[負油價後,期油回歸正常]有讀者要求講下油價,就寫篇文講下「負油價」前世今生。今次導讀唔打咁長了(*)。明報全文亦在本post最尾有
明報原文:https://bit.ly/3eJmQGw
1. 「負油價」,不經不覺就3個月。呢單嘢真係睇到懷疑人生,改寫三觀。即係,失業率破晒紀錄,聯儲局極速減息,股市食瀉藥咁,都係史無前列—但呢啲係數字上嘅紀錄啫。但「負油價」唔同!係真係好多人認知以外嘅事!
2. 市場上嘅原因,好多人解過,速速快解:就係因為,原油唔同股票,唔係一張紙,亦唔係黃金咁放入保險箱就得。原油平過水(其實一直都係,如果拎樽裝水比),要好多位儲,仲要唔可以就咁放在公司。(有人試過,唔成功,唔好試)。咁,當其時,全球封晒城,冇人開車,工廠停工,咁多油,邊度放?放到嘅位都滿晒,有人發現唔對路,到時點交收?索性快手貼錢都送走啲嘢,唔好搞到自己一褲係。輸幾十蚊好過自己拎住啲油唔知放去邊。就有咁嘅東西。
3. 但,賭馬賭波都知,賭嘅其實唔係波同馬,係人。金融市場有時都係,特別係期貨呢啲zero sum game,本身不創造價值(**)。
4. 有冇諗一個問題,點解4月20號先爆壇咁嘅嘢?你睇返,差不多全世界所有股票指數,都係3月狂瀉,但3月尾已經見底。打後一個月,彈返一成幾兩成幾不等。睇任何量度,都過咗最危險最恐懼嘅時刻,點解4月20號先爆單「負油價」?
5. 正係因為,人人都撞入去。睇下美國隻USO,曾經全球最大期油ETF。而家冇乜人睇,當時炒到如痴如醉。3月之前,一日幾千萬美金流入。去到4月?去到6億都有!人人撞入去。咁之後就音樂停,派對結束,走火警,人踩人,踩死好多人。打後你估下資金流入係幾多?差不多係零。
6. 好多資產在波動市中都係咁(當然事後睇就易),人人搶入去,然後去到一下爆煲,最高追或者最重槓杆嘅即時狂打靶,不問價咁要狂沽,人踩人。嘔到呢啲人抬晒離場,就見底反彈。
7. 真喎,當時有條友,早早提過「負油價」,咁梗係又變咗先知。嗰時啲人梗係再問佢,佢話見負100蚊。然後點,你見到啦?物極必反,滿地鮮血就入場。但都係頭盔,講就易,你點知你唔係最後一滴血嗰個?我成日舉嘅例:金融海嘯,以為2008年3月貝爾斯登爆煲已經滿地鮮血啦。原來係PIXAR片頭,半年後先正場嚟料
8. 無論如何,而家就定咗落嚟啦,其實對普通人嚟講,而家個時機比較好。要抬走嘅都抬走晒,但又未見成班人仆入去。定咗落嚟的。
9. 之前睇WSJ有篇文,講對抗通脹。印咗咁多銀紙,好難要人相信冇通脹。咁之前呢度都寫過,當然係叫你買金 — 但我廢事啲友又嚟曲解我,唔係叫你100萬身家就買晒金,係拎5-10%去買。咁其實,油嘅嘢,可能都係咁(但唔使10%啦)。亦都真係買,只能買ETF—再講一次,唔好諗住買桶油放在保險箱或者公司士多房。
10. WSJ篇文(https://on.wsj.com/2OJNAMz),睇返之前通脹周期,邊啲資產最可以提供保險。第一位當然係黃金。但第二呢?唔係買樓,更唔係股票債券,而係期油。
11. 「負油價」時,香港隻三星原油ETF(3175)都好多人識。咁跟油價,就梗係大跌。但,至少係冇變負數的(其實應該唔會,ETF只能變零,唔會倒嘔)。當其時亦都改變咗個轉倉策略,令到你唔使變零或負數,但當然代價係之後反彈(亦都真係發生)你就賺唔到咁多了。針無兩頭利。
12. 隻嘢之前講話再檢討策略,留意返。而家出咗公告,但斷估你都冇心機睇(https://bit.ly/2WJhghg)。簡單嚟講,相關指數轉咗。咁即係點?即係,以前呢,隻嘢就持有9月、10月及12月的WTI期貨合約。之後呢,(8月7日生效),就係持有11月、12月同出年1月的期貨合約。即係,渣得更加遠期咗。自己留意返。
(*)其實有個長版在medium(https://bit.ly/3fOeDC9)
