［埃汾致DSE考生，或者家長］就真係，考好佢，好緊要的。話唔緊要嘅，一巴星佢啦
1. 其實，就真係唔關我事的。不過而家興動機論，咁即管幾句講下出發點同背景。我冇仔女，唔打算生，亦冇再教書，我教書年代啲學生有啲仔都生埋。至於我朋友啲仔女又未到DSE年紀，有都唔關我事，我對人地啲仔女（特別係仔）冇乜興趣。
2. 至於我係咪討厭年輕人呢？視乎邊啲。應該話我討厭大多數人（事實），不獨止係年輕人。都話我教過兩年書，算愉快，學生家長同事老校評價都好，我諗好難係好討厭年輕人嘅。覺得我寫篇文害鳩你嘅可以作罷。你邊位？值得我去打幾千字害鳩你？
3. 本人另一身份，N年前嘅學霸嘛。係架，四十歲幾歲人仲講呢啲幾咁可悲—咁但事實係咁可悲嘛。但我都申報，等你自行判斷。如果我當年會考零分，咁寫嘅嘢可能唔同。
4. 入正題，我年代係有會考有高考，但已經冇High Level呢啲咁High level 嘅嘢，亦都冇拔尖。當年中三升中四亦唔係所有同學升原校，但畢竟冇一個公開試（＊）。所以當年就係中五會考，中七高考咁。
5. 而家呢？DSE一劑過嘛。好唔好？睇你點睇。但的確係，一試定生死。咁我年代啲友又話要受兩次酷刑，而家一次過又有人話冇翻身機會，隨你。但理論上，勁人應該支持考兩次，當年亦都有朋友係會考「失手」高考叫做「翻身」，雖然係少數—唔掂嘅，多數就係你唔掂，唔係「失手」。一鑊過，你更加難「翻身」
6. 客觀你睇到嘅，同阿叔讀書嘅年代比，而家入大學，「其實唔難」。直接啲講就大把廢柴都入到大學，我年代呢啲友只係場邊洗波鞋，學乜嘢人著件MK西裝扮大學生上莊？睇數字睇到，考嘅人少咗，學位多咗，學費又咁多年冇加，由我讀大學嘅年代到而家都冇加！—即係平咗—親，大學生人工都升咗一個開啦（https://bit.ly/2VBtJDk）。再加埋而家啲父母富貴咗（唔使同我拗），外國升學又好，副學士敗部又好，咩都好。
7. 而家入大學，「其實唔難」。投訴入大學難，就係偽命題，多撚餘。
8. 不過，你話，鬼唔知咩，但入完大學都前程似咁嘛。的確係。所以入大學唔難，入好嘅大學難，入好嘅大學好嘅科，仲難。當然何謂好，你自己心中有數。我舉例又畀人屌老母話我歧視架啦。但市場唔呃人，個個狀元都讀醫，你話呢？
9. 人生當然就係一連串嘅選擇，你得到啲乜，就係你嘅價值觀，係你一連串選擇嘅結果。但總有啲位係決定性大啲，例如買六合彩，十蚊有冇買騰訊，之類。如果我當年見識多啲，聽親戚講去咗讀IB（1995年嘅IB喎大佬），而家又可能唔係同一回事。如果我當年繼續教書，我估我應該有錢過而家（明顯我一早會買樓），但應該唔會有呢個Facebook Page
10. 有啲嘢，已成事實，改變唔到。你投錯胎，唔係李澤楷，又唔係小豬（台灣小豬又好德國小豬都好），改變唔到了。你讀咗間雞嘅中學（同上，自己定義，但心中有數），你之前幾年唔讀書，咁關我撚事，亦改變唔到。正如匯控唔派息，你都改變唔到（https://bit.ly/2y19WUV）。
11. 但，誰搬走了我的派息？你明知道，你屌足幾個月老母，個世界都唔會變的（除非你係尼馬個朋友（https://bit.ly/2Yc161z））。諗下之後點算仲好。
12. 去到呢刻你仲可以做到嘅，就係考好佢。臨急抱佛腳？都有用架。因為你唔使好叻，你叻過連呢樣嘢都唔做嘅人就得。教書兩年，幫人補習多年，大把考生係不戰而降，有啲直頭唔浦頭，有啲入去訓覺，有啲入去睇女。至少你可以贏到呢班人—係喎，就係你唔使跑得快過隻熊，你跑得快過你朋友就得。
13. 你之前冇讀書呀咩都好，至少你可以背兩條formula，至少你可以之前嗰晚早少少訓。呢啲全部係做到的。爭在你做唔做。
