*嚴禁劇透*
*粗口自行過濾*
*外表可讚免彈*
*可瘋狂話戲屎但免人身攻擊*
[方以文問兩句][何廣沛 郭子豪 張彥博][Part1]
>>>
https://www.facebook.com/…/a.10913097475…/2065981856799182/…
[方以文問兩句][監製 方駿釗][Part1]
>>> https://www.facebook.com/…/a.10913097475…/2056370151093686/…
[1230隔夜超短劇評][TVB][跳躍生命線 EP25 大結局]
[讚] 馬神由上集喺電話聽到Man有事開始,到今集一開波上救護車,再去問天,畀足晒位表演,交晒功課。呢個要嚟做今集大結局嘅開頭有氣勢。
好鍾意在哥身邊永遠都有阿芯嘅存在,阿 Man話係死亡隧道見到藍色光就諗起在哥。初時我都諗唔到點解係藍色,又諗唔起係關阿芯嘅骨灰鑽石事。但佢一講嗰吓我真係好感動。到最後醫生見到在哥諾兒,在哥同佢講句唔該,醫生流眼淚,我都好感動呀。話就話係移植眼角膜之後嘅多淚水分泌情況,但原來個眼角膜係車死阿芯嘅林茂祥捐出嚟。除咗係因為林茂祥間接救返諾兒還返畀在哥之外,其實都係呼應返今集其中一個主題,就係緣份。講到底,可能都係阿芯一直守護住諾兒同埋在哥,佢哋先至平平安安。
阿Man今集同在哥又見到反曙暮輝,每次出現我都覺得係阿Man嘅男朋友出現。不過今次就唔同咗,阿Man之前每次見到都好不安,諗返起被困雪山嘅經過,但今次佢可以對住反曙暮輝笑。由傷痛變做祝福快樂,係可以嘅,但有快有慢,又要睇際遇。
魯賓遜都係咁,唔記所有嘢,甚至連老婆走咗都唔記得,或者佢都已經唔記得喺條街影相係為咗畀老婆睇,但都依然記得要喺街度影相。呢個回憶對於魯賓遜嚟講係同老婆最後嘅連結,佢今集話好痛,係因為佢知道呢個連結已經變咗質。但最後呢個連結轉化咗,最尾叫傑仔拉開個幕嗰吓,由痛變咗做接受。
呢種轉化亦都喺裘叔同埋小蝶身上見到,食完中秋飯兩個人喺電車路度行,其實行嚟行去都係跟住個軌跡,喺個循環度兜兜轉轉。過去嘅扭轉唔到,到你有一日放得低就係放得低,係一吓嘅事,未必有真正事件發生咗而引起。今集小蝶對返裘叔好少少係咁。好多集之前祈祈放低咗angus都係咁。
如果單睇今集,係講緣份,係講過去珍惜嘅會一直陪住你,傷你嘅有一日會變得無關痛癢,咁都真係幾中。
[彈] 但如果係當一個大結局咁睇,呢集又真係差咁啲。一路講嘅「無常就係日常」、「意外無常」、「奇蹟希望」,今集只係集中講奇蹟希望。或者你會話咁之前講晒啲無常意外嘢,今集講奇蹟希望都好啱數呀。咁聽落就啱嘅,但如果係一個大結局,我希望啲事件係一啲主軸線嘅收尾。睇返今集,「阿芯一直喺在哥身邊」應該係個主軸嚟,但可惜之前咁多集在哥都係帶吓帶吓,得幾集做主,完全托唔起個結局。呢個亦都係有觀眾話第21集開始唔好睇嘅原因,就係因為之前描寫在哥時不痛不癢,如果之前在哥生活當中出現多啲阿芯嘅影子,最後何詠倫單嘢又可以同阿芯單嘢有啲對比或者加埋阿Man落去的話,咁結局週呢五集就唔使跌watt得咁離譜,完全好似係Season2咁,諗諗吓四集何詠倫可以剪走佢,仲完整。
