開咗學一星期,家長們被玩謝未?
#其實小朋友返學定家長返學
我家今年有一隻 #小學雞 和一隻 #K1豬,對於兩個一齊踏入彷似熟悉又陌生的環境,真正的 #家長考牌系列 剛剛先開始😵💫
#每一天都在懷疑人生
1️⃣今日著咩返學?
每日送大公主返學總會見到其他同學仔同我哋著嘅唔同,我總係懷疑我哋係咪著錯衫😑
直至開學幾日後知道⋯大公主的 #happyschool 真係好happy,基本上著PE 衫又得,校服配波鞋又得,最緊要係小朋友覺得舒服又happy🤪
2️⃣聽日要帶咩返學?
雖然幼稚園時候已經習慣睇電子通告,不過呢間小學真係走前好多步,每日不斷push 提你睇通告簽通告😑
由於學校唔想小朋友寫太多字所以手冊全部用簡稱😵💫 每日對住本手冊就好似猜謎語咁😂 (雖然手冊內頁已經有對照表,不過真係要啲時間再估下對下)
當學校訊息話要帶ABC ,大公主答我老師無講要帶嘢,我哋應該信邊個⁉️
學校谷嘅出現真係好偉大🤣 每日同班家長互相響谷內提大家聽日要帶咩互相提點睇通告入錢交費等等💗 好彩開學日相認到以前嘅K1同學仔我先入到呢個最強支援隊🥺
3️⃣增值未?入錢落apps 交雜費呀
可能距離讀書年代久遠,現家原來已經進化到教材雜費用學校apps 俾錢🤭 只要響簽完電子通告確認後就會直接響個apps 扣錢😳 呢啲真係電子貨幣零接觸 😆
4️⃣電子平台買校服
學校嘅電子化貫徹到連買校服都要scan 指定嘅QRcode 先可以入到所屬學校嘅訂購平台😫 校務處都無校服賣㗎😕 唔想再塞去香工買校服唯有再等一下🥲
5️⃣小息茶點食咩好
半日面授三小息,要帶咩份量先足夠?
學校指引建議帶健康小食,於是每星期我就帶大公主去 Live Zero 或者 Slowood呢類依份量選購嘅鋪頭入貨,不過每日大公主都係有嘢食剩⋯🤷🏻♀️
Reflection 💡
呢個星期先正式開始跟時間表上堂,真正嘅考驗先剛剛開始⋯原來小朋友適應能力之高遠遠超過家長想像,我哋都要急起直追趕上大公主嘅步伐🏃🏻♀️
唔知你哋開學又遇到咩挑戰呢? 齊齊集思廣益,一齊從新學習💪🏻
Follow us #mimimomoma
齊齊 mi mi mo mo explore 👀
#mimimomoexplore #happykids #快樂童年 #hkparents #親子日常 #MRsisterhood
#佛系家長 #coolhkg #小學日常
同時也有1部Youtube影片,追蹤數超過2萬的網紅FOURum Hong Kong,也在其Youtube影片中提到,?《門市地址及營業時間》 Wellness Wonderland 地址:銅鑼灣百德新街50-56號唐寧大廈1A * 星期二至日中午12點至晚上8時 * * 星期一休息 * 產品諮詢WhatsApp: 91702922 面談預約WhatsApp: 61414555 ? 生酮女皇的學習背景 - RYT...
「應該信邊個」的推薦目錄:
- 關於應該信邊個 在 咪咪媽媽•mimimomoma Facebook 的最讚貼文
- 關於應該信邊個 在 香港經濟日報 hket.com Facebook 的最佳解答
- 關於應該信邊個 在 君子馬蘭頭 - Ivan Li 李聲揚 Facebook 的最佳貼文
- 關於應該信邊個 在 FOURum Hong Kong Youtube 的最讚貼文
- 關於應該信邊個 在 縱橫巴士綫.BusLanes - 又嚟 九巴科技系列 - Facebook 的評價
- 關於應該信邊個 在 《香港爬道》 點解個個人講嘅嘢都唔同? 我應該信邊個? 的評價
- 關於應該信邊個 在 48.糖尿病飲食建議五花八門,應該信邊個好?(下) - YouTube 的評價
- 關於應該信邊個 在 乜咁偉大啊 溝定唔溝應該信邊個? - 港澳時事板 - Dcard 的評價
- 關於應該信邊個 在 周杰倫為何爆紅?網推爆1原因老粉解析「3成功關鍵」 | 娛樂星聞 的評價
- 關於應該信邊個 在 貓籠子ptt 的評價
應該信邊個 在 香港經濟日報 hket.com Facebook 的最佳解答
6人指控紐約州長性侵, 科莫堅決否認, 應該信邊個?
