[金基德回顧展:慾海慈航/援交天使/Samaria]實趕客,但話知佢,自己想寫
1. TLDR:你地邊個冇罪嘅,就搵石頭掟佢吧!留意「石頭」係套戲嘅重點之一。今晚大館仲有一場7:30,仲有飛賣。去睇吧,雖然網上你都搵得到足本重溫嘅。順手講埋我一路嘅核心信念:戲係要成套咁睇的,正如書係要成本咁睇,否則你永遠都學唔到嗰種神髓,呢啲嘢全部要「浸」出嚟。你去睇Youtube睇都可以15分鐘知晒啲劇情有人解埋,但點解我要走出去睇多次?我唔識用Youtube?電影,同多嘢一樣,個神韻唔係懶人包,唔係fact,唔係橋段重點,而係你要用心感受。
2. Medium版就有埋相咁咯(https://lkdin.io/3VYo)
簡介劇情
簡評
詳細分析劇情—第一幕
詳細分析劇情—第二幕
詳細分析劇情—第三幕
套戲攞獎好合理
石頭 as a metaphor
最後講講金基德
3. 是咁的,我冇工返都仲好忙,況且而家好多時三四點先起身。但為咗重睇呢套戲(以前睇過一次),我都仲係星期六爬起身,極速在樓下用3分鐘食完碟海南雞飯,然後走出去灣仔睇呢套戲。可見金基德有相當大吸引力。
4. 留意呢套戲2004年,剛剛好係佢中期嘅作品,開始成熟,亦都係呢年佢在歐洲攞獎聲名大噪。金基德未必係好計算嘅導演(邊個話商業片先要計算?),但事後睇返,你睇到好啱啲評審口味,攞獎合理之極。
5. 呢套我相信亦係佢最出名嘅兩套戲之一,另一套當然後後來嘅《聖殤》,後期作品,隱居三年後復出嘅顛峰之作,亦係好啱評審口味,但我個人鍾意呢套《慾海慈航》多好多。
6. 兩套嘅共通點,都算係雅俗共賞,唔會好難明好古怪要好多演繹.兩套都畫到出晒腸,好適合文青用嚟示範咩叫「好電影」,有啲內容嘅電影(come on,唔係荷里活商業片嗰啲”message”.
簡介劇情
7. 順手一提,我覺得劇透係冇乜問題的,即使扭橋戲或推理劇都係。「好」嘅電影唔應該只係靠一條好橋,橋段人人有,但execution先難。好多戲知咗結局我都可以睇多次,即使係扭橋戲或推理劇,你都可以睇多次導演點佈局點誤導你點畀提示你。若果只係靠最尾一下扭橋,只係低手。
8. 講返,劇情不複雜,重要人物三個講晒。女一,女二,女一老豆。亦都係一個好典型嘅三幕劇(間場出埋title添,慌死你唔明,所以套戲唔難明)。
9. 第一幕:女一女二高中生,好友(兼戀人?),想儲錢去歐洲(我懷疑《過春天》就係抄佢,但當然爭好遠),於是女二下海,女一做中介人,女二全不覺得係苦差,但留意開場冇耐女二已經意外(?)跳樓死埋。
10. 第二幕:開始「金基德毀三觀」,女一明白女二苦心,繼承佢遺志,約返啲恩客出嚟,唔收錢仲畀返錢佢地!但然後畀老豆發現咗,老豆去搵返啲嫖客出嚟,打,鬧,殺。
第三幕:當年第一次睇覺得呢部份戲味爭啲,而家睇返發現呢部份先最重要!兩父女返鄉下,拜死鬼老母,最後都係冇開口講。老豆自首,完。
簡評
11. 之前睇過金基德早期啲嘅《收件人不明/打回頭的情書》,我有講話睇到仲係幾幼嫰,太多狗血(甚至有真狗血!),枝節多。去到呢套《慾海慈航》,就真係斬走晒啲無謂嘢,冇乜邊部份係多餘嘅。正如米開蘭基羅話頭,只係將唔屬於大衞像嘅嘢拎走,呢套《慾海慈航》真係做到去蕪存菁
