［今日寫呢啲］拿，雪好的維他奶呀！圍佢！
今日就勁咯，但因為太堅，亦太多嘢講，所以呢度唔講太多。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
首先，萬眾期待嘅維他奶345。來龍去脈大家知，我只講投資（或投機），不講政治。而我冇預到股價會跌咁多（我訓到四點先起身）。有讀者已偷步買咗。
咁多數人嘅問題，都係搏唔搏得過，買咗嘅，當然係當好似Nike咁（我亦都寫過，亦叫人買），你班大陸佬杯葛得幾耐，個個身體很誠實，之類。但係咪就咁簡單？Patreon入面講。但你可以諗下以下嘅嘢（我文中會答）
大陸佔Nike收入幾多，維他奶又幾多？而在一個小粉紅心中，Nike嘅事大件事啲，定維他奶大件事啲？又同埋，羅生係政協，Nike大股東或CEO唔係喎。而冇錯，Nike上次業績一樣勁，但係咪大陸銷售就冇影響？同樣力度如果落去維他奶呢？之又但但係，Nike當時股價都唔係太殘，維他奶而家就52星期新低。但又但但係，Nike賺錢能力，同維他奶又係咪一樣？你望下啲盈利？
係喎，打一大輪交，都有答案嘅。但諗嘢唔好咁簡單。當然個個都鍾意懶人包，DLLM寫咁多嘢都冇重點，一句，買定唔買，真粗暴，仆你個街當自己去馬檻叫雞？我就係引導大家思考嘛。畀個冧把你有幾難？但同一個冧把，點解有啲人不停輸錢？明顯最大敵人係自己嘛。懶人包，咪就係精神垃圾食物嘛，你日日食，咪睇下你會變成點。
至於理文化工，746，真係值得威，絶唔係啲人講咩十年前footnote提過又當中。6月頭我雞扒咁大隻字寫住公司7月會出盈喜，今日幾多號話？之前我亦話公司今年盈利應該點都有7億，結果而家上半年都近6億，如無意外點都達標啦（咁當然，意外係會有嘅，例如都冇人估到忽然爆疫）。咁你又可以望下，上一次公司7億純利時，股價幾多。呢隻嘢我寫過幾篇文，甚至有篇寫咗4000字講晒公司點嚟，有乜產品，點去分析。你搵到第二個有咁詳細講？我最初在Patreon寫時3.8，而家幾錢？哦我知，你去買隻嘢都一個開嘛。咁我去買場德國都幾倍添。之後點？咪Patreon篇文講。
其實精彩嘅係每日一圖同Good read．首先應節，講十二碼，識射梗係射高波，近乎唔會救到。你話，挑，鬼唔知，會炒飛機咩慒炳。係喎，我唔知呀可。但計埋炒出街，射高波入波率都仲係高過低波一截。唔知係我錯覺定乜，呢兩屆大賽好似見多咗好多球員射高波。你話數據L有冇用？詳細數字，文中有。
第二圖，美股IPO。如果你上市前拎到嘅梗係好，但大家炒過美股都知，好難抽新股（雖然而家有啲公司會分畀你）。咁呢度講嘅係，第一日升幅係勁嘅，但只係嗰一浸，之後你再追嘅，絶大多數都跑輸大市。
第三圖，同你常識唔同，入指數嘅反而之後跑輸，被踢出嘅反而跑贏。點解？文中有講，但你睇舊年Tesla入指數咪知，或者睇下海底撈早排入恒指。咁你話，買指數咪好低能？因為必然會高追低沽。又好似係，但，你有更好嘅選擇？
Good Read嘅，第一篇好易估啦，點解記者懷念侵侵？因為收視保證咯。媒體唔怕人鬧，至怕冇人睇，侵侵下台後，大家啲Traffic都冇晒。
第二篇就好玩咯，冰島Dating app，等你唔好搞到表妹堂妹（原文cousin）．之但係，點解係冰島？聰明少少嘅你估到人口少，但，唔少地方人口仲少添，冰島仲有特別嘅地方。另外，有冇諗過背後咩原理？就真係冰島先做到。我就知點解啦！因為N年前我電影節睇過套冰島片，有講冰島有啲好特殊嘅東西。See？我係知埋好多古怪嘅嘢的。
第三篇，留意唔係教你搵錢或投資，係教你洗錢。都有得洗得明智啲嘅。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
