關於 我哋真係好撚鍾意香港英文 ，我們在網路上蒐集到這些相關的討論、資訊與評價

［拉丁美洲 被切開的血管］中國固然「國情不同」，同埋底數極低，outlier

TLDR ：有資源又點？

但你睇埋韓國🇰🇷土耳其🇹🇷波蘭🇵🇱，起步同巴西🇧🇷差不多，低過墨西哥🇲🇽，三十年後就拉開幾倍

你睇金豬四/五國，跑出嘅只係中國印度🇮🇳。俄羅斯🇷🇺南非🇿🇦就算罷啦（不過股市幾好的，再一次證明股市同實體經濟係兩回事）

最痛就梗係巴西，主辦世界盃 同奧運，大國堀起，死敵阿根廷🇦🇷又早早自廢武功，但講足三十年都係一句：Brazil is the country of the future and always will be.

墨西哥🇲🇽有啲唔同，早早已經「中等收入」，1990年人均GDP都15000美金。即係點？「即係同香港差不多」

但，正如墨西哥🇲🇽人人都知嘅名句：Poor Mexico, so far from God and so close to the United States！當然就係成也美利堅敗也美利堅

三十年前嘅拉丁美洲，被寄予厚望。你睇墨西哥幾時主辦奧運同世界盃？大把讀者未出世，奧運早過漢城🇰🇷20年，早過北京40年。

呢度巴西🇧🇷墨西哥🇲🇽，已經係比較好（if not 最好）嘅例子。你咩阿根廷🇦🇷 委內端拉 嗰啲更唔好講

點解拉丁美洲，搞到一鑊泡？固然各有原因。但好大關鍵係產業結構。亦都有唔少人聽過嘅「荷蘭病」，資源充足係詛咒，唔係恩賜

況且，「我哋生活在一個高度金融化嘅社會」，你靠出口 咖啡 木頭 黃金 甚麼，必定唔夠啲冰氣房嘅人有錢

三十年前你見中國印度窮到仆街，但過去三十年嘅產業 sophisticated 好多。

你話中國製造再流都好，小米都大把人買（雖然利錢好薄），銷量全球第一。印度🇮🇳製造業再流都好，都有啲第三產業。

哦，「識英文」。但你有冇見歐洲外判啲call centre 去南美？「識講西班牙文葡文」（其實係外判去非洲）

原文你可以睇
https://link.medium.com/IIiFntzGMjb

或者，睇我Patreon 聽日略講下，其實我係唔鍾意寫太多股票的。

當然，堅持「GDP唔代表乜嘅」（*），歡迎你去阿富汗🇦🇫或者索馬里。聽我啲推友講話好過香港🇭🇰

最緊要對自己誠實嘛。但現實係當年墨西哥🇲🇽人圴GDP係中國10倍，而家好快就中國過頭。十九幾億人喎。

（*）不過，台灣GDP 人均GDP 高過韓國🇰🇷日本🇯🇵（PPP basis 啦，in 人話「計及物價」）呢件事依然係十分mind blowing 。留意我地唔係講澳門🇲🇴盧森堡 🇱🇺摩納哥🇲🇨之類喎。

你話「平均冇意思 一人一粒睪丸」（識少少嘅人最鍾意講），台灣首富郭台銘（其實唔係）whoever 拉高，多餘。難道韓國🇰🇷三星李xx（其實都唔係）就唔係拉高？台灣貧富不均嚴重高過韓國好多？唔覺喎

真正關鍵係產業結構。

至於香港🇭🇰？「我係你就出少句聲」，個撚個學生用iPhone 文員仔用Hermes 一年去幾次日本 拍拖食米芝蓮。不知幾咁有錢。你可以去台灣日本🇯🇵韓國🇰🇷睇下。東京首爾台北都冇得比、何況台東四國濟州？

牛年比別人知得多。subscribe now.
Patreon.com/ivanliresearch

記一個無法盡興嘅萬聖節。

Medium Link: https://link.medium.com/ki0YoeOQe1

//

2019 年 10 月 31 日，萬聖節前夕。

香港係一個奇妙嘅地方，明明經歷緊幾十年以來最嚴重嘅管治危機，最動盪嘅歲月，但係市民重陽山照拜、萬聖糖照派，路過灣仔駱克道，除咗冇平日咁熱鬧之外，嗰種生活如常嘅狀態，絕對唔係電視畫面或者報紙照片上所呈現嘅劍拔弩張。