(**)指金融上嘅價值,你可以同股票比下,例如升咗N倍嘅港交所,有人發達,冇人輸錢。至於社會價值?好多人認為做金融嘅都係冇貢獻。但我就唔明做乜有人出糧,梗係客同埋公司開善堂。
---------------------------------------------------------------------------
李聲揚:倘通脹重臨 留意期油ETF
【明報專訊】3個月前的今天(4月20日),值得紀念。當天正是大家見證了「負油價」,金融市場果然局局新,never say never。
筆者自高中開始留意金融市場,說不上是老行尊,但也經歷了亞洲金融風暴、科網狂熱、港股直通車全民皆股,金融海嘯,以及今年的疫情股災。回想今年3月、4月,聯儲局減息之狠,股市跌幅之急,失業人數的慘况,均是前所未見。但情况本身並非新鮮,震撼的只是數字。
但「負油價」則完全不同,是大多數人認知以外的事情。就連不熱心金融新聞的朋友,也探聽是否「入油有錢收」,或研究是否可以帶桶原油回辦公室儲存獲利(美國的確有人試過,但並不成功)。
市場終是人的遊戲
「負油價」起因,就是原油儲存成本較高,當時參與期貨交易的投機者,發現儲存空間已滿,根本不能交收,唯有急急腳,貼錢送走。詳細內容坊間已有討論,不在此重複。
但除了「基本因素」外,也有「人為因素」。筆者少年時跟隨前輩到馬場「交學費」,前輩提點:看的不是馬,是人。金融市場也一樣,和你交易的不是市盈率、GDP或平均線,市場最終是人的遊戲。
經濟學大師凱恩斯(John Maynard Keynes)受人尊重,不只是因為學術成就,也因為他沒有紙上談兵,十分貼地,對市場頗有心得。凱氏曾提出「選美理論」:若猜中選美冠軍有獎金,你選的不應該是你認為最漂亮的佳麗,而是你認為大家心中最漂亮的——即使你完全看不上她。
又講跑馬又講選美,筆者想說的是,留意「負油價」發生的日期。環球股市3月狂跌後,已在3月20日(又是20日!)見底。一個月後的4月20日,美股納指已反彈25%。股市已過了最恐懼的時刻,那為何還會爆出「負油價」?
答案就是和人有關。「眾地莫企」的概念,大家也明白,但知而行難。美國的USO,曾經是最大的原油ETF。3月前,每天資金淨流入才幾千萬美元。然後到4月尾,資金流入忽然劇增,一度去到6億美元,接下來派對結束,迎接大家的是「負油價」,不少人損手。猜猜之後的資金流入?基本上是零。
正是否極泰來,物極必反,記得「負油價」出現後,之前提出此瘋狂猜想的分析員,當然成了「先知」,媒體紛紛訪問。「先知」認為油價會跌至負100美元。結果油價之後反彈至約40美元水平。但投資者一朝被蛇咬,仍未見貪婪情緒出現。
無限量寬將致通脹 短期支持油價
「負油價」一役後,大家都知道香港有三星原油ETF(3175)。當時產品價格,自然是隨着油價大跌而重創。但當時發行商也改變了轉倉策略,從而避免了投資者損失全部本金。但當然,發行商也有明確指出,及後油價若反彈,投資者也不能享受短期合約的升幅。畢竟針無兩頭利。
現在既然環球市場算是穩定下來,之前不少期油的投機客也被抬離場,對普通投資者來說,反而是比較安全的時機。早前也看到《華爾街日報》的文章分析,若擔心通脹重臨,應該考慮哪種資產?黃金固然是名列前矛,但排第二的不是房地產,也不是股票和債券,而是期油。若市場擔心聯儲局無限量寬將導致通脹(機會很大),短期也是支持油價的因素。
投資投機前先了解產品
但投資投機前,當然先要了解產品。留意發行商之前提出過會檢討策略,最近再有最新公告,投資者宜細讀。詳情可以在港交所或發行商網站找到,但重點是:產品的相關指數已有轉變,從而影響持倉。調整之前,產品會持有9月、10月及12月的WTI期貨合約。調整後,則會持有11月、12月和明年1月的期貨合約。簡單來說,持有的期貨合約更為遠期,投資者要留意。
