Search
2021/22 意甲前瞻 (EP4) - 祖雲達斯、阿特蘭大、森多利亞、熱拿亞、沙蘭力坦拿
歷時一個月，歐洲四大聯賽嘅前瞻系列終於嚟到最後一集，喺呢度衷心感謝每一位球迷嘅捧場。
咸魚白菜各有所愛，歐洲四大聯賽各有粉絲，呢個系列嘅推出係希望可以同大家做吓功課 (兼且自己都要溫故知新)，一旦大家遇上一啲未必認識咁深嘅球隊，都隨時歡迎大家睇返各隊嘅重溫，特別係每一位球員嘅定位。
嚟到意甲最後一集，亦係時間最長嘅一集，皆因好幾支球隊都有好多出出入入，例如剛剛簽入列貝利嘅沙蘭力坦拿，到底能唔能夠幫助球隊護級成功？另外，熱拿亞亦都係每年轉會窗最有睇頭嘅一支意甲球隊，恐怕季初又要適應一段時間先認得佢哋嘅球員。至於祖雲達斯喺冇咗C.朗拿度之後，情況又會係點樣，當然唔少得被某媒體形容為「意甲之恥」嘅阿特蘭大啦，哈哈！
防中維字
2021/09/09
04:17
2021/22 意甲前瞻 (EP3) - 拿玻里、拉素、費倫天拿、史柏斯亞、安玻里
適逢國家賽檔期，一啲唔多國腳級球員嘅球會正好可以利用呢段時間去盡快整合自己嘅人腳，特別係史柏斯亞。如果大家最近玩Football Manager 諗緊用咩隊的話，不妨考慮吓用佢哋，真係好過癮...另外，拿玻里同拉素近年都有啲異曲同工，今年可以入返前四嗎？另外，能夠作客贏到祖雲達斯嘅意甲球隊近年真係好罕見，但安玻里嘅方針就從來都冇變，值得一讚！
https://youtu.be/hLq81ZMS9rk
2021/22 意甲前瞻 (EP2) - 國際米蘭、維羅納、烏甸尼斯、博洛尼亞、卡利亞里
夏天轉會窗終於完結，差唔多隊隊喺最後一日都有動作，好多嘢都要從新計數。衛冕聯賽冠軍嘅國際米蘭今年由施蒙尼恩沙基接手，雖然陣式同干地執掌時大同小異，但運作就一定好唔同。至於今集呢幾隊主角，其實好多隊近年都有一個共通點，真係講到口都臭！
