🎉家姐農曆生日🎂+ 慶祝考到心儀中學🏫🎉
上星期收到中學取錄通知。媽媽感動到爆喊左！
（邊間唔公佈住，仲係好似發緊夢咁！註冊埋先公佈😂）
今年經歷咁多，疫情下冇晒比賽、冇證書、冇排名。仲要冇學返，日日網課，上到啲咩？
考嘅係學生嘅自律吧！
細妹都一樣冇學返，媽媽仲要帶住粒豆釘上山下海幫家姐交報名表！
大頭蝦家姐每次都甩甩漏漏，每間學校都要去2次補文件...
終於順利完成報名。三間直資、兩間自行分配。
(直資in晒3間，自行下星期先in)
直資第一份結果係後備，諗住更好果間一定凍過水之際！
🎉竟然收到取錄通知！ 🎉
簡直開心到暈，記憶中，人生第一次開心到喊！
喊到停唔到😭😭
家姐就笑到眼有淚光！ 阿女，得左喇🎉
開心嘅同時，又係擔心嘅開始。
對你嚟講，呢條路未必易行。但無論點都好，
媽咪一定會喺你背後支持你！💪🏻
媽咪最希望你讀得開心，識多啲朋友！
希望你可以擴闊眼界！
更希望你內向嘅性格變得更開朗，更樂觀！
🎂後記：
阿妹沉日知道家姐生日，煩足我2日要買蛋糕🎂
我扮唔買，佢煩到食晚飯仲話要食完落街買！
勁豪爽咁俾左$100利是錢爹地🧧！
媽咪問：點解一定要買蛋糕？
雯雯豬：因為家姐生日要買蛋糕佢先開心㗎嘛！
家姐話：如果$100可以買到16支甜筒雪糕。你想用$100買一個蛋糕？定買16個雪糕？
雯雯豬話：要買蛋糕俾家姐！
嘩！勁堅持！ 因為時間嘅關係其實爹地一早買左。
但呢2姊妹，一時糖黐豆，一時水溝油！
上一秒笑緊，下一秒為左一條朱古力裝飾爆喊！
大家明停課一年嘅媽媽，點解咁燥底未？
#祝生日快樂
#恭喜你考到心儀中學
#加油呀！
#雷囡日常