好多人聽到係音樂情人鄭子誠做旁白就話好正。咁鄭子誠做旁白梗係滿分啦,但對於套劇嚟講又係另一回事。本來佢唔喺結局出現,我都可以當個旁白係鄭子誠,但依嫁刑sir出現喺長沙灣消防局,咁佢旁白就再唔係鄭子誠,而係刑sir。由刑sir去做大結局個VO呢個安排真係失咗手。畀在哥講可以力挽狂瀾加強返佢最後五集嘅力量,畀傑仔講可以勾起返佢由小巴司機到救護員嘅經過仲有救過啲乜人。如果畀魯賓遜去講個旁白就仲勁,真係用一個全面旁觀者嘅角色去講,又可以強化返最後一幕仲有roller啲相嘅感覺,我哋做觀眾呢個旁觀者就最有共鳴。呢三個人選明明都係好過鄭子誠(重複呢個係指結構上,而唔係旁白技巧上,雖然KK講都應該會好正)。
另外,我同大家一樣都好鍾意KC同Terry,但喺另一套劇度用嘅時候真係要好小心。今次劇組搵李偉健嚟做,又係叫Terry,又安排歐瑞偉同場,明顯係食《愛回家》條水。但真係太搶,Terry感勁重,寫佢有準備防曬蚊怕嘢,又準備咗一蚊,明顯係雄姐嘅延續版嚟,亦都可以呼應返套劇話緣份呢件事,可惜呢個安排就畀Terry overwhelm咗。如果有歐瑞偉,我就一定唔搵李偉健。最好就搵一啲以往都演過救護員嘅演員,咁又可以玩吓嘢,又唔會太過火。
冇BBQ,但個大食會仲無謂過BBQ。想玩嘢變咗拖低個劇嘅質素,得不償失。
[維基百科話你知][拉撒路綜合症]
拉撒路綜合症(Lazarus syndrome)是指在心肺復甦失敗之後人體循環系統自發地恢復運作。自1982年以來,它已在醫學文獻中至少有了25次記載。又被稱為拉撒路現象(Lazarus phenomenon),是以聖經中的拉撒路來命名的,在聖經中,他死後耶穌將其復活。
對於這一綜合症的出現原因,目前仍沒有很好的解釋。一種理論認為,其主要原因是在心肺復甦過程中胸腔內累積了壓力,在心肺復甦結束後這些壓力的釋放導致心臟的擴張,從竇房結出來的電脈衝觸發了心臟的跳動。
[演員表] 馬德鐘 飾 麥在田 / 何廣沛 飾 卓家傑 / 郭子豪 飾 陸昊然/ 張彥博 飾 呂劍雄 / 張曦雯 飾 文暉 / 劉佩玥 飾 章可祈 / 陳瀅 飾 向滿月 / 羅天宇 飾 譚家俊 / 韋家雄 飾 高行仁 / 張文慈 飾 麥愛花 / 李成昌 飾 卓裘 / 歐瑞偉 飾 王海 / 陳偲穎 飾 麥諾兒 / 李霖恩 飾 常朗天 / 陳偉洪 飾 余國榮 / 李日昇 飾 張啟冠 / 崔建邦 飾 羅應佳 / 張國強 飾 魯永健 / 楊卓娜 飾 游子嵐 / 羅蘭 飾 李英愛 / 蘇恩磁 飾 何鳳蓮 / 楊卓娜 飾 游子嵐 / 謝雪心 飾 湛小蝶 / 鄭子誠 飾 刑峰 / 溫裕紅 飾 祥嫂
#1230隔夜超短劇評 #無綫 #TVB #跳躍生命線 #馬德鐘 #何廣沛 #郭子豪 #張彥博 #張曦雯 #劉佩玥 #陳瀅 #韋家雄 #張文慈 #李成昌 #歐瑞偉 #陳偲穎 #李霖恩 #陳偉洪 #李日昇 #崔建邦 #張國強 #羅蘭 #溫裕紅 #謝雪心 #鄭子誠 #方駿釗 #冼翠貞
張文慈 男朋友 在 方以文 睇電視喇喂 Facebook 的最佳貼文
*嚴禁劇透*
*粗口自行過濾*
*外表可讚免彈*
*可瘋狂話戲屎但免人身攻擊*
[方以文問兩句][何廣沛 郭子豪 張彥博][Part1] >>>
