《 小故事 》
陶傑說,環顧歷史文化,台北是「小希臘」、香港是「小羅馬」,並申報這是他創造的專有名詞。
我不知道是誰發明了星加坡的「小印度」、又或者九龍城的「小泰國」,星期天和大家講一段小故事,香港的雙城記:
既是「小上海」又是「小福建」- 北角。
圖片中的璇宮戲院(即皇都戲院)攝於50年代初(來源 cinematreasure.org), 堪稱北角的地標,可見當時北角十分寧靜、一片祥和(或因姓鄭的還未出世?),近年被新世界收購了,不清楚會作什麼發展,但相信會保留屋頂那個飛拱形半圓石柱,據稱是全球唯一的獨特設計。
話說一九四九年之後,大批上海人南下移居香港,其中大部分聚居北角,包括大天二杜月笙、文化人張愛玲、倪匡……等, 所以50年代北角被稱為「小上海」。
不過去到60年代,每年數以萬計福建人申請來港與家人團聚,當時(靠近天后方向)城市花園、和富大廈等仍未落成,這些福建人都聚居在電車路兩旁的僑冠大廈美輪大廈…… 小福建之名因此得來。
據聞在北角春秧街買餸,福建話比廣東話更加通行。
春秧街正是100年前(1921年 )一名福建人郭春秧所開發。
回頭說陶傑,曾經有不少讀者覺得本欄風格有時一針見血、有時刻薄搞笑,叫我小陶傑。
若然稱呼我做小魯迅或者小愛因斯坦,我當然逆來順受,陶傑 ?何德何能……
不過諗深一層,讀者叫我小陶傑可能另有含意……
李懂媽
後記:麥美娟綽號 - 小林鄭
愛因斯坦綽號 在 李懂媽 Facebook 的最佳貼文
《 愛的故事 》
我個名叫做愛炫美,係愛生事家庭孻女。
《愛氏》不嬲係一個顯赫嘅大家族,我阿哥叫愛炫富,早排去踢波唔覺意跌咗隻勞42萬, 竟然有唐唐(即係傻仔)話抵死,點解帶隻咁貴嘅錶去踢波?
佢哋唔知我大佬成個櫃桶十幾廿隻錶,最平就係呢隻地通拿,真係抵佢哋成世上唔到車。
我家姐叫愛炫奶,同王敏德個女有得揮,佢舊年畀經理人公司睇中,去咗大阪做女優,改咗個㗎仔名叫 Itoshino Nami ,愛乃娜美。
當然,愛氏家族最出名就係我叔公愛因斯坦,點解係鬼佬?你問我我問邊個?
我最鍾意唔係佢嘅廣義相對論,反而係佢嘅俠義相對論,教曉我哋行俠仗義呢家嘢,相對唔同時空都有唔同嘅詮釋。
如果劉曉波唔係生喺中國,佢就係充滿俠義精神嘅人民英雄!
至於我舅公,就真係黃腫腳不堪提,前半生係皇帝下半生係監躉,唔係講煲呔,係講愛新覺羅 · 溥儀,不過佢好似最後開咗間眼鏡鋪,生意都唔錯。
我仲有個失散咗嘅堂叔,叫做愛迪生,聽講佢好鍾意發明, 馬會嗰啲乜嘢「獨贏三揀一」、「波膽半全場」都係佢發明,好似係。
最後,一個家族裏面,梗係有啲姨媽姑姐悶到嘔,佢哋有個綽號,叫做愛回家。
李懂媽
PS. 點解冇講愛國愛港? 佢哋搵食啫,依家林鄭上任,阿爺落咗order唔好搞事,大家冇發覺,呢輪私煙周溶全部靜曬咩?
愛國呢家嘢,唔係你想愛就可以愛,要中央決定㗎!
愛因斯坦綽號 在 愛因斯坦國中小實驗教育- 學校為什麼會有霸凌? 顏士程校長... 的推薦與評價
在愛因斯坦國中國小裡,我們要求孩子間絕對不可互取綽號。因為我長期觀察:同學間互取綽號,是霸凌的根源!您孩子被取為「骯髒鬼」,他愈聽愈生氣,才會忍不住打同學, ... ... <看更多>