又係一連兩日既音樂之旅，爽啊！
非常明白尋晚可能大家都會可能覺得聲音出左D技術問題，影響左大家既心情，但係怪壇已經作左最大努力去修復，有時候突發既野真係好難好預計，我覺得大家可以放鬆D，我地作為一個嘉賓係完全明白製作單位，亦唔會怪佢地，簡單講唔通我唱錯一粒音走一粒音怪壇又走去怪我？當然對受影響既棒場觀眾講聲抱歉。😔
依家出左個聲音修復版，大家有時間既話可以聽番，其實今次都好好玩！熱血沸騰既呢.....😂好多謝幕後一班朋友，今次我鐵膽band成員，大家越夾越好，430又近一點了😂，阿中出左一題 Time is running out，其實星期三同佢講我放棄，但阿中居然同我講我得既，試下啦，突然對我咁有信心，佢傻傻地，呢首野攪到我無覺好訓，真係想 running out 啊😅，最係硬住頭皮唱啦只好。
星期五我出左招留力王，其實都唔算係好留力既，每首都好比心機唱，只係唔唱D太高難度既歌擔心影響星期六姐，FB YT同播亦慢慢開始搵到平衡，FB 亦中斷過一次，但YT就接住無斷，所以兩者各有好處，喜歡靜靜地聽下我吹水聽下歌既，可以去YT，如果想互動性大D可以去番FB，兩邊都有好有唔好，自己選擇。
有幾位一直支持我既朋友尋日可以親臨現場睇Show，非常熱情亦好好玩，我評價係可以再放D，有野即管講，唔駛講得唔好意思，好似有位自認係葉太既朋友(當然唔係事實講下笑咁解)，我好佩服佢當場講出黎，我覺得無問題啊，氣氛亦好好，大家都好開心。知道係一個娛樂就可以，舒服開心最重要。感謝你地陪我瘋癲到深夜，唔知難唔難搵車呢？
我好耐之前講過我唔鐘意分高低你我，亦盡力希望大家係抱住好玩既心情黎，我並唔係大家既心理醫生，我只係一個鐘意唱歌，希望帶比大家正能量，如果希望我可以私下安慰大家既話，對唔住我並不是適合人選，我向來性格喜歡報喜不報憂，即係我就算係病左都係我自己責任嘛，有一次我痛風發作，我都係笑去面對，照舊盡力去做好佢，當然多謝大家慰問但其實我自己都一定撐得住係咪先，所以我會以開心為首選，其實下次我會選擇唔講，咁樣應該仲好D😅😅😅
我知道你地可能因為我既直播結緣，有D仲成為好朋友，我完全唔會去干涉你地既權利，不過我希望大家玩係可以，但有兩個禁忌真係唔好出現，就係"排斥"同"妒忌"，我只需要"隨心"舒服"就可以了。
好喇，長話短說到呢度啦，我好好休息，星期五 2130見！
怪壇 在 怪壇@邁步工房 - YouTube 的推薦與評價
邁步工房製作Mind-Blowing Production Ltd presents官方直播平台Facebook : https://www.facebook.com/weirdtales2020/我們好希望好希望，以後前行嘅路上都有您您您您 ... ... <看更多>