12. 援交電影,我睇咗嘅都幾十套,拍埋你就睇到分野。金基德做到「不落俗套」。何謂俗套?正如啲人講,十分「TVB」嘅對白同情節,唔好笑,好多荷里活片港產片都係咁。金基德唔係獵奇,唔係賣弄色情(至少呢套唔係),甚至唔係探討社會問題(至少呢套冇乜),講嘅始終係佢最擅長嘅:人性,慾望,救贖,宗教,倫理,道德。
詳細分析劇情—第一幕
13. 角色同情節設定,都係相當精彩。固然你諗真啲,有啲劇情犯駁,唔合理,只係為咗推進故事,但瑕不掩瑜。
14. 先講女二,背景資料極少,屋企人或其他嘢完全冇提。套戲講到好白,一開頭女二已經講印度傳說有個妓女叫Vasumitra(亦係第一幕嘅名),男人同佢搞完就變虔誠佛教徒。女一話,咁都得?女二話,係呀,男人搞嘢時就好似嬰兒咁,渴望母親關愛,佢話由今日開始自己就係Vasumitra。講到明晒。
15. 留意兩個女仔都係新人(低成本嘛,況且演高中生),選角做得非常好,或者話導演指引得好。你見女二,就真係一個菩薩樣,慈祥咁笑住下海,普渡眾生,十分開心。雖然之前冇性經験,但對啲嫖客十分感恩,大家一齊分享人生,佢覺得自己做緊好嘅事,又有錢收可以實現去歐遊嘅夢想,做自己鍾意做嘅嘢,不知幾開心。
16. 呢度嘅對比,就係女一。女一家庭背景我地知道,喪母,老豆做警察,點睇都係慈父唔係獸父,日日車佢返學,冇虐待冇性侵,亦唔算過度管束,屋企環境亦唔差。對女一嚟講,性係污糟嘅(佢每次都要幫女二沖涼),啲男人係仆街嘅,只係佢實現去歐洲嘅手段,佢完全唔明女二做乜可以樂在其中,同啲嫖客分享人生,甚至叫埋一齊食飯,甚至鍾意埋個嫖客。但同時間,佢又只係坐享其成做中介人,從來唔會自己落場,只係自己好友女二去畀人搞,呢度你見到女一嘅虛偽。留意下女一嘅高傲,同女二一臉慈祥嘅對比。
17. 然後劇情發展落去,雖然劇情唔多合理,但你都知女二一定要死的,否則冇戲做。女二臨死前都想見返恩客,呀女一去搵恩客,恩客仲要叫女一畀佢上埋先制(初夜添喎)!真係十分之咁仆街抵死嘅橋段。呢套戲入面啲男人真係全部都面目可憎的。
18. 但當然,女二見唔到恩客就斷咗氣,去到呢度可以十分TVB。但呢套戲就安排女二絶對係含笑而終,菩薩聖母呀喂!女一完全唔明白。
詳細分析劇情—第二幕
19. 去到第二幕,更加離奇,但金基德並冇拍到獵奇(留意啲性交易嘅場面極少)。女一原本諗住燒咗本數薄,同埋啲錢,忘記過去。但佢諗返女二慈祥嘅遺容,忽然明白咗啲乜。呢度真係絶,但又唔令你覺得突兀。
20. 於是乎,女一就由一個原本覺得性交易好低賤嘅中產女仔,變成「菩薩二號」,約返晒啲舊客出嚟,同佢地做,甚至還返錢畀佢地!嫖客就固然係「仍難盡信我是這樣地無窮好運」,但亦都有拍到啲嫖客話終生都會幫佢地祈禱。於是乎女一就慢慢體會到女二嘅「使命」,繼承女二嘅遺志,嘩,生命影響生命呀,堅!不過我個人理解,與其話女一真係變成「菩薩二號」,我覺得佢係只係為咗故友/戀人。證據?佢原本應該係諗住約返晒數薄上面嘅人,就唔再做落去。
詳細分析劇情—第三幕
