關於 性事傳紙仔 ，我們在網路上蒐集到這些相關的討論、資訊與評價

《被質疑的她們》
另外一位嘅訪問對象叫Ming，24歲，現時性別認同係trans pure lesbian。

喺用另一性別身分進行生活體驗之前，佢覺得自己係雙性戀者，經過一年嘅跨性別生活體驗之後，返到去香港接觸女同志嘅社群，就肯定自己係lesbian。

依家佢嘅身份得到屋企人嘅理解同埋接納，但係面對女同志社群同喺交友平台，唔多唔少會接收一啲排外嘅情緒。佢覺得自己算好好彩，因為佢個樣容易俾人覺得係女仔（又稱為 “夠pass”），幫佢避開咗歧視。Ming會喺自我介紹寫明自己係跨性別🏳️‍⚧️，遇到一啲唔睇字嘅網友，事後知道佢身份會unmatch，或者單刀直入問Ming關於性器官嘅問題。

Ming認為香港女同志社群對於跨性別女性接受度低，佢有嘗試過加入女同志嘅訊息群組，被要求錄音「證明自己係女人」，喺嗰啲群組嘅人眼中，性器官議題被放大：「有朘嘅我哋當係男人」。對於未完成、唔打算或者冇辦法做下身重置手術嘅跨性別人士嚟講，就好似背負咗一種原罪，而呢種「原罪」唔係各有各玩、一句話「唔適合你」就可以解決。

因為一句「唔適合」可能係冇緣，到處都「唔適合」會唔會係邊緣？

依家Ming同順性別女仔拍緊拖，都有唔少人喺背後質疑Ming女友「點解會同個跨性別一齊」、「你唔係話你鍾意女仔咩？點解同個男人一齊」，彷彿同跨性別女同志相處嘅Les就唔係真正Les，而呢種關係都會俾呢啲問題而受到質疑。

正值不悔之年嘅Ming，面對過呢啲說話，只能勉勵自己要活得比嗰啲人好。
因為喺佢眼中，係唔係女人，只可意會，不可言傳。

#pridelab #pridelabhk #DareToBe #連結性別 #性事傳紙仔 #馬天娜
#女同志 #lesbian #LGBTQ #同志 #香港同志 #hklgbt #sexuality #性別多元 #LesbianDayofVisibility #女同志現身日 #跨性別 #queer #transgender

《被消失的她們》
Q，自稱中年女，有過一段異性婚姻，有一個小朋友，自我認同「依家係一個Les」。

當身邊嘅朋友知道佢結束咗一段異性婚姻，依家同緊同性相處嘅時候，曾經講過：「如果你依家生活開心嘅話我都冇咩所謂，但係如果你要長遠嘅幸福，都係應該搵返個男人」

當朋友好奇Q結束婚姻嘅原因，言詞間往往強調異性同同性拍拖之間嘅因果關係：Q會被假設係因為俾男人傷害，所以「投身」同性戀呢個身分。

/// 被抹走的人生歷史：
之前Q同幾個朋友有一個「陽具同好學術研討會」，大談男女之間的性經驗。自從Q開始一段同性關係後，「會員」身分隨即消失，好似對現代男性性能力一概不知：
「我突然之間好似變咗一個冇任何感情經驗嘅人」
「自從我同咗同性一齊，我八年嘅育兒經驗都好似唔見咗」

///被質疑的未來：總是被問「點解」
受影響嘅唔止係佢本人，佢伴侶（化名P）面對自己嘅同志圈子，都會接收多一重疑問。
同志朋友會驚嘆P而家嘅對象是一名結過（異性）婚姻嘅女性。P曾經被問：「佢同過男仔一齊㗎喎，你唔驚咩？」亦都被問過「你鍾意佢（Q）啲咩啊？」彷彿同過異性相處同發展關係嘅人，俾女同志圈子蒙上一層朦朧而負面嘅印象。

///雙性戀與女同性戀者：一粒金星*嘅距離？
當你以為只有外行人先會問自己幾時喜歡同性，面對女同志圈子，Q都試過俾其他女同志問過「你幾時知道自己鍾意女仔㗎？」有過異性關係，依家同同性相處嘅佢，好似俾人發現新品種噉對待。P曾經同女同志朋友分享自己認識其他同過異性拍拖嘅女同志，得到嘅回應係一句耐人尋味嘅「你好犀利啊！」

性傾向隨著人生經歷而有所浮動，有人一開始就認定自己係雙性戀，亦都有人去到中年，甚至老年意識到自己同性傾向。不論係泛性戀、多性戀定無性戀/浪漫，同志同性/別小眾嘅現身同驕傲（pride）並唔係用嚟攻擊其他小眾嘅武器。當我哋期待社會大眾對小眾嘅尊重同埋多元對待嘅時候，有冇調返轉頭，諗個圈子對唔同小眾嘅接納程度呢？

*「金星」來自同志圈內英語用語 “goldstar lesbian”，意思係從來冇跟男性發生過關係嘅女同志，不過近年有人提議取締呢個字眼。

///
撰文：馬天娜 @mtna.sc

#pridelab #pridelabhk #DareToBe #連結性別 #性事傳紙仔 #馬天娜
#女同志 #lesbian #LGBTQ #同志 #香港同志 #hklgbt #sexuality #性別多元 #LesbianDayofVisibility #女同志現身日 #Bisexual #Pansexual #雙性戀 #雙性戀女生

4月26號嘅「女同志現身日」（Lesbian Day of Visibility）來自西班牙，目標係提升女同志社群嘅能見度，提醒大家關注「恐Les」心態背後厭女同恐同嘅意識形態，打破女同志「好憎男人」嘅刻板印象。

講起女同志現身，其實Les圈子仲有好多深層嘅張力，例如女同志圈子裡面恐跨性別同恐雙性戀嘅現象。2015年學者Sara Ahmed喺《Living a feminist life》提出重新定位女同志女性主義(Lesbian feminism)嘅理念，將女同志女性主義視作多元交織女性主義（Intersectional feminism）的一種，並且強調與跨性別同有色人種嘅重要性，帶出女同志圈子之間受壓迫嘅獨特處境同埋經驗。

依家好似多咗人講Les/sheshe生活，但係喺圈子裏面，仲有啲乜嘢人係冇辦法光明正大現身而得到同樣待遇嘅呢？今次同 @pridelabhk 合作製作呢個特輯，透過人物訪問，帶出女同志圈子內外，性/別小眾嘅複雜性。

///
撰文：馬天娜 @mtna.sc

#pridelab #pridelabhk #DareToBe #連結性別 #性事傳紙仔 #馬天娜
#女同志 #lesbian #LGBTQ #同志 #香港同志 #hklgbt #sexuality #性別多元 #LesbianDayofVisibility #女同志現身日