【加泰翻譯缺乏非裔血統 譯戈曼詩作遭拒】https://bit.ly/3qD9Esy
【法國女學生講大話 連累男教師街頭被斬首】http://bit.ly/3bBuoN7
應該信邊個 在 君子馬蘭頭 - Ivan Li 李聲揚 Facebook 的最佳貼文
[DSE仆街點算好]考得好嘅,就梗係去外國,或者在香港讀醫。撈兵拿。但考得唔好架呢?
TLDR:真的,DSE仆咗街嘅,等同你半場輸咗0-2。係死唔晒架,係可以奇蹟反勝架,但你可以望下走地盤賠率點睇你。除咗好老土嘅,下半場努力啲。其實最緊要係,面對現實,檢討。十居其九,一係你懶,一係你屎,一係你柒(留意三者唔一樣,但唔少人三者集於一身)。一日仲係賴唔好彩嘅,一日你都唔會有進步。
1. 拿,其實我係可以五點半放工返屋企玩勞蘇的。但因為我有使命感,先寫埋呢篇文先放工
2. 講真的,DSE真係唔關我事。冇教書好耐,我啲學生仔都生埋。我又冇小朋友,我朋友啲小朋友又未去到咁大。而雖然本專頁嘅讀者其實多數後生過我,但相信都冇幾多個係考DSE嘅。仔女考DSE?讀者又好似冇咁老。不過可能些上些會去到啲考生,或家長度?是但
3. 上次開考時寫過一次(https://fbook.cc/3CiD),反應好好。未睇嘅,可以快手睇多次。
4. 如果你係考得好嘅,恭喜你。你應該做嘅嘢,係去外國讀書,或者在香港讀醫。撈冰拿。遲下再解。但真係唔使用腦。你唯一要擔心嘅,就係諗下點打發蘋果記者問你國安法。真的,啲人話小時了了,但我好似冇乜見高考學霸第日會仆街。況且,DSE仲小時?(但如果你成績好,但怕血又手震嘅,咁你就會end up 好似我咁嘅下場)
5. 咁所以,篇文,係畀啲考得唔好嘅人睇嘅。嚟啦喎
6. 上篇文都講,邊個話公開試唔緊要嘅,一巴星佢啦。咁大家都知道埃汾鍾意迫人面對殘酷嘅現實。所以呢,你DSE失利。恭喜你,你嘅人生已經輸咗一截,中咗一下超必咁,睇圖,你就係中咗拳嘅小麥奇
7. DSE仆咗街嘅,就等於踢波,半場你輸緊 0-2咁咯!如果屋企冇錢嘅,就等於再趕咗件出場咁上下。
8. 就係咁,有幾難明?係咪有人話唔重要?
9. 點解唔係0-1?以前有會考有高考嘛,而家一劑過,咪0-2。咁點解唔係0-3?又未咁絶望嘅,十幾歲仔。但都話,落後緊0-2咯。相當凶險架啦
10. 我唔明,啲人講「唔係世界末日」,「唔緊要」,係咩邏輯。係架,梗唔係世界末日,你咪畀我打兩巴咯,都唔係世界末日架。你咪試下聽日冇左隻手咯,唔係世界末日架,楊過都做大俠啦。
11. 真的,Everybody has a plan until they get punched in the mouth。圖上面嘅泰臣講嘅。你畀人上枱打幾槌重拳,然後睇下仲係咪「仲有機會反勝」。當自己睇Rocky?應該變阿波羅嘅機會大啲。
12. 即係,寫文鳩up呃like唔緊要,但如果真係畀意見嘅,啲邏輯就唔好咁亂嚟。係呀,邊個邊個名人會考仆街後來係博士嘛(但更多名人會考唔仆街之後係博士),鄧小平係煙鏟都好長命嘛(但更多人唔係煙鏟都好長命),李斯特城唔係好有錢都拎英超冠軍嘛(但更多年更多聯賽都係錢多終勝)。係呀,有人中六合彩添。使乜考 DSE?
