［情人節三部曲之一］大數據，情人節，西餐廳冇你想像中咁好賺
1. 哈，結論話你知，情人節呢，餐廳冇你想像中咁賺錢。（但我肯定花店賺到笑，除咗今年）。至少美國情況係咁。
2. 留意，成篇文都係講美國。（https://bloom.bg/2uL2J9T）
3. 情人節就出名難訂位（今年除外，唔該唔好失焦），香港係，美國都係。好嘅餐廳一早訂滿。仲要係焗你食佢啲餐，冇得丫啦卡扮品味男，仲要啲餐實係好撚難食，仲要收到你貴一貴，仲要有啲仆街到要分兩輪，仲要有啲係坐到埋一埋，真係人地去邊度爆房都聽到。
4. 聖誕係咁，情人節係咁，所以好多年我已經係堅持情人節食中餐（或者返屋企煮飯仔，嗯，你懂的）—甚至係結婚前已經係咁。當然我又明白，年青人諗嘅又唔同，我都經過嗰個階段，況且亦唔係所有女都可以接受情人節去打邊爐（介紹你睇古天樂同梁詠琪嘅《戀情告急》），或者情人節去深井食燒鵝（我就試過啦，未結婚時喎）
5. 但，餐廳情人節係咪好好生意？答案唔係。甚至唔係最好生意嘅幾日。原來排到差不多第100位。即係有四份之一嘅日子更加好生意。至少美國係咁。情人節生意甚至低過 Cinco de Mayo （五月五日節）
6. 當然呢度講嘅係生意額，未計有冇將貨就價餵屎畀你食，我亦都唔知美國餐廳情人節係咪好似香港咁仆街。目測好似都係玩情人餐，但總唔會叫你限時交枱，亦唔會拍到埋一埋。
7. 咁情人節，當然都唔係好差，係好過平日，生意額多三四成。但，其實普通嘅週末或星期五，生意就已經好過情人節了。原來一般餐廳，星期六嘅生意，係成星期嘅兩成，另外星期五都大約係咁上下。
8. 明明美國餐廳都係食套餐，將貨就價，搵你笨。但點解情人節都唔係非常好生意？因為兩個原因：首先，翻枱率唔高（果然美國唔會限你交枱，我估在外國會畀人屌老母的），啲情侶依泣成晚，遲遲唔交枱（似乎冇春宵一刻直筆甩嘅問題，似乎冇乜土地問題，平時都有得扑，唔使情人節趕住）。另外，就係其實一大班人先會飲得多酒，情人節啲人唔多飲酒（相信唔多唔少都同下半場節目有關）
9. 好啦，最賺錢咩日子？原來係，母親節嘅星期六日（＊）。居然老母重要過情人？ 可能唔係，可能只係老母快快搞掂快快交枱。又或者陪老母唔怕飲多酒，反正冇下半場。第三係父親節嘅星期六。
10. 基本上，最好生意嘅50日，就全部係星期五同六—只有母親節例外（母親節係星期日呀，你個不孝子）
11. 我？我就係梗係今晚同囡囡去打邊爐。氣溶膠關注組。Contrarian，人棄我取。講真邊爐舖呢排好大劑。我雖則勢孤力弱周身冇蚊，但都係精神支持下去開嘅舖頭。You are not alone。今晚情人節就獎條畀鱆紅魚刺身畀囡囡啦（佢話好似坐監過節多個橙咁，我話，你個橙都好貴下）
12. Oh, by the way, 情人節三部曲呢三篇文，完全無關的。
（＊）不禁令我想起以下呢個bad joke:
I took a new girlfriend out for a meal the other evening.
She ordered the most expensive items on the menu, Caviar, Lobster and Champagne, I'd just about scraped up enough cash to pay for it, but I would be potless after.
I said sarcastically "Does your mother feed you like that at home"?
She replied "No, but my mothers' not expecting a blow job tonight is she"?
"Bon appetite", I replied
