有少少爛尾收場...
轉自 @拖肥工廠
愛華頓降班 在 無神論者的巴別塔 Facebook 的精選貼文
https://www.patreon.com/posts/50278937
從車路士球迷角度看歐超聯爭議
由於有98年親身經歷第一次主催歐超聯成立,最終卻以歐聯改制而不了了之嘅經驗,所以今次早有預感第二次主催歐超聯係會重覆一次歷史,只係諗唔倒今鑊「球會抗爭運動」維持咗兩日就草草收場。
當然,歐超聯雖然冚檔,但仲有好多嘢值得討論。事實上呢兩日已有好多專業評論提過好多歐超聯嘅利弊,但我想用一個比較特別嘅切入點,亦即係車路士球迷角度去看待呢件事。
反對歐超聯嘅人最常針對嘅有兩點,一樣係呢堆傳統班霸為咗利潤最大化不擇手段,另一樣則係將足球競技全面國際化,會將足球嘅地緣元素、社區網絡完全剝離。
咁首先我要講,作為海外球迷,我對於車路士本身嘅社區聯繫嘅認同感一向薄弱──呢個真係無辦法,首先我唔係倫敦人,認識車路士更係由衛星電視轉播、互聯網開始,所以就算有日球隊搬離富咸區,相信我都唔會好似當地人一樣憤怒。我會對車路士球會嘅一啲歷史感到興趣,例如對阿仙奴、熱刺同列斯聯嘅仇視,但相比起黎我更討厭嘅卻係曼聯同利物浦。
另外好重要,亦都令我感情複雜嘅一點就係,車路士就係「金錢足球」最初嘅得益者。其實好耐以前我曾經追捧過愛華頓同熱刺,但真正令我成為車路士球迷嘅契機,卻係由Ken Bates大灑金錢開始。由引入古烈治、維埃里、蘇拿、迪馬迪奧,車路士係英超透過大舉引入國際球星,將過往果種英式球風完全掃除,改成強調組織性嘅歐陸踢法之餘,粒粒皆星更令技術水平大大提高,嘗心悅目。
日後Ken Bates因為投資地產失敗陷入經營困難,油王阿巴莫域治入主,更響短短兩年間組成奢華組合奪取英超,如果我今時今日走去同你講「金錢不是一切」、「追逐利潤令足球死亡」,就實在太偽善鳥。
好多人對歐超聯嘅憂慮,老實講我並唔太擔心:例如話無咗升降班制度令到球賽失去競爭性真係Bull Shit,自從球會收入大增後,歐超聯呢Big12對上一次嘅降班紀錄係幾時?至於批評呢種無升降制度嘅封閉式聯賽,必須依靠選秀制度去保持平衡,我覺得歐超聯十劃都未有一撇,到真係成事,其實有一百種方法可以平衡彼此間實力,只係呢班班主願唔願意做而已。
唯一可以肯定嘅係,歐超聯要實行球員薪酬以至轉會費封頂,係一定會比歐洲足協容易,因為無咗失去歐聯資格嘅恐懼,球會間一定更願意達成財政上嘅共識以避免惡性競爭。
作為被歐洲足協恐嚇懲罰過唔止一次嘅車路士,對一眾足協嘅反抗亦唔係單單因為金錢問題咁簡單。例如而家球隊要求減少賽事令球員多啲休息時間,偏偏歐聯改制就要增加賽事;因應賽績壓力要收購多啲球員應付唔同戰線,偏偏UEFA同FIFA就成日響外借球員、國際球員配額諸多限制,甚至連轉會費多寡都要限制埋──但偏偏呢個主持公道嘅兩大足協,本身卻充滿住保守、腐朽同官僚主義,透過成立歐超聯去警惕一下佢地,未嘗唔係一件好事。
所以對住我呢個車路士球迷,真係唔好講乜嘢「金錢破壞足球競技」,掉番轉,今時今日嘅足球世界多姿多采,正正係資本主義市場推動嘅結果;亦唔好話歐超聯破壞各地聯賽,我反而覺得如果歐超聯真係成功將各地聯賽班霸獨立出黎,係會令本地二三線球隊更容易出頭。今時今日成日講「破壞性創新」,就係要先破後立。
有人話歐超聯勢必令賽事運作美國化,亦即係好似NBA、NFL咁將啲規則改到鬼五馬六:但問題NFL你都可以話得美國搞嘅美式足球聯賽值得一睇(雖則我無乜聽人對NFL有投訴,MLB問題反而大啲),但係NBA你覺得唔好睇,咪走去睇歐洲籃球聯賽囉(我又識得唔少人真係轉咗睇歐聯)。
不過好諷刺地,最終車路士竟然係歐超聯入面加入得最不情不願嘅,同時亦係最早退出嘅球隊之一。原因好簡單,油王阿巴莫域治買車,從來為名多過為利,歐超聯強調分紅比歐聯更多,但卻遠遠不及佢作為班主受到球迷同社區愛戴嘅名聲。
有人分析話經此一役,一眾班霸球會響足壇嘅話語權將會大大下降,但我唔係咁睇,反而認為只係星火燎原嘅開始。第一次歐超聯收皮,都係由於歐聯改制上面從善如流作出讓步;但假若平時蝦蝦霸霸慣嘅足總、UEFA、FIFA如果仍然一意孤行,發起第三次歐超聯終有一日會出現。
愛華頓降班 在 球迷世界 Facebook 的精選貼文
還有機會再戰英超?
轉自 @小球僮新聞報道
==============================
球迷世界開返IG 喇,follow返我哋啦~~
https://www.instagram.com/footballfanshk/
愛華頓降班 在 利物浦主場打比戰擊敗愛華頓- 高普神調動奠勝X 奧歷治幸運 ... 的推薦與評價
![影片讀取中](/images/youtube.png)
星期日晚11點半迎來默西塞特郡打比,利物浦主場迎戰 愛華頓 ,大家可能預期一場火藥味濃但不太難取勝的比賽,但結果上半場的發展令利迷頗為失望。 ... <看更多>
愛華頓降班 在 足球快報球迷分享谷| 如果愛華頓降班, 殺人福係咪英格蘭歷史第一個 ... 的推薦與評價
如果愛華頓降班, 殺人福係咪英格蘭歷史第一個踢次級聯賽既正選門將?? ... <看更多>