唔知係好彩定唔好彩，賴叔今晚要上堂，地點遠離中環蘭桂坊，即係想飲杯嘢都要等返到屋企打開雪櫃。都好嘅，我又唔鍾意同人迫，又唔鍾意見到 Green Objects ，有個機制迫我自動去課室報到、自願被軟禁三粒鐘，總好過喺街等食 TG 放題。

話時話，今朝返工，賴叔喺中環金融中心嘅核心地段，見到輕裝上陣嘅防暴警察企喺噴水池旁邊，晨早流流，都有警察要披著面巾，唔知係咪驚一班金融才俊同佢哋打卡呢？抑或，自我感覺同甲級寫字樓地段格格不入，所以要遮掩自己尷尬嘅面色？學太古城街坊話齋，「你住得起咩？」中環價值行十進制，同毅進制唔太兼容。

- - -

咁由於事先已經知道呢一晚中環唔會平靜嘅關係，我係一早諗定放學之後嘅逃生路線嘅。我有諗過化身夫司機，揸車返工、擺低喺天星碼頭，然後揸返學校，再湊多幾位同學一齊返過海嘅。不過大家既然興致缺缺，我一個人自駕就唔符合成本效益。於是，剩下嘅選項就係黨鐵同巴士。

基於事先張揚嘅封閉太子及中環站時間表，我係諗住坐巴士過西隧，過咗海就係神仙嘅。喂，太子同旺角都封站喎，如果油麻地都收皮，咁我咪 GG ？殊不知巴士站有人話，冇車呀，啲車喺中上環 (抑或油尖旺？) 一帶卡住咗，返唔到，咁迫於無奈之下，坐地鐵去就近嘅地方轉紅 Van 就係最快嘅選擇。為安全計，我甚至打電話去留位熱線度問清楚，紅 Van 到底仲有冇車。就好似屋企洗水缸咁，要問定幾點會閂水掣。黐孖筋。

黨鐵喺上環站延誤咗好一段時間。唔知係咪中環站關閉，系統要調整設定，所以所有東行列車喺上環都係戇鳩鳩硬直幾分鐘 (打機嘅朋友就會明) 。然後，同學群組開始有報平安嘅訊息：

同學甲：「觀塘線好正常呀。」

同學乙：「我去到尖東，好在趕到班巴士，如果唔係要等多 45 分鐘，租酒店都唔掂！」

同學丙：「我都返到屋企喇。」

其時我剛好搭上過海紅色小巴，居然係車等人而唔係人龍等車，奇怪。但我心入面有一種滄涼嘅感覺。同學之間非親非故，更加唔係男女朋友或夫妻關係 (有冇人搞地下情我就唔清楚) ，做乜嘢要搞到大家互報平安，好似教會望彌撤禮成咁，要信眾們互道平安？諗起嗰個大家揖手作揖、撚起把聲、擠個笑面出嚟嘅盛景，我其實有少少⋯⋯胃氣脹。

但真係喎，原來今時今日，夜媽媽九點、十點放學，能夠平安返屋企已經唔再係必然嘅事情。即使返到屋企樓下，亦不能斷然已經抵壘。因為警察已經可以強闖私人屋苑，甚至迫令住客跪低、抱頭等候搜身。而保安員如果有任何阻撓嘅動作，就會被控阻差辦公、仲會冇咗份工。

由幾時開始，警權好似個用死氣喉泵漲嘅汽球咁，無限放大，而大家又篤佢唔爆、吹佢唔脹？今時今日，催淚彈放題已經係每個週末嘅生活日常，而警員動用警棍嘅次數已經多到好似呼吸咁，無怪乎保安局喺立法會會議上都已經唔再交代咁多，只係以事件綜合使用過嘅武力及武器嘅種類及數量。因為根本罄竹難書。

- - -

以前民陣搞集會、遊行，其中一句常用口號係「警權無限大，人權被出賣」。計我話，「警權無限大」嘅下一句，「香港好腐敗」。香港電台報道，今日有大律師咁樣講：

「根據《警隊條例》第50(3)條 ，警方在無手令下進入私人處所執法，必須是「有理由相信須予逮捕的人」已置身該私人地方，要有合理客觀基礎，高等法院有案例講明，若警方純粹為調查罪案，看一看有無人犯法，有關條款並不適用。

至於私人處所居民或管理人與警方理論或阻止警方進入，會否構成「阻差辦公」。黃宇逸說，阻差辦公是指蓄意妨礙警務人員正當執行職務，如果警員進入私人處所時，不符合《警隊條例》第50(3)條要求，即並非正當執行職務，拒絕的人亦不構成「阻差辦公」。」

然後有賴叔嘅讀者留言問，《警隊條例》係咪已經廢除咗？抑或係警務處長盧偉聰話改就改？ (我私疑係散仔協會林志偉進行大改版但係冇通知大家)