https://www.facebook.com/…/a.10913097475…/2065981856799182/…
[1230隔夜超短劇評][TVB][跳躍生命線 EP23]
[讚] Diana同仁哥嗰段好有趣。
[彈] 今集其中一個重點係講愛情嘅力量。忻忻有事,傑仔喺度。在哥有事,阿Man扶持。阿Man喺雪山有事,同男朋友互相依靠。阿Man話靠最後都要靠自己,但講到尾佢積極生活到依家都係因為佢男朋友。其實有愛人嘅力量支持係非常重要。
不過因為呢集之前嘅愛情力度,比起同事家人嘅力度描寫不足,搞到今集推到上高鋒都冇乜力。我自己就覺得冇乜感覺,甚至有啲悶。
在哥喺擔心家人之下失晒方寸,然後提到何詠倫係因為老婆同埋個仔都死咗而搵在哥報仇,跟住在哥就好似明白咗。嗰幕一嘢帶過,係咪就咁就當交代咗呢?
另外,今集啲對白太過文藝,聽到打冷震……
[演員表] 馬德鐘 飾 麥在田 / 何廣沛 飾 卓家傑 / 郭子豪 飾 陸昊然/ 張彥博 飾 呂劍雄 / 張曦雯 飾 文暉 / 劉佩玥 飾 章可祈 / 陳瀅 飾 向滿月 / 羅天宇 飾 譚家俊 / 韋家雄 飾 高行仁 / 張文慈 飾 麥愛花 / 李成昌 飾 卓裘 / 歐瑞偉 飾 王海 / 陳偲穎 飾 麥諾兒 / 李霖恩 飾 常朗天 / 陳偉洪 飾 余國榮 / 李日昇 飾 張啟冠 / 崔建邦 飾 羅應佳 / 張國強 飾 魯永健 / 楊卓娜 飾 游子嵐 / 羅蘭 飾 李英愛 / 蘇恩磁 飾 何鳳蓮 / 楊卓娜 飾 游子嵐 / 謝雪心 飾 湛小蝶 / 鄭佑男 飾 童年俊 / 謝進 飾 童年傑 / 曾偉權 飾 何詠倫
#1230隔夜超短劇評 #無綫 #TVB #跳躍生命線 #馬德鐘 #何廣沛 #郭子豪 #張彥博 #張曦雯 #劉佩玥 #陳瀅 #韋家雄 #張文慈 #李成昌 #歐瑞偉 #陳偲穎 #李霖恩 #陳偉洪 #李日昇 #崔建邦 #張國強 #羅蘭 #蘇恩磁 #楊卓娜 #謝雪心 #莊思明 #鄭佑男 #謝進 #曾偉權 #方駿釗 #冼翠貞
張文慈 男朋友 在 方以文 睇電視喇喂 Facebook 的精選貼文
*嚴禁劇透*
*粗口自行過濾*
*可瘋狂話戲屎但免人身攻擊*
[方以文問兩句][何廣沛 郭子豪 張彥博][Part1] >>>
https://www.facebook.com/…/a.10913097475…/2065981856799182/…
[1230隔夜超短劇評][TVB][跳躍生命線 EP14]
[讚] ……呀,其實要讚吓剪今集預告嗰個,因為佢剪咗羅蘭姐跌藥之後羅天宇好緊張嗰個樣,又剪咗陳偲穎溜冰接落馬神好似好驚嗰個樣出嚟,搞到陳偲穎會有意外咁,但原來佢係冇事,亦都冇意外發生。羅蘭同羅天宇嗰幕就係真嘅,不過好快就冇咗。剪呢段出嚟真係好勁,知道觀眾想睇啲乜。
分開嚟睇,麥愛花同高行仁、卓家傑同卓裘加遊子嵐、卓家傑同李英愛加卓裘,三段都幾好睇,尤其係喺劇中第一次出現嘅韋家雄同張文慈互撞,好好氣氛。記唔記得在哥早幾集安慰祈祈時,話佢聽過有個女朋友因為男朋友去洗手間唔揭起個廁板而分手呀?唔通係講緊仁哥同麥愛花?但呢套劇成日話命中註定加角度互換,就連傑仔睇星嗰時都可以講得出死鬼阿芯嘅對白,或者係想講有人因為個廁板分手,有人因為個廁板結緣?
