近幾年去過好多地方，但去到南半球就真係第一次。感覺5月嘅秋冬天總係怪怪的。以前喺香港的五月，已久唔久熱到嗌救命。最正確嘅活動係睇戲，食飯或行街，總之要有冷氣的地方唔該。
曾經問意佬：「你哋放假有咩節目？」「冇嫁，春天行山，夏天出海灘，秋天同啲同鄉搞螢火會，冬天就去親戚屋企坐喺火爐則邊由朝食到晚囉」起初聽落我感覺自己好快就要踏入退休年齡狀況。但同佢共渡咗好幾個春夏秋冬後，我發現幾樣聽落悶到拗腳指嘅活動背後，原來唔係我想像中咁百無聊賴；更奇妙地蘊藏著共通點，就係活動嘅對象都係家人。
當然我唔係話要零朋友，零社交，只係我好欣賞意大利人對家庭觀的高質態度。
因為血緣關係成為家人，以家人身分聯繫的感情，係人類都有，放諸四海皆準。
香港屋企各人都為口奔馳而未必時常可見面係好普遍嘅一件事；縱使有時間聚，都永遠趕頭趕命。意大利人亦要揾錢開飯，就好似意佬一家，幾乎所有未退休的都出大城市或出國工作，只能間中同家人共聚。
每年踏入五月份，意佬一家最喜歡去屋企後山一望無際嘅大草原野餐。放眼望去，一堆堆牛埋頭苦幹狂食草，羊群好似電視多年前個廣告咁 咩咩 聲一隻騰去左邊後面全部跟住，如是者第一隻轉去右邊咁後面的唔洗問....”咩咩”。一片碧綠上近聽畜牧，可以話係風吹草低見牛羊。
一家人走落吉普車，揾個圓圓的石咕嚕坐低，左手擸起三文治panino, 右手舉起啤酒, “Salute”(Cheers)!
冇電話，冇notepad, 冇碌機，百分百投入傾聽，百分百生命經驗的分享，就係咁簡單！
天南地北的由朝早傾到下午，因為大家都係自己人，豪無保留地分享自己嘅生活經歷，開心嘢，瘀嘢、低能嘢。或許會傾到牙校都就甩，所以重視嘅唔係量，係質。
雖然意佬屋企都唔可以每星期見一次，但喺佢哋嘅聚會我完成感受到同家人共享時光quality與quantity之別。儘管你可每晚飯來張口日日一家人食飯，一個電視餸飯，一個似爬機多過爬飯，再唔係塞埋個airpod。咁其實呢餐飯有愧於煮嗰個，呢餐飯食飽後同喺外面餐廳食分別在於唔洗加一俾貼士，其餘的其實同搭枱沒有兩樣。
就算電話收唔到，隻腳俾蚊咬咗啖，比起可花時間百分百的投入同屋企人談天說地，過眼雲煙又有咩好怕喎？
同家人溝通唔會有捷徑，而呢個世界亦唔會有地方俾你可以無利益衝突下暢所欲言。揾到多個錢，不過原來屋企人發生咩事都不聞不問，何必呢？喺未去到自己變窮L車錢都唔夠俾嘅前提，其實係咪揾多一千幾百，比好好關心自己屋企人緊要？
老土啲講句，寸金難買寸光陰，毋庸置疑。
#意大利的五月天
#寸金難買寸光陰
#qualityvsquantity