13. 我唔明點解咁多人,可以將特例當係道理。除非你證明到畀我睇,原來真係冇乜正相關,甚至係負相關。唔好講causation,根本correlation都未有
14. 咁明嘅,講嘅,可能出於好心啫。但你知我唔玩呢套,又唔係同你有親。但好處係我畀個真相你。即係你末期肺癌咁(放心,DSE仆街未去到咁嚴重嘅,「一期啦」),你親友梗係安慰你,呀邊個邊個都末期肺癌,之後忽然消失(癌細胞,唔係個人消失),出於好意,唔通話我地已經幫你搵定位咩。當然更多係啲借機呃你錢嘅偏方氣功撚。但醫生就會話你知,不如有乜心願做埋佢啦。梗有奇蹟,但醫生話到你知,有幾多機會。
15. 至於「焉知非福」「激發鬥志」論更加係戇鳩。係,可能係真。但,請參考泰臣嘅名句。好人好姐做乜要畀人打幾槌先激發鬥志?你啲鬥志都幾唔聽使喎。
16. 其實用足球比喻幾好,係呀,的確好多隊,落後兩球,下半場都可以反勝—不過更多隊係兩球優勢玩到你完場,甚至炒多你幾球。特別係你屋企冇錢,打少個的話。
17. 市場就最好,因為最現實。我當你係利物浦對橡樹之心(*)都好,你一開波輸兩球兼打少個,你自己睇下,走地賠率會點。你唔係話畀我知會「激發鬥志」,所以更熱下話?咁不如下次開波自己擺兩球老烏「激發鬥志」咪仲好?(呢招係乜?星矢,足球小將,定芥川龍之介地獄變?)
18. 當然你係利物浦嘅,梗係可能反勝,你係橡樹之心都可能架。梗有可能。但,marginally, incrementally, ceteris paribus-ly,半場輸兩球打少件,點會唔係問題?
19. 好啦,其實冇事的。古語都有云啦,唔好放棄治療。但你認清事實先。你末期肺癌都話自己冇事嘅,點幫你?
20. 接受咗自己輸緊0-2嘅,咪好咯。從懺悔到贖罪嘛,你知道輸緊0-2同唔知,鬥志未必好有分別,但踢法都唔同啦。望下分牌先
21. 剩返嘅,就梗係好老土,踢好佢。但真係廢話,唔通耶穌(話時話,耶穌踢波的,在香港)咁,人地入你兩粒,你自己擺多兩粒老烏咩,老虎盃呀?
22. 你見啲人舉嗰啲例外,十居其十都係之後努力咗好多,先追得返。邊有咁多唔好彩。佢地照上半場咁踢嘅,就下半場輸多幾粒啦。但點解發奮咁難?就係我上篇文講嘅嘢:你DSE考得唔好嘅,打後好多時就係同啲廢柴一齊(不一定所以考得唔好嘅都係廢柴,但廢柴多數考得唔好,明冇?),你唔廢都變廢,有鬥志都變鬥志。就日日圍爐上網打飛機講讀書邊有用,李澤楷都冇學位,Steve Jobs同Mark Zuckerberg都中學未畢業。
23. 我想講,除咗「踢好剩返嘅半場」「好好享受足球」外(嘻,本質上呢句嘢,同你同末期肺癌講「有乜想做做埋佢」差不多,頂多係時間耐啲)外,我仲想講樣嘢。
24. 就係,檢討下啦!
25. 真的,遲下我會寫篇講投資嘅。但同一道理。首先,錯過之前升浪嘅,低位打晒靶嘅,本質上一樣。第一係接受自己失敗,錯咗。然後,諗下,點解會錯!亦即係你諗下點解你考成咁。點解你半場輸兩球。記住,誠實呀。你發現埃汾強調嘅核心價值,除咗高質,就係誠實。面對他人都仲可以唔誠實,面對自己都唔誠實嘅,好難救(但話說回頭,好似對自己誠實仲難)
26. 點解衰咗?一般人最常賴嘅嘢,就係運氣啦。挑,個市同實體經濟都脫節嘅。扯,球證偏幫,人地符碌。鬼咩,佢印漏條清代中央政制畀我喎(**)
27. 十居其九,自己失敗都係唔好彩,人地成功就人地好彩,人之常情。我知真係好多時有運氣成份,但,就算有,都唔好養成乜都賴運氣,聯儲局,北水,大戶之類嘅習慣,否則你永遠唔會進步。講白啲,唔好彩都唔可以話自己唔好彩!而除非你真係考嗰日畀車撞到入咗廠之類,否則,唔好彩唔係一個理由。讀書係,投資更加係,你嘅人生更更更加係。你一事無成,總有原因。
28. 比較有得搞嘅,就係你用錯策略,或者低估對手,高估自己。即係你柒。懶廢柒之中,柒係比較易搞嘅。多數係有得救嘅。咁就靠你下半場踢好佢。但唔好忘記,其實你都真係冇乜真係巴閉,因為你稍為犯錯,就已經輸咗兩球。高手嘅嘢,犯錯都仲係領先你幾球。
29. 當然,仲有一個可能,十分殘酷,但好多時係事實—咪就係,你技不如人咯。有幾難明?你係利物浦對橡樹之心,你半場輸兩球,可能球證黑哨,唔好彩,輕敵。但你係橡樹之心嘅,唏,簡單啦,你半場輸兩球,咪就係因為你屎波咯!有幾難明?再殘忍啲都有呀:以你咁質地,先輸兩球咪好彩咯!