[彈] 今集真係賭大細,完全唔講救護工作,而係講救護員的休息日常,今集盡推在哥同Man、傑仔同祈祈嘅感情發展,都要讚吓劇組,因為佢一開始個VO已經講咗今集係休息,明買明賣夠均真。
四個後生仔去camp嗰吓,仲有在哥去到Man教芭蕾舞嘅學校嗰班學生,真係有啲脫離現實。唔知傑仔三個人同祈祈係幾多歲,但點到唔會好似今集去camp咁,幾個變返做中學生嘅動作思路啩?尤其係啲三級燒傷嘅雞翼……芭蕾舞學員嗰啲反應,圍住叫在哥換制服嗰吓我又係諗,啲細路睇落都七八歲,依家啲細路真係會咁講嘢咩?定我見到嘅細路太成熟?
[唔知讚定彈] 今集可以當係番外篇咁睇,以上讚嗰幾段係幾好睇,但除咗幾個伏線提示之外,基本上可以跳過。如果係做完嘢,2030返到屋企安安樂樂坐喺電視機前面睇,又唔知係咩感覺。但我琴日係趕返屋企睇3小時即時回播,仲神心過等佢上架,但睇到呢個番外篇,我個情緒有啲落差。覺得自己真係可以用呢一小時去休息吓。
[演員表] 馬德鐘 飾 麥在田 / 何廣沛 飾 卓家傑 / 郭子豪 飾 陸昊然/ 張彥博 飾 呂劍雄 / 張曦雯 飾 文暉 / 劉佩玥 飾 章可祈 / 陳瀅 飾 向滿月 / 羅天宇 飾 譚家俊 / 韋家雄 飾 高行仁 / 張文慈 飾 麥愛花 / 李成昌 飾 卓裘 / 歐瑞偉 飾 王海 / 陳偲穎 飾 麥諾兒 / 李霖恩 飾 常朗天 / 陳偉洪 飾 余國榮 / 李日昇 飾 張啟冠 / 崔建邦 飾 羅應佳 / 張國強 飾 魯永健 / 楊卓娜 飾 游子嵐 / 羅蘭 飾 李英愛 / 蘇恩磁 飾 何鳳蓮 / 楊卓娜 飾 游子嵐 / 謝雪心 飾 湛小蝶 / 莊思明 飾 葉媛 / 鄭佑男 飾 童年俊 / 謝進 飾 童年傑
#1230隔夜超短劇評 #無綫 #TVB #跳躍生命線 #馬德鐘 #何廣沛 #郭子豪 #張彥博 #張曦雯 #劉佩玥 #陳瀅 #韋家雄 #張文慈 #李成昌 #歐瑞偉 #陳偲穎 #李霖恩 #陳偉洪 #李日昇 #崔建邦 #張國強 #羅蘭 #蘇恩磁 #楊卓娜 #謝雪心 #莊思明 #鄭佑男 #謝進
張文慈 男朋友 在 前亞姐張文慈憶述被下藥致失身向傳媒說出卻遭亞洲電視雪藏 ... 的推薦與評價
00:00 張文慈簡介02:00 張文慈的性感之路07:31 張文慈的愛情世界12:18 ... 到北京拍劇認識建築師男朋友定居北京曾親手替狗狗接生【星級會客室2013# ... ... <看更多>