作者為證監會持牌人士,並未持有以上股票。
-------------------------------------------------------------------------
香港聯匯何去何從?新收費片已出,講足一個鐘,單次買200
想睇簡介嘅,呢度。亦有埋以前嘅片,有興趣可訂:https://bit.ly/3iYMD0F
報名嘅,呢度。今次課程編號填 CC005。唔想填信用卡亦可以FPS: https://bit.ly/3j0r9QZ
Log in 呢度:https://bit.ly/3gYXu9e
已付費嘅,log in後按最頂「按此觀看」就得。再唔係返呢度睇:https://bit.ly/3fyKbw0
仲搞唔掂嘅,睇埋下面,或者搵客服,或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾?散戶應如何應對?」
影片/課程編號:CC005
播放平台:https://homebloggerhk.com/web-class-player/
付款及收看步驟:
1/點擊報名收看 [影片/課程編號:CC005]
2/利用信用卡網上付款
3/及後有登入資料可以立即收看
查詢:whatsapp 63832145
恐懼與貪婪指數查詢 在 WealtHub睿富 Facebook 的精選貼文
【只做贏家】要置家積聚第一桶金必學!就是跟曾淵滄博士學會戰勝恐懼與貪婪的理財心法
我們一生中有不少與理財相關的大事:年輕人面對結婚、置業需要;有家庭後或更要兼顧子女教育、換樓等問題;還有移民、退休等長線部署,沒有適當的投資理財計劃和方針,我們辛苦賺來的血汗錢很可能會隨波逐流,跟隨著整個市場和我們自身的貪婪、恐懼而虧蝕!http://goo.gl/8lxUpk
然而,已達到富足自由的曾淵滄博士,卻有獨門投資理財策略,可幫助大家戰勝心魔,以「曾氏通道」及「2天/19天移動平均線」等理性分析作相應部署,讓各位在長、中、短線投資都有一定贏面!其中「2天/19天移動平均線」訊號已成功預示7、8月的大跌浪,及後又成功捕捉恒生指數10月的反彈升浪,期間恒指升幅逾1500點!
就在今日開始,你也可以成為富足一生、財務獨立的自由人!毋須猶豫,這將會是改變你一生的正確決定:http://drchan1106.eventbrite.hk
曾淵滄富足自由分享會:
日期:11月6日(星期五)
時間:19:30–21:30
地點:灣仔駱克道41號東城大廈17樓(灣仔地鐵站C出口)
費用:特惠價: $ 88 (入場費)
基本價:$ 188 (入場費 + 致富秘笈乙本)
尊享價:$ 388 (入場費 + 致富秘笈乙本 + 曾氏通道網站免費體驗)
報名:http://drchan1106.eventbrite.hk
查詢電話:6737 8143 (吳小姐)
#曾淵滄 #技術分析 #投資 #理財 #財富 #股票 #樓市 #地產 #收息 #退休
恐懼與貪婪指數查詢 在 #恐懼貪婪指數查詢- YouTube 的推薦與評價
You're offline. Check your connection. Retry ... ... <看更多>
恐懼與貪婪指數查詢 在 #喬王說理財 - Explore | Facebook 的推薦與評價
不知新年有沒有人想看XDDDD… See more. 恐懼與貪婪指數如何查詢?股票新手 ... ... <看更多>
恐懼與貪婪指數查詢 在 台股貪婪指數如何查詢-在PTT/IG/網紅社群上服務品牌流行穿搭 的推薦與評價
「恐懼與貪婪指數(Fear & Greed Index)」是由CNN Money所開發的一種指數。 它根據7種不同市場指標,綜合加權計算出「恐懼與貪婪指數」,範圍介於0~100之間 ... ... <看更多>