30. 咁,屎波可以點?我都唔知。除咗好廢嘅「努力啲」,或者「踢茅啲」(***),都冇乜可以點。你應該要明白呢,冠軍就得一個。你努力,唔通人地唔努力?梗有人輸的。個個都5**,咪即係個個都唔係5**咯。考試又係一個咩遊戲呢,又?
31. 固然,轉個跑道,亦係得嘅。即係我踢波贏唔到你,打籃球咪贏你咯。「但我肯定C朗打羽毛球都贏你」。真的,有機會再講,但勁人呢,係真係可以做好多瓣都勁嘅。廢人亦係。呢個夠晒殘忍。但事實好似真係咁。「咁我打倉頡應該快過C朗嘅」
32. 所以講到尾,大家都知,總係唔會個個都成功。盡咗力,都真係冇計—雖然講呢句嘅十居其九都未盡力。而又其實,咪接受自己嘅位置咯。的確絶大多數人,都係唔會拎到金球獎的。但唔通全部死晒佢咩。生命仲有好多美好嘅東西嘅,例如一年去幾次日本啦,食返幾次米芝蓮兩星啦,睇下埃汾啲文咁咯。
33. 預告:我嚟緊想寫一篇,「如何決定聽乜人嘅意見」。夠晒high level,但真係一百億嘅問題。網友話打疫苗會自閉,醫生話唔係,咁我應該信邊個?但專家係咪一定啱?埃汾話買股票,但有人話核爆,咁信邊個好?呢個係一個意見多過屁眼嘅年代,人人都有個,人人都覺得其他人臭。咁你信邊個好?
34. 另一預告:其實文中都提過,嚟緊寫篇文,講檢閱你嘅投資成績。贏輸當然重要,但更重要係點解。
35. 補多句:其實而家應該冇人寫日記。但投資又好,做人又好,其實寫低自己諗過嘅嘢,都係十分好的。投資就係trade log,做人咪……林過雲日記。真的,例如你今日決定揀去讀精算,然後十年後一事無成(好似我咁),咁你至少睇返,自己當時點諗。係有嘢漏諗?定根本係自食其果?好重要。
36. 呀,筆鋒一轉,賣個廣告。絶對冇任何利益,亦唔係佢叫我出,雖然我估佢會請我食飯。但介紹返, 培正專業書院 Pui Ching Academy (雖然我唔知有幾專業),我朋友 Simon Sai-hau Ho檔嘢(雖然我唔算同佢好熟,我都唔記得對上一次叫佢我我屋企飲咖啡係幾時)。愁出路嘅,可以諗下。講明,我一無所知。但我信佢。就係咁簡單。其他問題,就梗係你問佢。我不背書佢檔嘢,佢亦不背書我篇文。唔好問我「檔嘢好唔好」,咁大個人,為自己嘅決定盡返責任。我唯一可以答你嘅就係,我信佢。拿,呢三隻字幾咁有重量,重過佢同我加埋(目測佢應該重過我)
(*)有幾多人唔Google都知係一隊波?
