【阿公講鬼】《辦公室女廁有鬼！》
（（（無恐怖圖）））
＊＊下半部分有繁中華語＊＊
＊＊下半部分有繁中華語＊＊
有一個地方，或者比荒廢嘅大屋，甚至比墳場更多靈體。
呢個地方就係辦公室。
一來因為辦公室怨氣好重，問心，有幾多員工返工時會散發正能量？怨氣日積月累，變成比陰宅更重怨氣嘅地方，靈體就會喺晚上出現，吸食呢啲怨氣。
而且很多商業大廈一到咗夜晚，幾乎人影絕跡，加上最近疫情關係，部分公司採取在家工作嘅政策，到咗夜晚就剩返幾個被老闆壓榨嘅可憐蟲。
呢次故事主角Stella，就係這類可憐蟲之一。
晚上八點，公司只剩返佢同另一個同事，Stella仲有兩星期就放產假，老闆決定用盡最後嘅時光奴役佢。
幾經辛苦，終於將眼前嘅工作完成，Stella吐一口濁氣，從座位企起身，同事聽到椅子移動嘅聲音，回頭問：
「咦？！妳走得喇？」同事問。
「我去個洗手間就走喇…」Stella
「咁我都走喇。」同事動作急促拎起手袋，把電腦關掉：「呢度夜晚有好多怪事發生，有一晚我加班，一直都聽到有打字聲同點滑鼠聲，起初我以為有其他同事加班，但當我準備走嗰時，發現全間公司得返我一個，我嚇到即刻九秒九跑出公司。」
「哈哈，係咪你聽錯自己嘅打字聲啊？」Stella聽完之後一笑置之，走入洗手間。
公司洗手間總共有五個洗手盆，四個廁格，Stella一打開門，就見到離門口最遠嘅水龍頭打開咗，發出沙沙沙嘅流水聲。
水龍頭係感應式開關，但全部廁格都無人，亦無可能有人打開水喉然後離開，Stella 頭先行入洗手間都無遇到其他同事。
Stella急步走入最近門口嘅廁格，正當佢閂埋門，外面嘅流水聲消失咗，可能係故障啩？
Stella如廁時唔敢左右張望，完事後慢慢打開門，見到水龍頭已經恢復正常。
保險起見，佢選擇最近門口嘅水龍頭，諗住洗完手即刻離開，成個洗手嘅過程佢都唔敢抬起頭望鏡子。
『沙沙沙』
就喺呢個時候，佢再次聽到流水聲，Stella心裏一凜，下意識望過去，離佢最遠嗰個水龍頭再次打開咗…
不過呢一次，水龍頭好快又關上。一定係故障、一定係故障！佢心裏默唸。
『沙沙沙沙沙』
下一瞬間，第二個水龍頭打開！Stella倒抽一口涼氣。
緊接著，第三個水龍頭打開，連最近佢嘅第四個水龍頭都打開埋…
如果公司女廁真係有鬼，就表示佢而家企咗Stella旁邊，呢刻佢嚇到全身僵硬，牙齒顫抖得發響。
幾秒之後，所有水龍頭都停止流動。
突然，佢感覺到一隻濕淋淋嘅手，搭住佢膊頭。
Stella抬起頭望向面前塊鏡，見到一個女人企喺佢背後，雙手搭住咗佢膊頭。
驚嚇到極點嘅佢一邊尖叫一邊跑出廁所，公司所有同事都離開咗，佢嚇到喊咗出黎，慌忙拎起手袋奔跑離開公司。
事後，Stella將呢件事話畀丈夫聽，由於孕婦情緒比較唔穩定，同丈夫商量過之後，決定提早兩星期放產假。
兩星期後，Stella亦喺預產期內安全地誕下嬰兒，本來以為離開公司就平安無事，估唔到，恐怖嘅事並無停止到。
初生嬰兒最令人頭痛嘅，就係每隔幾個鐘就需要餵奶，Stella夫妻半夜實行輪班制，但由於丈夫需要早起上班，好多時都係Stella起身去餵。
某一晚半夜，丈夫聽到嬰兒喺隔壁房間傳來喊聲，但好快就停止咗。
然後，佢又聽到房間傳出女人嘅唱歌聲同輕語聲，就好似安撫緊佢個仔咁。
丈夫嚇到成個人醒晒，轉身時伸手觸碰到床邊依然熟睡嘅Stella。
點解女鬼要騷擾佢個仔呢？隔咗無耐，歌聲都停止咗，丈夫清楚聽到腳步聲從隔籬房步出，仲慢慢走過呢間房。
「唔使驚。」丈夫輕聲同身邊嘅Stella說。
『咔勒』一聲，女鬼慢慢打開房門，丈夫嚇到喺床上縮起膊頭。
「你做乜係咁震？」
丈夫聽到Stella嘅聲音，回頭一看，原來企喺門外嘅人，係Stella…
咁…一直訓喺佢旁邊嘅係邊個？！
（待續）
３００分享有下集！
＊喜歡阿公，請花半秒like & share＊
《阿公講鬼３》小說已經推出！
書店沒有，只能網購：
購買連結：https://bluegodzistore.boutir.com/
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
有一個地方，也許比荒廢的大屋，甚至比墳場更多靈體。
