最近 #Netflix 㩒黎㩒去都冇野想睇，反而 #youtube 仲多野睇，碌碌下睇到果籽訪問個24歳的年青人創業，竟然係去做家居回收！
如果有睇我早期的分享，我曾經講過係多年前己經知道大家見到的三色回收筒，大家辛辛苦苦放入去的膠樽鐵罐最後去左邊？真係去左回收嗎？有保安叔叔話原來最後係去左垃圾桶！係咪好無奈？
呢個年青人同我一樣知道呢個問題存在，身體力行搵解決辦法，決定創業的the loops 家居回收計劃！
其實最理想當然係源頭減廢，但係我地生活中真係好難避免完全唔用塑膠，最簡單例子，好似我想係超市買盒雞蛋，除左美國出產的雞蛋係用紙皮盒裝之外，其他國家無論日本泰國韓國雞蛋都係用塑膠盒裝住，買盒雞蛋就唔小心製造左一舊塑膠垃圾！
所以回收真係好重要！我地只係缺少中間的一個橋樑，將我地的塑膠垃圾交去可靠的回收商！The loops就做左呢個橋樑！
只要跟佢指示處理好要回收的物品，放係佢地提供的掛藍，每星期佢地就會黎屋企收取一次，一個月黎四次，月費都只係一杯珍珠奶茶的價錢！
你可能會話，下！要比錢去掉垃圾？
其實嗰啲唔係垃圾！係可以回收重用架！大家都知塑膠物品要幾多年先分解到！用完就掉好容易，但係對環境地球的禍害卻很深遠！可以的話我地宜家做多少少，希望可以盡量減低對下一代的影響！
佢地暫時只提供服務比將軍澳及西貢區，希望更多人支持佢地，可以擴闊服務更多地區！
去睇片了解下啦！https://youtu.be/CXr1Rcbyagw
比個like The Loops 家居回收 支持佢地💪🏼💪🏼💪🏼
btw 我最近先知原來youtube上的 #果籽 係🍎副刊！超多野睇😍我決定每次都會睇哂d 廣告💪🏼
#家居回收 #theloops
#欣賞呢位年青人
#將軍澳西貢街坊支持下啦
#一杯珍奶價錢
#快d開黎南區啦
#救救地球 #廢物回收
