近排好忙，我既時間除左教班外，
就係準備我新candle studio既事，
疫情不單打亂哂我自己既計劃，
而且令我對於人生觀都改變左唔少，
可能你會覺得我無病呻吟，sor9999ly，
I dont care，我講啲乜關你乜事😂
話說呢幾年，我好少寫野，
一黎我覺得我生活好安穩，
唔算住得特別好，但我有一個穩定既居所，
我唔算有錢，但我又儲到錢，
以為呢份工，可以安安靜靜咁做一世，
幫住自己份人工，我同自己講，
Um..都幾好呀，我多勞多得，飛幾多搵幾多，
又唔係去偷又唔係去搶，但最少我靠我一對手，
搵到個係香港食唔死既人工，
有一輪我真係諗過，空少呢份工，我真係可以做一世，
所以我係度諗，多一事不如少一事。
我地既performance，係根據每班機既呀哥呀姐去俾分而定既，
識我既人都知，我唔會擦鞋，因為呢份工見完個人一次，下次見佢可能已經十年後，
我係啲人話成隻牛咁勤勤力力咁做野既人，
我都唔會偷懶，人地要我做一百分，我會試下做到一百零一分，
1係最好，99係最低，
慢慢咁，我就拎左頭5好耐啦，甚至係頭1添，
話說拎得高分，其實仲有得報名去考提早升職添！
有唔少同事話，係呀，呢個分都廢既，我唔care個分，
係，的確你拎到高分，唔代表你一定升到，
因為大前提係要考既，為左可以試下考，令我record好啲，
我一直都少出聲，唔講唔錯。
另外，係我既角度黎講，分數唔反映全部，但反映左你個人既一啲野既，
而我自己反而係最介意呀哥呀姐俾我既comment，我都對我自己有啲要求既，
漸漸地，我發覺我都開始依賴左飛，
因為我覺得穩穩定定都幾好。
近呢兩年，我都唔係無試過搵工，
其實我都有工請過我，而且有一份更加係我夢寐以求既公司度打工，
身邊既人，成日問我幾時落地，問問下又一年，問問下又一年，
我成日同佢地講，我勤力啲飛，
其實都夠食，而且lifestyle都幾岩我，
所以個時就算有份超級吸引既人工，我都不為所動，
同請我個老細講我未飛夠。 (依家諗翻覺得好白痴)
因為我以為permanent合約係forever的。
因為我以為permanent合約係forever的。
直到今次，我知道我錯了，無野係一世的，
工作一樣，朋友一樣。
大家都知我無乜點有得飛，
不過咁橋岩岩就飛左班機，
有個某美國大航空公司既空服，
係我其中一個客人，聽左佢既story，
佢話我知無野係一世既，佢地公司用seperation，
話佢知要分手，如果有green card，話可以當係美國做野，請翻佢咁話，
當然員工話無得揀啦，所以好唔捨得都無計，
佢都要同佢公司separate，
大家諗下，佢人生最黃金個20幾年交俾左間公司，
佢到頭黎又得到啲乜？
聽左佢呢個故事，令我更加了解到，
我既出路，話係要發展到我自己既事業，
否則再過多幾年，真係好難咁容易搵到份工。
人大左，有好多責任，
令自己生活變得不再係自己，
今次疫情，開始令我搵翻好多年前個個我，
因為我知自己繼續留係度都唔係辦法，
係，自己好鐘意既lifestyle係唔可以放棄，
但你要諗下如果我連生活都會有問題既時候，
咁呢個lifestyle仲要繼續嗎？
係香港地生活好難，我成日同自己講做好自己，
就有回報，不過原來唔係。
#係呀我抵死做做下做左咁多年
#我今次學會了勞工法例
#原來真係保障唔到啲乜
#今次我見到topPerformers都bye左
#多謝朋友係我最忙既時候唔係再俾麻煩我而係支持我