這個地方就是辦公室。
一來因為辦公室怨氣很重，問心吧～有多少員工在上班時會散發正能量？！怨氣日積月累，變成比陰宅更重怨氣的地方，靈體便會在晚上出現吸食這些怨氣。
而且很多商業大廈到了夜晚，幾乎人影絕跡，加上最近疫情關係，有些公司採取在家工作的政策，到了晚上就只剩幾個被老闆壓榨的可憐蟲。
這次故事的主角Stella，就是這可憐蟲之一。
晚上八點，公司只剩下她跟另一個同事，Stella還有兩星期就放產假，老闆決定用盡最後的時光奴役她。
幾經辛苦，終於把眼前的工作完成，Stella舒了一口濁氣，從座位站起來，同事聽到椅子移動的聲音，回頭問：
「咦？！妳要走了嗎？」同事問。
「我去個洗手間就走了…」Stella
「那我也走了。」同事動作急促地拿起手袋，把電腦關掉：「這裏夜晚有很多怪事發生，有一晚我加班，一直都聽到有打字聲和點滑鼠的聲音，起初我以為有其他同事加班，但當我準備離開時，發現全間公司只剩我一個，我嚇到馬上離開公司。」
「哈哈，那是你自己的打字聲吧？」Stella聽完之後一笑置之，走進洗手間。
公司的洗手間總共有五個洗手盆，四個廁格，Stella一打開門，就看到離門口最遠的水龍頭打開了，發出沙沙沙的流水聲。
水龍頭是感應式開關的，可是，全部廁格都沒有人，根本不可能有人打開水喉然後離開，Stella 剛才進入洗手間時也沒遇到其他同事。
Stella 急步的走進最近門口的廁格，正當她關上門，便聽到流水聲消失了。也許是故障吧？
Stella如廁時不敢左右張望，完事後慢慢打開門，瞟向那水龍頭已經恢復正常了。
保險起見，她選擇最近門口的水龍頭，打算洗個手便馬上離開，整個洗手的過程她都不敢抬起頭看向鏡子。
『沙沙沙』
就在這個時候，她再次聽到流水聲，Stella心裏一凜，下意識看過去，離她最遠的那個水龍頭再次打開了…
不過這一次，水龍頭很快就關上了。一定是故障、一定是故障！她心裏默唸。
『沙沙沙沙沙』
下一瞬間，第二個水龍頭打開了！Stella倒抽一口涼氣。
緊接著，第三個水龍頭打開，最近她的第四個水龍頭，也打開了…
如果公司女廁有鬼，那就表示它正站在Stella旁邊，這刻她嚇到全身僵硬，牙齒顫抖得發響。
幾秒之後，所有水龍頭都停止流動了。
突然，她感覺到一隻濕淋淋的手，搭住她的肩膀。
Stella抬起頭望向面前的鏡子，看到一個女人站在她背後，雙手搭住她膊頭。
驚嚇到極點的她一邊尖叫一邊跑出廁所，公司所有同事都離開了，她嚇到大哭，慌忙拿起手袋奔跑離開公司。
事後，Stella把這件事告訴丈夫，由於孕婦情緒也比較不穩定，跟丈夫商量過後，決定提早兩星期放產假。
兩星期後，Stella亦在預產期內安全地誕下嬰兒，本來以為離開公司就平安無事，然而，恐怖的事並沒有停止。
初生嬰兒最令人頭痛的就是每隔幾個小時需要餵奶，Stella夫妻半夜實行輪班制，由於丈夫需要早起上班，很多時都是Stella起床去餵。
某一晚半夜，丈夫聽到嬰兒在隔壁房間傳來的哭聲，但很快就停止了。
然後，他聽到房間傳出女人的唱歌聲與輕語聲，就像在安撫他的兒子一樣。
丈夫驚醒過來，轉身時伸手觸碰到床邊依然熟睡的Stella。
為何女鬼要騷擾他的兒子呢？半晌，歌聲停止了，丈夫清楚聽見腳步聲從兒子的房間步出，還慢慢走近。
「不用怕。」丈夫輕聲向身邊的Stella說。
『咔勒』一聲，女鬼慢慢的打開房門，丈夫嚇得在床上縮起肩膀。
「你幹嗎一直抖？」
丈夫聽見Stella的聲音，回頭一看，原來站在門外的人，是Stella…
那麼…一直躺在他身旁的是誰？！
（待續）
３００分享有下集！
＊喜歡阿公，請花半秒like & share＊
《三分鐘熱度》小說已經推出！
書店沒有，只能網購：
購買連結：https://bluegodzistore.boutir.com/
感應式水龍頭故障 在 感應式水龍頭小米在PTT/mobile01評價與討論 - 區塊鏈資訊集合站 的推薦與評價
有民眾爆料指出，彰化火車站男廁水龍頭壞掉至今已半年，一直未維修，上完廁所洗手非常不便，彰化站長王河傑對此表示，水龍頭故障率過高，他也常被告知「又故障了！」很傷 ... ... <看更多>