自問唔喺咩美食達人, 不過呢間餐廳我真心想推薦一下😝
响尖沙咀 Harbour City海港城嘅Niji bistro一直都喺我哋 #私藏飯堂😍 最近去咗發現出咗新menu, 新菜單真喺非常非常好味(對我黎講)!
其實我一向麻麻地西餐, 但 #nijibistro 就喺日式x西式嘅洋食店, 用日式煮法融入西餐, 無咗我抗拒西餐果種大大份令到胃部有負擔感嘅感覺😚 所以真喺好想寫出來分享下比大家, 大家去尖沙咀搵食可以去試下😋
新menu小食我最鍾意薑汁炸雞同明太子秋葵, 炸雞用嫩嫩嘅雞脾肉, 淡淡薑汁味中和左炸雞嘅油膩感, 本身炸雞都已經炸到好爽身, 唔會滴油咁! 明太子秋葵更加喺我人生中食過最好味嘅秋葵煮法呀😍
主菜方面薄切牛肉漢堡用日本醃料醃製同手人手薄切, 岩晒唔鍾意食大啖肉嘅lady👍 新改良pizza更薄身, 唔會食完一塊就飽到嘔咁, 最得意係配埋京都送來嘅七味粉灑上pizza度👍 小朋友必食蛋包飯, 餐廳職員話我哋知喺用A級靚蛋, 同埋最鍾意喺用新鮮蕃茄做個汁, 好健康👍
其實Niji嘅餐具大部份用前日本皇室御用品牌 #Noritake 餐具, Noritake係咩來頭識野嘅一定知我唔多講😁 餐廳旁邊仲連住Noritake餐具專門店, 宜家仲做緊折扣, 喜歡可以去睇下 (食咗2個鐘飯不斷有人買餐具), Noritake餐具最特別有龍貓系列~ 不過咁靚既龍貓餐具就好似無折了~
地址: 尖沙咀海港城港威3208舖
#我好難得寫咁多字介紹美食就知真喺好好味
Search