21. 你以為套戲拍性交易?唔係,去到呢度已經再冇性交易場面乜滯。然後就去到第三幕,冇錯係十分TVB的,差佬老豆嘢,在對面時鐘酒店望到自己個女(唔止,後來仲要 女一掉低數薄在草地畀佢執到,但成套戲拍得好你可以原諒呢啲嘢)。
22. 當然就係又迷惘又憤怒,「天呀我做錯乜點解你要咁對我由細到大我有乜冇比你?」(幸好都未咁TVB,冇呢啲對白,都話戲劇小說第一法則:show, don’t tell).但佢始終十分愛個女,甚至冇當面踢爆(呢啲先符合東亞家庭倫理嘛),結果佢就將啲憤怒發泄在啲嫖客身上
23. 打後,就係見到佢變身正義使者,自己去執法,羞辱甚至打啲嫖客,甚至殺埋人。但你以為變成復仇電影?又唔係喎。 (呢類「你以為乜乜乜,又唔係」係金基德電影嘅特色之一,你可以話佢善於玩弄啲觀眾,其實係嘲笑啲俗套橋段)
24. 睇到呢度其實係乜?就係孤星淚(都係差佬添)。一路落去,老豆越嚟越迷失,到底自己係in what position,去判斷個女做嘅嘢啱定錯?去判斷啲嫖客啱定錯?呢個社會嘅道德係乜?自己細由到大學嘅嘢係咪錯 —呢個先係套戲嘅主題!
25. 所以,就有咗最後返鄉下嘅一幕,先係全套戲同其他俗套戲唔同嘅地方。留意並唔係返到去大家BBQ(有蕃薯!)四四六六講晒,最後大家都冇講出口。但,十分巧妙地,老豆知道個女其實已經長大,自己唔應該再指指點點,錯嘅可能係自己嘅價值觀。最後自首,獲得心靈嘅救贖。嘩。咪就係孤星淚!
套戲攞獎好合理
26. 頭先提過,套戲計算相當準確。留意返套戲2004年,互聯網大盛(但未有Facebook),「韓流」亦都成型,明顯地外國人好有興趣知韓國社會嘅嘢,何況學生妹援交係全球現象。金基德聰明在加入埋啲宗教隱喻,最後孤星淚式嘅劇情,仲有「石頭」嘅比喻(下一段講),呢啲都係歐洲評審會睇得明嘅嘢。加上套戲拍韓國女仔,但又好聰明咁冇賣弄色情或胴體,啱晒啲歐洲假道學鹹濕阿叔(我話嘅)。
石頭 as a metaphor
27. 扮文青嘅話,就必要要講「石頭」。呢個「你地邊個冇罪嘅,就搵石頭掟佢吧!」嘅比喻太明顯。另外留意,真正嘅石頭,在套戲入面至少仲出現咗三次。
28. 首先,女一老豆去阻止啲嫖客車震,就真係在遠處掟石(都話慌死你唔明!)。另外,亦有一幕見到佢原本想用石頭打死個嫖客,最後亦有一個真係咁做。
29. 但更重重要係去到尾段,神來之筆。兩父女回鄉祭亡母,中途老豆架車畀石頭頂住,開唔到車,搞唔掂,索性瞓著(冇錯,唔多合理嘅情節)。點知個女自己落車去搞,移開咗啲石頭。老豆醒返,發現,得喎,開到車了。正係呢幕,就係交代「個女已經畀你想像中懂事,你唔好再阻住地球轉」
30. 然後去到最後,以車為喻,老豆教個女開車,亦都係用畫好嘅石頭(!)舖條路畀佢開。亦都慌死你唔明,一語雙關講到白:「之後嘅路就你自己走落去啦」,然後去咗自首。遠處嘅女一想開車過嚟,但又畀泥阻住,但大家知道,個喻意就係以後嘅落佢自己走落去。
最後講講金基德
31. 最後講一講金基德,因為我都唔打算再寫多篇《聖殤》。點講呢?正如我舊文寫,金基德亦係屬於好「型」嘅嗰種創作者,係一個「作者風格」好強嘅導演,或者話,有嗰種「以文章做為戰鬥武器」嘅精神。即係你可以好討厭佢,但你好難忽視佢在。