14. 好啦，最後講，考嚟做乜？入到好大學又點？都係前程似咁。一街都大學生（的確係），麥當勞賣包嘅都大學生（我都賣過）（＊＊）。入到好大學入到神科又點？
15. 冇乜點的，你要咁問，永遠可以問落去。幾百億身家又點？陳冠希又點？小豬又點？冇乜點，咪就係好爽咯。（咁當然，陳冠希同小豬唔係靠DSE，但你唔係陳冠希嘛，你連陳易希都唔係）
16. 或者話，嘩，我情操好高尚架，追夢架，講理想架。你呢啲咩名利權色嘅嘢，非我追求（Really？）．都冇所謂，價值觀嘅嘢，冇話啱唔啱。
17. 但，不幸地，以上講嘅依然成立。
18. 原因好簡單，張沙紙不能保證你名利權色追夢乜鬼，「但冇張沙紙亦唔會保證」，呢個係好多人嘅盲點。
19. 直接啲講就係，你老豆既唔係李嘉誠，你又唔係小豬陳冠希，你已經輸在起跑線。咁作為一個冇乜特別出身嘅普通人，呢個就係你上流嘅機會（何謂上流？你自己定義）。冇錯係越嚟越難，但你身邊嘅人都係咁諗，所以你叻過佢就得。
20. 考好成績，入間好大學，讀科好科，搵份好工（自己定義）—之後唔係自動波，但的確幫到你好多。點解？
21. 首先，你有多啲選擇。你有選擇先真係選擇，「我選擇唔泡李佳芯」唔係選擇，皇帝咁十條女（或仔）排開畀你選先係選擇，明冇？我嘅做人哲學係，Maximize your options，你揀人好過人揀你。唔止升學就業溝女，所有嘢都係。有工見當然見咗先，佢真係請你你先再算，再諗真係轉定用嚟跳草裙舞，就算兩樣都唔做，你都仲可以十年後同人講「嗰時XXX請我我唔做之嘛」，當然你冇都可以話當年李佳芯溝你，但我最憎人講大話
22. 另外，你讀唔讀大學，讀邊間，讀乜科，識嘅人，係唔同的。你可以好大愛左膠，但我就話你知呢個世界既然有靚仔靚女有醜男醜女，有好食嘅叉燒飯有難食嘅，有好波嘅球員有屎波嘅，咁人當然有勁人同廢人。讀到好大學好科嘅嘅唔一定係勁人（港大精算夠神科，都大把廢人，例如我），但in general，個正相關應該大的 —至少你唔會遇到啲唔撚出現嘅人（雖然我朋友，真係我朋友，讀精算讀到試都唔考，真係勁），唔會遇到啲文盲。
23. 再講一次，你老豆既然唔係李嘉誠（係嘅話我知！我有條絶世發財好橋！），你又唔係陳冠希小豬（同上，你食剩畀我得了）。你上流嘅機會已經細咗好多。入大學係越嚟越易，但市場自然識分邊啲係好大學邊啲係十九大學。
24. 香港地嘅嘢（其實全世界都係），冇錯可能都係識人好過識字，但你老豆既然唔係李嘉誠，你又唔係陳冠希小豬，咁你點識人？我覺得你大學識埋啲咩人，都好影響你日後條path
25. 所以，邊個同你講公開試唔緊要嘅，打巴佢啦。其實冇錢都唔緊要的，冇女都唔緊要的，做人最緊要開心嘛，呼。你鍾意嘅，你可以話自己開心過李澤楷小豬陳冠希嘅。當然人地唔係你想像中咁開心—人地有幾開心，你根本想像唔到。真的，讀埋啲雞校濕鳩科，就係限制你想像力架啦。而愛恩斯坦定邊個話齋，想像力好緊要嘛。
（＊）英殖年代有一個「中三淘汰試」，你估到係咩事。機制殘忍（？）其次，最正係個名，完全唔理你感受，唔使政治正確。但我冇聽人講當年係「製造失敗者」。
（＊＊）拿，呢啲故事真係常備幾個。我畢業真係去賣包架，唔係中學暑期工搵外快喎。你有幸畀我賣過，你都幾威。而我最大得罪就係，啲女好得。
——————————————-
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
德國升學dse 在 理財生活小貼士- 邊個話讀名牌大學一定要考DSE ... - Facebook 的推薦與評價
考DSE喺咪唯一嘅出路❓ 點解「德國中學」成為升學新寵❓ 點樣就讀德國寄宿中學 點樣免費就讀德國名牌大學 3月6日德國升學講座約定你 有興趣請 ... ... <看更多>