你見不見到他有腳架?
證:見到。
控:你見不見到他有眼鏡?
證:見到。
控:有四個地方一樣。
證:係。但嗰個唔係我。
15:29 官:小休。
15:43 開庭。
控:再重新播片,11:52:36pm。請留意右手有錶。
證:有,但手錶睇唔到甚麼牌子。我拍攝的習慣是,手持攝錄機而非夾在胸。
控:播片,01:31am起,有關掟嘢十一次。
請留意一名人士。
佢掟第三次之前,也拍到他帽和衣飾同你一樣。
又見到他戴白色的勞工手套。
控:看到了那人掟十次,我要指出那是你。
證:唔係我。
控:掟了第十一次,那是你。
證:唔係我,因為我在亞皆老街那邊的大後方。
控:再播片,01:46am,那人又掟了幾次嘢。請留意那人。
證:那不是我。
控:再播片,01:50am,那人是不是你?
證:那不是我。
控:播片,01:51:42am,那人有腳架。有白色手套。
證:在場好多人都有腳架同手套。
控:之前所有片段的人都是你。
證:否認。
控:播無線新聞台片,掟嘢那人是你。
證:唔係我。
控:再用慢鏡播。再看其他相片,有背囊、有腳架、有褲的標誌、鞋也一樣。所有衣飾也完全一樣。
證:係一樣。但那些物品任何人也可以買。
16:23 官:休庭。星期五,早上十點繼續。
控:會同三狀探討是否會傳召一位證人。
四狀及五狀不會傳召證人,被告亦不作供。
官:4月27號我會給予陪審團書面的法例指引。
我希望5月8號可以引導陪審團。
一狀:我需要一整天結案。
二狀:需要一小時。
三狀:一小時。
四狀:兩小時。
五狀:兩小時。
官:希望安排同一週內完成所有結案。
#旺角警民衝擊
Search