32. 金基德此人,就已經係一個傳奇。相信都唔少人知,首先佢冇乜點讀過書,甚至係初中都未讀完,亦係真正嘅窮人家庭出身。所以你見其實佢拍好多低下階層嘅嘢(但呢套冇),亦都拍工業,拍宗教,全部係佢成長嘅寫照(所以《聖殤》係佢代表作,三樣有齊)。我亦都肯定,佢影響咗無數後來嘅導演。
33. 金基德嘅電影,真係「作者風」,就係賣佢一個,探討人性。後期啲戲有啲有明星,但反而有明星嘅戲唔得。佢都係要玩育成,演員任佢舞先得。
34. 除咗主題,佢嘅戲仲有一個好大嘅特色:平,同埋快。度劇本可能耐,但拍係極快,早年試過一日(!)拍完。即使係拎獎無數嘅《聖殤》,都係十日搞掂,聽聞用咗七十萬港紙咋。留意拍《聖殤》時佢已經係國際名導,大把資源,但都係咁搞掂,你嗰啲日夜話冇資源冇時間冇錢嘅,真係應該慚愧。拍戲係可以好平嘅。
35. 最後,少不免講佢嘅私德。咁其實都死撚埋,你鍾意咪去拉脫維亞或者韓國堀佢出嚟鞭屍。不過在我嚟講呢個不值得討論,我認為作品成就同個人,係完全分開嘅。頂多你可以話佢完全侮辱咗「大師」呢兩個字,但不能影響你對佢作品嘅評價。照計好簡單嘅邏輯啫,你未知佢啲衰嘢時,明明就話啲戲好好睇。咁點可能到你知咗佢啲嘢,就變得唔好睇?
36. 有朋友仲講笑,話會唔會會場有一大班女權L示威。事實?我見到好多青春少艾睇,幾靚的說。
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
怪我咯小說 在 Facebook 的最讚貼文
[Keep your friends close, and your enemies closer] 留意時間。台蘋唔出紙版,東方報得仲快過蘋果自己!果然日夜mon 實。你的敵人比你更了解你!
TLDR:媒體撚人包。其實邊有得做?紙媒冇人睇事少,但網媒嘅記者一樣會走佬。Why join the Navy when you can be pirate?
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
1. 又,我在香港每日買三份實體報紙(不包括蘋果,但有網上訂)。在台灣都係同一習慣:分別係 台灣蘋果,聯合報,中國時報(請屌)
2. 台蘋賣到20蚊台幣,台灣人叫晒救命。但你諗下香港報紙賣10蚊,而兩地人工差距往往唔止一個開(雖然有時不能咁計啦,你去台灣「喝茶」唔會香港一半價錢)。況且,台灣報紙少好多嘢睇,香港報紙厚好多。而反正後來蘋果有 凍新聞 有埋啲鹹濕示意圖(圖or 老母嗰啲), 台灣人都好受落的。
3. 反而你聯合報 中國時報10蚊台幣一份,我就只係見過阿叔會買,同埋我(都係阿叔)
4. 咁反正大家都知,報紙靠賣紙就死得,印一份蝕一份,都係靠廣告。所以又難怪台灣報紙少嘢睇。
5. 咁講完量,我地最好唔好講質添。蘋果aside,台灣報紙啲質素真係得啖笑。直接啲講,啲記者質素真係笑能死人。相比之下香港啲記者真係十分專業。
6. 咁我唔怕開名,我仲做台灣公司時,有一劑我阿頭(台灣佬)彈咗個台灣經濟日報女記者嚟訪問我。咁當然係唔靚嘅阿嬋啦,唔使咁多性幻想。咁但,唏,訪問嘛唔係叫你去夜總會選妃,尊重下人地專業好。 好呀,睇下有幾撚專業?
