《電飯鍋懶人食譜 - 廣島蠔菇菇飯》😋
星期一至六返工咁攰，我每逢週末都會去食「好西」，氹下自己開心～食多咗咪第二日食少啲light啲囉，飲食習慣最緊要有彈性，識得「拉上補下」😋
咁有咩餸菜係light啲健康啲？同大家分享一個零技巧零失敗嘅懶人飯啦！
用10分鐘準備好，放入電飯煲煮，就搞掂啦！廣島蠔啖啖肉，鮮甜好味～而且飯粒完全吸收廣島蠔的鮮味同日式醬油味，啖啖都好滿足🤤🤤 我自己好鍾意食蠔，因為又低卡又有營養！每100克蠔（約3隻）只有68卡，同一隻雞蛋（70卡）差唔多咋！咁食三隻蠔梗係滋味好多啦～
而且蠔有豐富鋅質，可以增強免疫力，更幫助皮膚傷口恢復、減少發炎生痘痘添！個飯又健康又易煮，大家都快啲試吓啦❤
材料(2人份)：
廣島蠔 8隻（約240克）
大蔥 （切段）半條
本菇 （洗淨）2碗
米 1杯 (米量杯)
調味料：
清酒 3湯匙
味醂 2湯匙
鰹魚粉 1茶匙
日本醬油 1湯匙
薑蓉 1茶匙
水 2/3 碗
做法：
1. 將急凍廣島蠔解凍，輕力洗淨，瀝乾。
2. 在鍋中加入所有調味料和大蔥段，煮3分鐘。
3. 輕力加入廣島蠔，開中火，煮至稍為縮細，至5成熟，約 1分鐘，即停火。（見圖）
4. 將廣島蠔拿起，備用。
5. 在電飯煲中加入一杯白米，洗米後，加入醬汁和大蔥，再放上本菇。本菇會出水，所以要比平時的水量減少兩成。(可視乎電飯煲內的建議水量再調節）按掣將米飯煮熟。
6. 當電飯鍋開始冒煙，開電飯鍋蓋，將蠔放置在飯的上面，再煮5分鐘，至蠔熟透，焗5分鐘讓白飯吸收蠔汁。開蓋，可按自己喜好加上蔥花和七味粉，即成。
換算份量（共2人份，每人份）：
3.5份五穀類 + 1 .5 份蛋白質 + 1 份蔬菜
急凍廣島蠔解凍 在 28環球食品超市- 薑蔥廣島蠔 - Facebook 的推薦與評價
大家可以試下 - 材料﹕ 廣島蠔10隻生粉適量薑4-5片蔥5-6棵（分開蔥白與綠色部分，分別切段） 蒜1瓣（去衣） 糖1茶匙鹽半茶匙生抽半湯匙老抽半 ... 急凍廣島蠔1kg裝 ... <看更多>