【尋找尷尬饒舌歌手】
聽完首Rap覺得尷尬到嘔？唔好咁快走！趁住愚人節呢個咁好嘅時候，如果你自認有好嘅歌喉，但才華被屈就，咁就唔好怕醜，參加「阿德尷尬饒舌大激鬥」！
拍片或錄低你關於清潔嘅尷尬演奏，上載到 Google Drive之後，PM我將條link留一留，咁就可以同其他參賽者決鬥。
要贏呢個比賽唔需要其他理由，只要我睇完你條片之後，尷尬到氣都冇得抖，咁你就可以將以下獎品攞走：
冠軍（最尷尬）： 到清潔龍總部同清潔龍阿德本人合照一張，再加阿德完全體CD一隻（將收錄所有完整歌曲）
亞軍（僅次於冠軍的尷尬）：到清潔龍總部同清潔龍阿德本人合照一張，再加阿德成熟期CD一隻（將收錄所有歌曲，但每首歌只得頭半段）
季軍（僅次於亞軍的尷尬）：到清潔龍總部同清潔龍阿德本人合照一張，再加阿德成長期CD一隻（將收錄所有歌曲的首15秒）
唔好以為愚人節所有嘢都只係have fun，呢個比賽珍珠都冇咁真！啲禮物咁吸引，喺邊度搵？即刻參加唔好再等！
#講尷尬冇人夠我玩 #快啲upload片我揀 #快啲tag朋友一齊玩
條款及細則：
1. 參加者須以「饒舌RAP」形式創作，使用語言須以廣東話為主
2. 每位參賽者遞交影片或錄音作品的數量不限，但阿德不擔保會睇曬
3. 影片須上載至 Google Drive，再以Share link形式Facebook Message/IG DM 俾清潔龍阿德FB/IG Page；你想用其他方法upload都得，但要確保我睇到
4. 每條影片必須尷尬，而且包括清潔元素
5. 比賽到4月14日晚上23:59截止
6. 參賽者提交作品等同默認同意清潔龍阿德可剪輯、複製、使用、出版、派發參賽作品作宣傳用途，而參賽者姓名/網名經參賽者同意後可能會被展示。
7. 阿德對賽果和其他比賽細節保留最終決定權。