7. 佢問埋啲嘢低能,算數。夾硬將自己啲話迫落我度要我認同(我諗起《三國無双》嘅林雪:「你同唔同意?」)。好正常。但我最不能忍受嘅係,佢老味佢拎個Excel 叫我幫佢填(即係你報紙會見到,由美術出嗰啲圖,例如咩內銀業績比較,香港樓價每月轉變之類嗰啲)。
8. 我十分婉轉地,轉達個意思畀佢:仆你個街,我出埋你份糧丫不如(雖然我都唔多恨)。
9. 咁呀台嬸都好婉轉咁(唏台灣人嘛,台灣最美的風景便是人)話我知,唏,唔填咪唔填咯,唔使咁惡,香港人真係冇禮貌。
10. 其實由第一分鐘我都唔想理佢,但老細踢落嚟,我又唔知會唔會係老細啲情婦之類。但心諗老細都讀過下書 又四四正正,應該啲品味冇咁差。於是直接同老細講,喂,個阿嬋廢架喎。咁老細都至少表面支持我,仲email串咗個阿嬋幾句。「會唔會返摩鐵跪坡璃我就唔知啦」
11. 事實,以上現象人人皆知,死症,你推我我推你。但總之,讀者唔肯畀錢(似乎讀者又話啲報紙垃圾),報紙根本請唔到啲正常嘅人。請到嘅,當然都係靠廣告商養。咁所以七八成嘅文都係「業配文」。而反正讀者又係照睇。而根本好多記者係自己跑埋業務跑埋廣告嘅,呃埋一大堆化妝品呀 嘢食呀 戲飛呀大有人在。
12. 咁反正讀者又冇乜所謂,新一代一早WFC,老一代都WFC。我都係當睇廣告雜誌,睇下邊度有新餐廳咁。或者同時睇下啲台灣人嘅各式怪論。最Q記得嗰時體育版真係日撚日都係兩版甚至四版林書豪。係每一日,every 北京 single day.就算佢冇波打甚至傷咗,都有其他花邊新聞。由佢老母到佢老校,乜都有得講。
13. Anyway,都係必然之路了。其實蘋果(一仔 in general)已經好勁,好似有百幾兩百萬付費訂戶。想話你知,國際上都冇幾多份報紙有咁數量,Financial Times都得100萬人咋!咩Economist 嗰啲 50萬人左右。New York Times咪有700萬人咯,但人地仲平過蘋果。
14. 全部面對嘅問題,唔止係咩紙媒已死(樓上嘅都全部變晒網上科水訂)。而係,你稍為有啲食力嘅記者,自己楝支旗開檔,自媒體算數啦。真的,一大堆都搞SubStack 搞 Patreon。讀者係睇篇文嘛,唔係睇你New York Times個嘜頭。人人自媒體,碎片化啦,分眾傳媒
15. 我係記者做得好做得幾年有人脈嘅,使乜靠你份糧?自己搞個Newsletter啦.仲要聽你班中文打字都唔識嘅冷氣房老屎忽教我點點點 然後自己出去飯局應酬指點江山?
