📣 望阿媽．Set．Go!!!!
一句話形容殘奧田徑賽事多次金牌得主蘇樺偉真人真事改編電影《#媽媽的神奇小子》‼️我一定會話係 #人生必睇電影 。
電影拍得非常感人，從劇本到演員都太好太好，吳君如飾演蘇媽當然演得精湛，表現到現實中蘇媽嘅掙扎同堅毅！想不到飾演蘇樺偉童年、少年、成年嘅梁仲恆、馮皓揚及四歲小演員嘅表演都同樣令人驚嘆！片中嘅蘇樺偉同蘇媽都有好多金句，絕對稱得上人生格言。
//我知我起步慢，但呢個就係點解我要去衝、去追嘅原因，同我條命一樣，我就係要喺後面追上嚟！//
冇人係會輸一世，只要肯努力，就算輸在起跑線，都有機會贏在終點。睇完呢套戲，除咗令人更敬佩、更關注殘疾運動員，對我哋每個人都係一個鼓勵，每當灰心到想放棄嘅時候，諗起蘇樺偉嘅經歷，就會覺得人生如果唔可以走下去，都可以跑下去 💪🏻 學蘇媽話齋「喊咗佢，不如跑咗佢！」我哋仲有好多比放棄更好嘅選擇。
話說，電影真係好多感人嘅場面，尤其作為一個媽媽去睇呢套戲，投入蘇媽嘅角色一定更能體會佢嘅艱辛，「你出世係殘障，冇人會怪你，個個都只會怪你阿媽我。」無論生理心理，做媽媽嘅壓力千斤重。朋友警告我睇呢套戲起碼喊四次，所以我特登冇畫眼線去睇，結果開場3分鐘我已經喊咗兩次，之後一直喊到尾，簡直喊濕口罩，所以各位去睇除咗帶紙巾，記住帶多個口罩去換😅
今次睇 #鄰住創本事《媽媽的神奇小子》特別場，佢哋仲邀請咗吳君如嚟同觀眾交流分享，實在非常驚喜🎉🎉 #我拍咗少少片段同大家分享 🙌🏻 原來蘇媽之前一直都擔心關於殘疾人士嘅戲冇乜人會睇...... 但我睇完之後好想同佢講，唔會冇人睇，蘇媽你係媽媽嘅榜樣，相信所有媽媽睇呢套戲都會被你感動‼️
好多謝「鄰住創本視」邀請我睇呢套咁好睇、咁有意義嘅香港電影，我會再買飛入場同老公睇多一次👍🏻👍🏻
鄰住創本視 一直好支持本地青少年人短片、影視創作，令香港學生可以連結社區不同界別製作既貼地又富意義嘅節目，主題包括傷健共融、少數族裔等，大家都多啲支持佢哋，like同subscribe 佢哋嘅平台，收睇佢哋嘅節目啦。
Facebook: 鄰住創本視
YouTube: www.youtube.com/hksocialtv
#ZeroToHero
#香港電影市集
#Showalker
#撐起港隊 #包括殘疾運動員 💪🏻
#帕奧 #殘奧
我拍咗少少片段同大家分享 在 Yannes Chan Chan | Facebook 的推薦與評價
分享少少 課堂既片段比你地睇下，老師會根據同學既程度去幫我地拉到自己既最大限度，雖然我地係唔係都 ... 好想同大家分享下我早兩日參加左個好特別既拉筋workshop. ... <看更多>