《來自埃及的五餅二魚》
痛心，憂心，傷心，擔心，掛心……
自去年6月後，再一次漫長的無眠夜。
身邊有人長期要進出醫院的，
一家四五口只淨十餘個的；
已退休嬸嬸，排極都冇，只能盡量唔出門；
基層工人，一個用4日，
奶嘢只買到黑心口罩的，
還有街上滿臉滄然嘅公公婆婆，
以及一群冇時間/精神條件去同人搶去排口罩的弱勢社群。
我實在不知道天高地厚，我實在不知道究竟要相隔多遠，我先可以對自己屋企發生緊的種種視而不見。
意佬屋企人非常擔心親家安危，奶奶每每通電都話佢成日𥄫住新聞，亦祈求香港人大步檻過。意佬姐夫不忙周圍撲罩，但空手而回，大概都係俾人一大批掃光了。
理智話我知，憂心亦幫助唔到啲乜。
於是乎我決定做一件傻事。
我未能一擲幾百萬去買機械組織生產線，
我未能游走各國，課金之大足以同廠家洽談生意；
我能力範圍，只係傻更更的，叫司機揸架車，走訪兩個城市，明知本土製品冇品質保證，但本住一個機會都唔可以錯過之心，逐間藥房、醫療用品店拍門撲罩。
如我所料，喺呢個衛生意識其差嘅地方，撲罩之旅果然令我刮目相看！罩呢佢哋就唔缺，但係有一層嘅、兩層嘅、三層加埋都薄過標準一層嘅、綁繩不過條繩長達兩米嘅、耳扣位用釘書機釘嘅、N95不過假嘅、騎呢款式之多實在不能盡錄！
皇天不負有心人，終於俾我揾到一款似樣啲！但揾到買到亦唔代表送到，雖然埃及冇話禁運，但我問過快遞公司，口罩出境嘅所需文件包括單據，
銷售廠房/店舖書面承認允許口罩作銷售/捐贈用途，海關批核文件，衛生署批核醫療用途文件……其實簡單啲講，即係寄唔到，根本唔想你寄。
好好彩，有朋友路經此地先可幫我帶少少返香港。數量之少，真係唔好同人哋要擔櫈仔排籌嗰啲比，亦唔係斷箱計，真係帶得嗰幾盒仔。助人為樂，再者腦裡面只有一個信念：幫得一個得一個。希望朋友仔旅程一切安好之餘，罩都能順利到港🙏
非常時期，資料分配。我屋企人亦同意將部分口罩派俾街上冇罩用嘅有緣人，尤其係啲公公婆婆。
唔係VFE
唔係BFE
唔係PFE
唔係五餅二魚，只係憑住赤子之心，希望盡我綿力幫到香港人。
#BfeVfePfe乜E都冇
#普通外科口罩一疊
#五餅二魚神蹟恕我辦不到
#四五盒來的口罩希望幫到就幫
#一個都不能少
#香港人振作
#仲有幾盒喺手諗緊點送貨好
#懂得付出懂得愛
#我仍然好愛香港
#出走埃及記2
我仍然好愛香港 在 齊清潔。愛香港- 小潔的足跡新冠肺炎疫情仍然嚴峻 - Facebook 的推薦與評價
小潔的足跡新冠肺炎疫情仍然嚴峻，市民都以不同方法去避疫。小潔喺網上睇到一則新聞講過去周末好多人去郊外行山，希望呼吸新鮮空氣。但佢哋喺行山時將垃圾丟棄在山上， ... ... <看更多>