16. 你以前媒體嘅玩法,綑縛嘛。你問老啲嘅傳媒人都知,專欄副刊,甚至再以前金庸寫武俠小說,可以賣好多紙。問題係,我明明就買明報睇 陶傑 伊沙貝,以前就屈你睇埋林燕妮張小嫻, 而家我直接課金畀陶傑咪得 (當然又會令個社會更加圍爐,但後話)
17. 我個Patreon都類似係Newsletter,基本上人人都知,係想學/抄 Matt Levine嘅,當然我唔係記者。
18. 有機會寫(但N咁多篇文我都冇寫),Substack而家直頭玩到唔止Newsletter,直頭做Sections(https://bityl.co/6q2s). 即係我成份嘢上又得,你散叫亦得。我搞個小企鵝出版同盟,叫利世民 嚟寫政治經濟,叫高山道 嚟寫體育,叫尹思哲 嚟寫Start Up,然後叫我寫….. 「是但啦」。一樣得。唔使輪流寫喎,又唔係Patreon bundling一齊寫。而係任你全餐或散叫都得。喂,咁即係直頭等於自己搞一份報紙啦喎! 你諗下以前係幾咁難?而家?真係一晚就搞到。「而呢個正係我一路叫利世民搞嘅嘢」「佢之前都搞過啲類似嘅嘢,行得太早,而家Substack幾個掣搞掂啦」
19. 都係有啲廢,但成日講啲乜tech 物tech,好多行業同十年廿年前仲係差不多。反而媒體先係轉得最勁嘅。
20. 而我話你知,好多人係Substack都未撚聽過。網友至撚醒。
21. 係呀,離晒題呀。但唔係咁嘅題點呃到你入嚟?我出篇文寫「媒體生態分析」你會唔會入嚟睇?點解媒體變標題黨?因為讀者鍾意咯。咁當然我唔係特登嘅,我都唔係咁計算嘅人,但寫下寫下,咪自然去咗第樣嘢。
22. Last but not least,in case 有人問,背景當然係小朋友相。但唔係我嘅小朋友。朋友嘅相啫。而我電話係off notification的,人生美滿之路。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
怪我咯小說 在 Facebook 的最佳解答
[音無響子](*)又一個欣榮花園商場。唔怪得張栢芝都變張百知。我頓時覺得小米改Logo好有誠意好大分別!
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
耶L勿睇,費事你覺得好冒犯。咁亦可能,係我會寫錯嘅,有幾出奇?
TLDR:Aberdeen改名,變做Abrdn.點讀?「就係讀Aberdeen」
1. 繼福士汽車Volkswagen話改名做Voltswagen以突顯自己專注電動車後,估唔到英國人都咁幽默。今次Abrdn話係趕上新時代,個名潮好多喎,係咪好潮先!
2. 不過福士係愚人節玩嘢,而唔好笑,亦提早外泄咗,Abrdn就唔係講笑啦。
3. 官方真係咁講架:The new Abrdn name (pronounced "Aberdeen") will be part of a modern, agile, digitally-enabled brand that will also be used for all the Company's client-facing businesses globally.
4. 又,係咪潮啲?雖然近年唔少樂隊都改啲冇響音嘅名(https://bityl.co/6Yvv),但我覺得係復古。點古?希伯來化!耶L化!
5. 憑我細個返主日學有限嘅耶L知識(好出奇?我返過基督徒團契添,主要因為有個好大胸嘅師姐。願主赦免我),神的名字叫乜先?叫「耶和華」嘛(你可以叫「雅威」,但我諗起艾威)。但耶和華英文係乜?Jehovah?好似話唔多準,其實都冇乜人知,都有好多寫法。大佬,耶穌又會講英文啦?
