[特色手工啤+本地音樂=海洋公園歌酒節]
可能我d朋友都知我喜歡淺嚐美酒，凡是有得飲兩杯嘅場合都會預我。「海洋公園歌酒節」由2018年3月10日至4月2日 (逢禮拜六、日及公眾假期) 下午6:30至晚上11:00舉行，顧名思義有歌有酒，期間有20組本地人氣歌手及樂隊輪流表演，聽歌前後又可以聽住DJ打碟，嘆美食及手工啤。上星期我地2pm入場，7:30pm睇Robynn & Kendy表演，玩到9pm至施施然搭地鐵走。
[入場方法有三種]
1. 持有日間門票已入場人士，可以留到11pm，購買HK$50之手帶（附HK$50代幣及啤酒杯）以品嚐美食美酒。
2. 購買演唱會門票（HK$180/$280）人士，可於6:30pm後入場，欣賞特定的演唱會（演出時間足45分鐘）。門票送HK$30飲食代幣及啤酒杯，可在睇表演前後可自由品嚐美食美酒。演出單位名單：https://goo.gl/M7xGLc
3. 購買歌酒節門票（HK$50）人士，可於6:30pm後入場，門票全數回贈HK$50飲食代幣及啤酒杯，可自由品嚐美食美酒。
[比較常見嘅疑問]
Q：6:30pm後入場有咩玩？
活動期間，食尚水都、海龍王餐廳、水都餅店、夢幻水都人工湖、海濱樂園廣場及海濱禮品廊將會開放至晚上11:00。園內的機動遊戲、設施及展館將會於下午7:00關閉。<--其實你會夠時間睇7pm開場嘅「雙龍奇緣」。如果想上山玩機動遊戲就未必趕到喇。
Q：歌酒節有咩好食？
本身海洋公園「食尚水都」，即是「雙龍奇緣」前面d食肆及酒吧會延長營業至11pm，選擇有好多，有即製意粉、日式串燒、coffee corner 等，唔係只得快餐小食。望住個噴水池飲酒傾偈好清靜，感覺似置身新加坡 Clarke Quay。
另一邊，有多間餐廳駐場提供即點即製美食，包括三星廚房、Burger B、BEERLINER、POLOLI、MANECY'S STUDIO、梅光軒、HANJAN 等等。性價比高嘅首選 BEERLINER 精選拼盤（HK$100有紐倫堡腸+芝士腸+德國豬扒+大蝦串+薯蓉+酸椰菜，好大份），MANECY'S STUDIO 德國脆爆鹹豬手（HK$80/半隻）及即溶巴馬臣芝士卡邦尼意粉（HK$60，呢個好味到老公試了一啖就話想要多一碗），POLOLI 午餐肉芝士飯團（HK$25/2件，芝士熱、紫菜脆，我地買了4件極速食哂）
Q：手工啤有咩推介？
我嘅心水係麥子啤酒、常陸野貓頭鷹啤酒及大圍啤。試飲過少少之後我決定買大圍啤嘅sampler（HK$150/4小杯），話就話小杯其實我飲了2杯之後都有少少醉。大圍啤最特別係加入茶葉釀啤酒，每款味道鮮明但係入口超滑，係我飲其他手工啤未feel過果種滑；首推加入南非博士茶及紅桑子釀製嘅黑啤（我從來都係偏愛黑啤），以及加有佛手柑果香與Earl Grey的伯爵茶琥珀啤。
Q：歌酒節o岩咩人去玩？
現場所見是本地年青人最多，小朋友都有，老少咸宜。想聽DJ打碟可以坐手工啤果邊，想清靜可以去「食尚水都」果邊，各得其所。
Q：入場前有咩留意？
首先，未夠18歲就唔好飲酒，現場亦有汽水發售。全部食店不收現金，要用手帶（飲食代幣）支付。詳情：https://goo.gl/8Soen3
而家我已經約緊朋友再去，好想襯天氣未熱之前成班朋友坐戶外飲野大笑再玩下。
海洋公園歌酒節2018：https://goo.gl/ojV4dr
#oceanpark #drinknmusicfest2018 #oceanparkhk #themepark #beer #food #party #music #hkmusic #popmusic #fun #friends #localbeer #ipabeer #taiwaibeer #蘋果的黑洞胃
德國拼盤演唱會 在 韓星網- 最近似乎是海外拼盤演唱會的熱門季節，繼Mnet 與SBS ... 的推薦與評價
最近似乎是海外拼盤演唱會的熱門季節，繼Mnet 與SBS 後，KBS 也要遠赴德國舉行《Music Bank》了，快來看看華麗陣容！ ... MBC 드라마공식페이스북페이지입니다. ... <看更多>