(**)呢句係向律勤(假名)致敬的。踢波落後嘅嘢,佢好有經驗。聽聞考中史嗰日佢發現派漏條清代中央政制畀佢,佢想舉手問,但結果冇。考完就去咗踢波。所以佢篇文叫《踢球者》。佢家下都冇穿冇爛,不過家庭觀眾唔好學。鄧小平咯。
(***)但的確係有用的。廣義嚟講,DSE你就焗考,但如果明知玩呢樣唔夠人玩嘅,第時就同人比較其他嘢啦。我最唔明就係有啲人,擺明唔係讀書材料,但又堅持幾廿歲人都玩呢啲遊戲,嘥錢嘥時間。但人就係咁,冇嗰樣整嗰樣,靚女想你讚佢好獨立唔係靠樣,大波想你讚佢好演技,賣才華想你讚佢靚仔(好似我咁),有錢仔就要搞埋啲start up 證明自己。巧拿煩的。
-------------------------------------------------------------------------
香港聯匯何去何從?新收費片已出,講足一個鐘,單次買200
想睇簡介嘅,呢度。亦有埋以前嘅片,有興趣可訂:https://bit.ly/3iYMD0F
報名嘅,呢度。今次課程編號填 CC005。唔想填信用卡亦可以FPS: https://bit.ly/3j0r9QZ
Log in 呢度:https://bit.ly/3gYXu9e
已付費嘅,log in後按最頂「按此觀看」就得。再唔係返呢度睇:https://bit.ly/3fyKbw0
仲搞唔掂嘅,睇埋下面,或者搵客服,或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾?散戶應如何應對?」
影片/課程編號:CC005
播放平台:https://homebloggerhk.com/web-class-player/
付款及收看步驟:
1/點擊報名收看 [影片/課程編號:CC005]
2/利用信用卡網上付款
3/及後有登入資料可以立即收看
查詢:whatsapp 63832145
應該信邊個 在 FOURum Hong Kong Youtube 的最讚貼文
?《門市地址及營業時間》
Wellness Wonderland
地址:銅鑼灣百德新街50-56號唐寧大廈1A
* 星期二至日中午12點至晚上8時 *
* 星期一休息 *
產品諮詢WhatsApp: 91702922
面談預約WhatsApp: 61414555
? 生酮女皇的學習背景
- RYT 500 Andiappan Hatha Yoga & Yoga Therapy Teacher Training
- 哈佛大學 Global Health Delivery
- 史丹福大學 Nutrition Science
- 薩滿療法 Shamanic Studies
- 脈輪及氣場療法 Chakra and Aura Healing
- 銅鑼及頌缽治療師 Gong & Singing Bowl Therapy
- 聲音療法 Sound Therapy
- 功能醫學 Functional Medicine
- 功能營養學 Functional Diagnostic Nutrition
- 功能營養學血液測試分析 Functional & Nutritional Blood Chemistry Analysis
- 史前人類營養學 Paleo Nutrition
- 東西綜合草本學 Professional Herbology
- 生酮飲食及輕斷食 Ketogenic Diet & Intermittent Fasting Coaching
- 史前人類飲食及營養 Paleo Nutrition
- 癌病關注 Cancer Awareness
- 失眠治療 Insomnia Practitioner
- 抑鬱症輔導員 Depression Counsellor
- 情緒釋放治療 Emotional Freedom Technique
- 同種療法 Homeopathy
- 自然療法 Naturopathy
- 肌感療法 Kinesiology
- 花精療法 Bach Flower Remedies
- 香薰療法 Aromatherapy
- 水晶療法 Crystal Therapy
- 色彩療法 Colour Therapy
- 綜合能量療法 Integrated Energy Therapy
- 靈氣療法 Reiki
收看方法:
FOURum 專頁 https://www.facebook.com/hkfourum
「生酮感受」專頁 https://www.facebook.com/hkketodiet/
#生酮女皇 #FOURum #生酮感受 #身心靈 #NewAge #能量治療 #生酮飲食 #水晶 #crystal #脈輪水晶療癒 #soundhealing #聲音治療 #chakracrystalhealing
#麩質敏感 #麩質不耐症 #肚屙肚痛 #無法解釋嘅症狀
#個個都話自己係大師 #個個都話自己最正宗 #應該信邊個
#要乜冇乜可以點做 #點解人有我冇 #日日都葡萄
![post-title](https://i.ytimg.com/vi/ZzFjtk7xwWE/hqdefault.jpg)
應該信邊個 在 《香港爬道》 點解個個人講嘅嘢都唔同? 我應該信邊個? 的推薦與評價
![影片讀取中](/images/youtube.png)
《香港爬道》 點解個個人講嘅嘢都唔同? 我應該信邊個? Bowie Chan. Bowie Chan. 50.3K subscribers. Subscribe. 312. Dislike. Share. Save. ... <看更多>
應該信邊個 在 48.糖尿病飲食建議五花八門,應該信邊個好?(下) - YouTube 的推薦與評價
![影片讀取中](/images/youtube.png)
糖尿病飲食建議五花八門,應該信邊個好?(下). 405 views Jun 27, 2019 … ...more ...more. Show less. 30. Dislike. Share. Save. 糖尿腎病互動專區. ... <看更多>
應該信邊個 在 縱橫巴士綫.BusLanes - 又嚟 九巴科技系列 - Facebook 的推薦與評價
又嚟 九巴科技系列—— 【 應該信邊個⋯⋯ 】 #九巴#KMB #AVBWU482 #UR2713 #BusLanes #縱橫巴士綫 走咗架 80 導致要轉車返屋企嘅Jayden 拍攝. ... <看更多>