6. 咁應該好多人知,原文就係四個希伯來字母,יהוה(當然係抄維基的)。咁都話耶穌唔係講英文亦唔講意大利文亦唔講以色列文(**),所以「拉丁化」就變咗……其實任你寫,可以係IHVH,YHVH,YHWH,JHVH或JHWH(***)
7. 見唔見到個特點係乜?特點係,「都唔知點發音」,因為全部係consonant(子音),冇vowel(母音,或叫響音,AEIOU之類)。當然耶穌唔係啞嘅,以色列人猶太人都唔係啞嘅,希伯來文都有響音,但關於呢個JHVH嘅 vowel係乜,就失傳咗。
8. 亦因為,古希伯來文獻,就係全部冇響音嘅。任你質入去。
9. 既然唔係耶L,做乜又講呢啲?因為關係就大。
10. 唔係耶L,大約都聽過「聖經密碼」,暗示晒所有宇宙會發生嘅事咁喎。諾查丹馬斯或者推背圖燒餅歌或者六合彩藏寶圖啲朋友,話2020肺炎疫情都早有預言咁喎。你問我就當然係偽科學,即係好似薯仔又見到媽祖 多士又有聖母個樣咁。但反正信者恒信
11. 但我想講「聖經密碼」一個好大嘅flaw係,用古希伯來聖經,而係冇響音嘅。咁就大檸樂,因為啲響音任你填,然後你拎返嚟對現代嘅人名地名,就實可以中的。加埋啲IJ又亂咁轉,VU又任你揀
12. 仲有個插曲係,「聖經密碼」個作者,當然堅稱自己係啱,話你用第本書搵唔到呢啲嘢,仲話「你拎本無比敵Moby Dick搵到有呢啲訊息我就話你叻」。都唔好講話古希伯來文呢啲嘢,好大彈性,亦應該長過Moby Dick好多(你估有Dick就長咩),但結果都係被打面:就有人搵到甘地遇刺嘅「信息」
13. 無論如何,即使係「官方」,即係教廷,都唔認可呢個「聖經密碼」。不過諗真啲好合理,「教廷即係歐洲足協咁」,佢壟斷咗個解釋權嘛。其他當然係異端—咁即係,你唔鍾意嘅宗教咪邪教,未奪權成功嘅咪係異端。
14. 又,如果埃汾要走響音,就變咗….N。我是N仔。
15. 由金融講到相聚一刻講到希伯來文馬榮成史匹堡葉芳華,證明我都係狐狸唔係刺猬,a fox knows many things, but a hedgehog knows one big thing
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
(*)其實原本個題想叫做「狂野三千響」,但應該冇乜人睇過套戲。巧震憾的說,特別係結局一幕,自己上網搵。又,當時葉芳華巧正的說。
(**)以色列講咩文?講希伯來文咯。咁巴西講咩文?睇片咪知(https://ytube.io/3HDF)
(***)呢個係「Indiana Jones and the Last Crusade」(聖戰奇兵)嘅一個機關(https://ytube.io/3HDI),四十歳以上嘅多數睇過。跟隨神嘅腳步,呀夏里遜福就係後生仔未夠爐火純青,諗住Jehovah,踩咗落去J度,幾乎跌死。都係老豆辛康納利醒,即使係拉丁文,都唔會有J!後來「風雲」嘅小說版照抄呢條橋,變咗步驚雲踩般若波羅蜜多心經
怪我咯小說 在 《怪我咯》拾肆童晓- 言情小说】_晋江文学城 的相關結果
章节 标题 字数 更新时间
1 第一章 1824 2017‑03‑07 11:00:00
2 第二章 3487 2017‑03‑07 13:00:00
3 第三章 3260 2017‑03‑08 19:00:00 ... <看更多>
怪我咯小說 在 全都怪我咯全部小说作品 - 起点中文 的相關結果
起点中文网提供全都怪我咯好看的书, 全都怪我咯最新小说作品,全都怪我咯全部小说作品,有事不过五,在线阅读,更多精彩小说尽在起点中文网。 ... <看更多>
怪我咯小說 在 怪我咯 - 半夏小說 的相關結果
怪我咯 最新章節由拾肆童曉創作,《怪我咯》情節跌宕起伏、扣人心弦,是一本情節與文筆俱佳的網游科幻小說,半夏小說(BanXia.co)免費提供怪我咯最新 ... ... <看更多>