呢幾日見到大家瘋傳亞嬌肥左張相
然後望下d留言
係mean到一個點
利申我絕對唔係呀嬌粉絲
亦對佢無咩好感
細個時 如果問我鐘意呀Sa定呀Gill
我一定揀呀Sa的
有時我會諗究竟係因為上網講嘢唔使負責任
所以d人先咁mean
定其實大家面對面茶餘飯後都會咁講嘢？
我唔係話自己唔八卦
從來唔講人閒言閒語
但呢幾年 可能年紀漸長
對於講說話 我會用心用腦諗過先說出口
尤其刻薄嘅說話
因為我而家更相信
Things go around come round.
今日我口臭左人哋
聽日會有雙倍人口臭返我
甚至報落我對仔女身上
可能大家會覺得好誇張
但真係唔好唔信
你拋咩出去 d嘢係會彈返轉頭
呢個係定理來的
未必今日彈返嚟
但有日總會
所以大家講傷害別人嘅說話之前
自己諗下對方感受先好講真係好重要
呢張相係同強哥岩岩拍拖時影嘅
果時應該係我發育以來最瘦嘅時期
5呎二吋 110磅多
對好多人嘅「標準」來說
一定唔合格
仲好意思同人講果時最瘦？
但對於肥底嘅人來說
一生人都要被別人用體重嚟取笑同量度
其實係一種好大嘅欺凌
所以見到呀嬌被萬人取笑 甚至改圖改花名
其實人係咪有需要咁mean呢？
肥瘦只係其中一個例子
社會上還有好多好刻薄嘅欺凌
都係果句
所有嘢都會彈返轉頭
諗過先好講
#我唔係道德L
#但我信恩果報應
