今日聯同八鄉朱凱廸 Chu Hoi Dick,去同幾位被無理解僱嘅幼稚園員工開記者會,其中有兩位代表係來自元朗都有分校嘅心怡天地國際幼稚園,佢地表示幼稚園巧立名目,用唔同理由解僱員工,企圖以呢啲理由逃避代通知金嘅補償。我地喺度要求勞工處盡快處理呢啲求助個案,協助苦主索償,另外都要求教育局介入,監察牟利而冇收政府資助嘅私立幼稚園質素同僱員聘用情況。我地亦都促請政府馬上設立失業援助金,協助因為疫情而失業嘅市民。
如果有同類嘅個案苦主,都可以聯絡我或者朱凱廸議員。我得知有唔少居民子女都喺呢間幼稚園就讀,希望各位都可以畀多啲壓力幼稚園方,反對佢地冇理解僱員工。
Search