係囉，由拒絕出示或展示委任證嘅一刻，警隊已經決心將制約、規範佢哋嘅規矩拋諸腦後、棄如敝履。之後嘅濫權、濫捕、濫暴 (我中文唔好，統稱「下三濫」好喇) 都已經係自然現象。投訴警察課唔會處理，監警會唔會有 case ，然後冇獨立調查，律政司亦唔會起訴，真係可以跳起 Yeah 。

- - -
然後今晚教授喺課堂上毫無保留咁講：「大家點可以唔關注當下嘅抗爭、示威？我哋讀法律嘅，法治係非常重要架！」 (英文原文： How can we not mention the protests? We are all lawyers and the rule of law is so important!) 屌你老母，難為同學之中仲有人話，「我討厭政治，可唔可以純學術討論？」

我屌你啦，法治同政治幾時分開過？ Rule of Law 同 Rule by Law 已經係差之毫釐，謬以千里。你同我講「依法施政」，係 Rule by Law ，係富有中國特式嘅「法治」呀。香港嘅金融中心地位從何而來？如果係 Rule by Law 嘅話，上海晨撚早取代咗香港啦！解放軍使戒急用忍，一路保持「未出」嘅狀態？谷住谷住咁辛苦？

當我可以安坐家中，打呢篇純粹個人感想出嚟，同大家分享嘅時候，我諗起 史兄 因為幾個月來嘅支援工作，而寫少咗好撚多字。嗰下我係慚愧嘅。畢竟對於前線抗爭者，我所付出嘅真係少之又少。喺網上面寫幾隻字，好聽就叫文宣，唔好聽咪又係飛機文。

唯一希望嘅係，我作為一個香港人，同大家同吸一口氣，將大家嘅愁諸、鬱結一齊呼返出嚟。如果文字能夠給予大家慰藉或更多動力，咁我寫到半夜三更，都真係小小意思，不成敬意。

香港人，你會唔會因為林鄭讓一小步，就畀自己退一步跌落山窿？

Medium Link 在此：https://link.medium.com/TEbDmfhZHZ

全文畢錄如下。

//

由 2019 年 6 月 9 日，反對《逃犯條例》修訂嘅大遊行，到 2019 年 9 月 4 日，特首林鄭月娥宣布撤回修訂，歷經 88 日。比起 2014 年爭取雙普選嘅佔領行動，仲多咗 9 日。

88 日期間，過千人被捕、幾隻眼被射盲、幾隻手手腳腳被斬斷，受傷嘅抗爭者，不計其數。仲有好幾位義士為呢次抗爭而殉身。

- - -

大家仲記得每次抗爭都吶喊嘅五大訴求嗎？

第一，撤回送中惡法；
第二，撤回暴動定性；
第三，釋放被捕義士；
第四，追究開槍責任；
第五，落實雙普選。 (另一說法係「失職高官下台」，你鍾意)

我唔知林鄭同大家係咪有代溝，以上五大訴求，係 “And” (及) 嘅關係，而唔係 "Or” (或) 嘅關係。即係，我去食個 five-course dinner ，應該有湯、前菜、沙律、主菜同甜品嘅。就咁拎碗湯出嚟，叫大家飲撚咗佢就埋單走人，唔單止係取巧，直情係違反《商品說明條例》。林鄭如果以為咁樣已經回應市民訴求，容許我學唐英年話齋：「你呃人！」

- - -

咁又咁講， Bloody Carrie 一直都冇答應過五大訴求。佢喺記者會公開講架嘛，政府唔係唔回應五大訴求，係不答應。哇你老闆，幾撚霸氣。完全係「你有你投訴，我有我態度」嘅表現。

但其實，政府由 6 月 9 日開始，每一日都有充份嘅機會 (即係 24 小時) 去考慮市民嘅要求。就好似一個人去考試，第一日肥佬，第二日可以馬上重考 (現實中係要排期嘅，我知) ，但又炒粉，到第三、四、五日⋯⋯一直連續地考試唔及格，足足 88 次。

然後林鄭今日同大家講，好啦好啦，我順應民意，正式「撤回」 (終於唔係「暫緩」同「壽終正寢」， thank god) 條例修訂。吖，不過另外嗰四個要求呢，我係做唔到，或者堅持用我嘅方法去做。例如話，唔成立獨立調查委員會，依賴完撚全唔獨立嘅監警會去處理對警隊嘅投訴。喂大佬，監警會頭關由投訴警察課把守，根本係自己人查自己人；次關嘅監警會審核，亦唔會因為林鄭嘅友好余黎青萍同林定國加入監警會而變得更有效架喎！

