【📚2018書展新書速遞📚】
今年頭半年少左同大家分享食譜，其實我唔係偷懶無煮嘢食啊，反而煮得仲多仲瘋狂😆😆有一個月我係煮到暈左嗰隻～
因為呢👉🏻👈🏻
懷住興奮又勁緊張既心情同大家宣布
我第三本的個人食譜書即將出世啦～～👶🏻📖🎉🥂!!!
今次新書係第二本食譜書《重口味大餐》延續，編輯姐姐話我係重口味教主喎😂😂，所以要黎個重口味part 2，仲要環遊全世界嗰隻，為大家帶來不同層次的味覺享受及味蕾刺激！
主題係辣辣辣辣辣🌶🌶🌶🌶🌶！！！
第三個寶貝取名為《香辣大餐》
(照唱eason首”重口味”🎤🎶🎶🎶😆)
見到個辣字，初初我都拗底架，因為我只係食開小至中辣，大辣我仲未敢高攀。但其實辣都有好多唔同既層次，今次為大家搜羅我至愛的小中大辣非常惹味的環球食譜，超過9成都係全新食譜，絕對要買一本收藏架😁😁（再買一本跟著煮）
新書精彩賣點:
✔️集齊所有又辣又惹味又勁邪惡嘅簡易食譜
餐廳水準屋企新手都煮到
✈️辣味環遊全世界
小辣過下癮又得，大辣食到噴火又得，每餐都係食到lam lam脷既香辣大餐
🌶中式麻酸辣：
盡攬經典川菜，川味烤魚鍋、重慶酸辣粉、四川麻辣燙、酸菜魚，愈辣愈過癮
🍛日韓甜辣：
滑滑咖喱蛋包飯、韓式辣蜆豆腐鍋、韓式甜辣炸雞，盡試旅行當地佳餚
🍲東南亞香辣：
祕製娘惹海鮮叻沙 、巴東牛肉、新加坡黑胡椒炒蟹，食盡星馬泰香料菜
🐷港式地道辣：
香口大牌檔菜式，麻辣陳皮魚蛋，輕鬆自家煮
🍷歐美異國巴辣：
宴客菜小食主菜首選，水牛城雞翼、美式辣龍蝦包，滋味滿分
之前大家見我每日同香料談戀愛，就係為左呢本新書，每日日以繼夜試驗，真係一個超大既挑戰。在芸芸眾多的香料中，不斷反覆試味，浄係環球香料醬料都買左近百種，乾辣椒又買左十幾種，由小米椒到斷魂變態辣椒🌶️都有，而大辣既菜式，我冒死親自試味，又搵食得勁辣既朋友俾意見，雖然辣到我衝上雲霄又彈番地面，但試味呢一環對我就好重要，製作非常認真架～～
而我最最最滿意既自製喇沙湯底配方，亦會響新書刊登(不好意思讓大家久等了🙇🏻♀️)用心做一碗好味的叻沙，左試右試，直到成功滿意的一刻，吃既時候真係感動到流淚架😭😭😭😭我真係喊左出黎～
每出一本書，我都係好認真好緊張，要求好高好高。由器具鍋具餐具餐桌佈置都花過一番心思，每一張相片製作都好嚴謹，閉關試食譜試到天昏地暗，只希望將最好的食譜帶給大家，我就心滿意足了。
希望你們感受到這本書的用心💕
愛辣朋友必買之新書！🌶🌶🌶
誠意推薦😌
#新書今年灣仔書展首度登場
#下星期三書展開幕啦仲有幾日咋
#大眾書局攤位1C至D02
#寶貝未到手心情好緊張朝思暮想
#先睹為快分享手機影既美食相
#新書美食相再靚一萬倍
#老土說話總要講記得多多支持小妹及新書
#約定大家書展見
#愛辣不愛辣你值得擁有
#食小辣或小小辣都有好多美味選擇
#同我一齊惹味重口味到底
#新書推介
#香辣大餐
#書展新書
#書展2018
=========================
#香港書展2018：
日期：2018年7月18至24日 (下星期三至星期二)
地點：灣仔會展
愛辣不愛辣你值得擁有 在 我的產品好不好用看我的客人一次購買的量就知道 ... 的推薦與評價
果然聰明的美女懂我的用心良苦 馬上從7900Vip升級2萬9一次買起來自用 好用的東西才值得分享 #愛閃耀植萃抗老專家 讓你擁有好肌膚逆齡❤️. ... <看更多>