阻大家幾分鐘聽下我講少少嘢……
首先感激大家對我最近寫嘅《紙紮公仔》故事給予一個好大嘅支持，我覺得大家追故嘅反應令我諗起當年我寫《失蹤》嘅時候，所以好開心又再一次回味。
雖然琴晚偷偷地講咗，但我都要正式再講多一次。
我要出書喇～ 我要出書喇～
喺講我自己感受之前，收到太多查詢，我想一次過講比大家聽。
好多台灣或其他國家讀者想我寫書面語，但我拒絕。
因為用廣東話寫故事，我已經堅持咗十幾年，日後都繼續用廣東話寫故事，係真正屬於香港人睇嘅故事，所以抱歉了，其實都可以睇我故仔學下廣東話架～
今次本書係齊哂《紙紮公仔》嘅故事，當然包埋結局。
但我重申，重申再重申，故事集入面仲有好多故事架，《紙紮公仔》只係其中一個故事咋！係其中一個咋！
我只係未貼出嚟……如果大家覺得《紙紮公仔》好睇，其實仲有更多好睇故事喺入面比你睇。
《失蹤》已經賣哂，今年踏入第五年，我可以拎返版權，考慮重印返比未買嘅讀者收藏留念。
《跟蹤》剩返少量，唔會重印，賣哂就由佢絕版。
《迷蹤》剩返少量，一樣唔會重印，賣哂就由佢絕版。
我所有書都唔會喺出面市場或書局買到，得我呢條link有得買。
今次本《故事集》係限量預訂，最快要「四月」，係「四月」先送到大家手上。
由於成本有限，又唔知幾多人買，所以我都係見幾多人訂，就印幾多……印一次就唔會再印了。
個人感受：
近年因為社會氣氛同抗爭，我停產咗好耐，雖然上年出咗本書，但我自問狀態一般般，我知讀者都係咁諗，但仍然買書支持我，係想我繼續創作落去，我深受感動。
所以今次本書嘅故事，我係好認真同好有心機去寫，書入面故事係唔會重覆，係全新。希望報答返讀者，亦希望自己可以慢慢回復狀態。而所有買書嘅人，我都會簽名比佢，放心。
我有正職，所以寫故時間都係放工或通宵唔瞓去寫，所以會發現我成日打錯字，因為真係即打即出。亦都因為咁，希望大家真係會買書支持下我，比我知道我嘅創作路係可以繼續行落去。
如果唔係，真係疊埋心水專注返正職工作……Sad
全廣東話嘅書真係市場上絕無僅有，希望大家多多支持。
《紙紮公仔》我會繼續貼喺Facebook，但最後結局就要大家買書睇了。
原諒我遲下同唔到大家分享一齊睇大結局嘅喜悅，因為我真係對自己無咩信心，驚大家睇完就走而唔會買書……但如果真係賣得好嘅，我先諗同大家分享。
因為紙紮公仔個結局係痴撚線，100％無人估到，但我好鐘意。
最後，我真係好有心機寫呢本書嘅故事，有恐怖有愛情有驚嚇……希望買咗嘅朋友會鐘意，我寫作壽命好短，真係出到一本就得一本，當留念又好，支持又好，靠哂大家。
我真係對自己寫野同賣野好無自信……希望大家比啲自信我。
P.S 圖中嘅封面係初犒，未必係實物圖。
想買嘅讀者可以呢度，計返數，都係每個故仔幾蚊雞咋！
我嘅網店：https://homingming.boutir.com/