至於其他三項訴求，林鄭分別否認「暴動定性」嘅存在，將起訴或釋放抗爭者嘅責任卸咗個波畀律政司 (仲講到大義凜然，要捍衛司法獨立咁樣樣) ，剩低嘅雙普選就話社會氣氛已經好撕裂，唔好搞住。挑，藉口。

於是， Carrie Lam 呢位重考 88 日嘅考生，今日答題五中一，攞到 20 分，考全班第一！因為全香港都只係得一個行政長官啫，第一又係你，第尾，都係你。

問心嗰句，大家作為納稅人，都係林鄭嘅衣食父母，收到呢份成績表，會直豎拇指讚佢好叻巧威威吖，定係會學啲社團人士咁，攞條藤條出嚟 fit 佢？

- - -

我仲未講一樣嘢。林鄭攞到嘅 20 分嗰題，答案係「喺 10 月立法會復會時動議撤回修例嘅議案」。換句話講，呢張支票仲有成個零月先可以兌現。期間，有 9 月初美國國會復會，審議《香港人權及民主法案》，有中秋節 (我知唔關事) ，仲有 10 月 1 日嘅中共建國 70 年。

政治嘅嘢，一日都嫌長。何況呢一次抗爭，警察鎮壓嘅手法，係以幾何級數咁上升？ 612 喺金鐘出催淚彈， 721 有白衣人血洗西鐵站， 831 有防暴警於太子列車廝殺平民， 903 有少年被㩒頸制伏疑似折斷頸椎。暴力行為眾多，不能盡錄。試問邊一個人可以保證，喺立法會復會表決之前，民意同民氣可以頂住警方嘅鐵腕手段？如果萬一，到十月初市面上回復平靜，甚至一片歌舞昇平，政工作者為咗爭區議會議席而各懷鬼胎，林鄭會唔會反口食言，畀修訂議案繼續二讀、三讀？

或者你覺得我呢個問題好蠢、好無知。 But there is no such thing as stupid question. 香港政府乃至警隊而家最大嘅問題係乜嘢？係誠信破產、日日記者會重複自己都未必相信嘅謊言、對民意置若妄聞、對支持者犯法視若無睹、對抗爭者行莫須有！

人無信而不立。政府嘅歪理 (因為警隊唔鍾意所以唔成立獨立調查委員會) 、警隊嘅指鹿為馬 (吖屌你，開學日個學生因為地面濕滑而仆街？唔係畀你個伙記㩒低？) ，都一步一步咁，破壞市民對於政府官員同警員嘅信任。林鄭講嘅唔係人話，律政司鄭若驊行嘅係中式法治，保安局局長李家超只係關心警員子女嘅人身安全，其他市民嘅仔女就可以唔理。咁樣，政府嘅公信力從何而來？警隊如何正當地行做公權力？

- - -

請大家堅持「五大訴求，缺一不可」。林鄭而家攞咗 20 分，但遠遠不夠。我哋冇可能就咁輕輕放過特區政府，英文好嘅朋友，更加要善用社交媒體，向其他地方嘅人解釋點解香港人唔可以讓步。

因為呀，若然香港人對住呢份 20 分嘅成績表草草收貨，咁民望得返廿零分嘅林鄭就會覺得「我已經做得好好，會繼續咁樣『為市民服務』」。呢個冇誠信而且只向中共效忠嘅特區政府，就會靜待爭議平息，然後繼續大搜捕，清算反政府嘅人、推動香港融入大灣區、攞一萬億出嚟興建「明日大嶼」人工島、全面推行國民教育、為《國歌法》立法，而家仲吹緊《蒙面法》，唔爭在第時立埋「辱警罪」。

我唔係危言聳聽。 2014 年佔領行動，民間慘敗之後，發生過啲乜嘢事，制度有幾暴力，《議事規則》如何被修改，港獨、本土及自決派參選人如何喺議會選舉之中未選先 DQ (或者當選後被取消資格) ，大家都應該記憶猶新。 至於官警鄉黑勾結，至今一直無從追究，日後亦只會變本加厲。

你，真係想咁？請各位繼續堅持落去，謝絕任何「階段性勝利」或「見好就收」嘅講法。政府後退一小步，可以係大反撲前嘅預備動作。而香港早已置身懸崖邊，根本無路可退。我哋，都要對得住為呢場抗爭而犧牲身體髮膚嘅同路人，唔能夠令佢哋嘅付出付諸流水。

我講多次：五大訴求，缺一不可！香港人，加油！