[呢個真係有獎遊戲🎁]
鄧健泓有新歌啦!!!!!😍(係呀係鍾意嗌你全名呀~~~~😂)
但原來呢首新歌未有歌名???!🤔🤔🤔
咁我可以點樣「稱呼」呢首歌呀?😮😮😮
其實Patrick同大家玩緊一個有獎遊戲😎
就係希望大家為佢呢首新歌改個岩feel既歌名啦!🎶
如果想參加記得去Patrick個人facebook既呢個post下留言呀~😊
否則留呢度係唔會中到獎同取錄既🙅♀️🙅♀️🙅♀️
呢首新歌係講關於青春既回憶~😉
聽完真係後生左幾年呀~🤗(雖然小編阿妹我本身已經好後生😂)
而且melody好入腦,我loop緊個chorus呀~~~~😚
識唱一齊唱!!!🎤🎵🎵🎵
拜託大家同我背熟佢,25/2發佈會一齊大合唱啦喂~~~~📢📢📢
-
某段 舊記憶繼續浮現
回味那個春天 青春不可蓋掩
曾踏過了多少 春風秋雨回憶不了
珍惜太少 感覺徒然
掛念 共你的那份堅持
還是愛聽 一起選的唱片
年月每天 耗損 跟你無法倖免
不會逆轉 卻要眷戀
某日我會記起
一切嚮往仍然是你
再度回味 當中一切未老死
那日會再一起 跟你可再從頭細味
幸福歲月裏 總會 遇見你
歲月 烙印於每日跟前
其實已經 跑多圈都氣喘
年月太早揭穿 一切無法預算
仿似歷險 刹那太短
某日我會記起
一切嚮往仍然是你
再度回味 當中一切未老死
那日會再一起 跟你可再從頭細味
幸福歲月裏 總會遇見你
曾經一起 飛千里
無可媲美
某日我會記起
一切嚮往仍然是你
與我常在 當初一切未老死
那日會再一起 跟你可再從頭細味
幸福歲月裏 總會遇見你
幸福歲月裏 不怕老死
-
#我都參加左改左D歌名啦 #我改左好多唔知有冇個中呢 #大包圍策略get #大家多多share呢個post等人支持Patrick出新歌啦 #好好聽 #我愛鄧健泓
(By: 小編阿妹)
[徵:阿泓的新歌等待著一個合適的歌名,你能幫忙嗎?]
各位朋友,大家好。
小弟的新歌面世了,但還没有一個很好的歌名。
在此想勞煩大家幫我一個忙,聽一下這首歌,看一遍歌詞,為這首歌命名一個最合適的歌名。
我會從大家的留言中揀選一個最配合這首歌的歌名,並會成為真正歌名。幸運地被選中的朋友,可以獲得「阿泓」音樂會門票兩張 及 西九龍中心購物禮券$1000。
真正的MV 會在25/2(星期日)於西九龍中心的發佈會中首播。屆時會頒發獎品給予得獎朋友。 備註:所有創作的歌名必須於此帖子下留言為準,截止參加日期為22/2
提一提大家:歌詞中的「你」是代表「青春」。
希望大家多多參與這個改名遊戲,我正等待著大家的創作,為我的新歌添上一個最好的歌名。謝謝大家。
多多支持,多多分享
同時也有3部Youtube影片,追蹤數超過5萬的網紅影像補完計畫 Hong Kong Walker,也在其Youtube影片中提到,今日講下一個個案 A0仔仔的第一次約會 大家的第一次又係點呢?? 影補版主你好: 我係你既聽眾, 我聽左2個月終於約到個女仔出來,仲要做左D好大膽既野。想你幫我分析下一步要點做同埋可以分享多D Alpha 心法。如果要用來做教材就改一改D內容佢。 背景資料: 男, A0內心係毒L,但我...
我改左好多唔知有冇個中呢 在 影像補完計畫 Hong Kong Walker Youtube 的最佳貼文
今日講下一個個案
A0仔仔的第一次約會
大家的第一次又係點呢??
影補版主你好:
我係你既聽眾, 我聽左2個月終於約到個女仔出來,仲要做左D好大膽既野。想你幫我分析下一步要點做同埋可以分享多D Alpha 心法。如果要用來做教材就改一改D內容佢。
背景資料:
男, A0內心係毒L,但我話自己未拍過拖好多人都唔信, 2x歲, 8大畢業, 出左來做野大約年半,以前都曾經返過7年教會,社交圈子唔大
170cm有少少肌肉但唔係好大隻, 自認樣都正常
我認為自己細個本身都有個Alpha底蘊,但個轉捩點係因為小學個時試過欺凌同學而差D要見家長,從個刻開始我就變左個乖乖仔Bata男。一做就做到23歲都係隻Bata仔。 由個陣到出來做野變到好在意其他人睇法,冇左自己,再唔敢做自己心入面想做既野,成日委屈左自己,可能係多種因素造成包括社會,屋企人,親戚同教會。就連平時睇A片都會enjoy 自己投射落D bata男到,但內心都仲有小部分alpha存在。
中學個陣身變都有幾段件可以發展緣份,其中重有2個係去到校花級既,可能因為我個時係運動健將,成日係陸運會拎獎牌,所以吸引到D女仔。但個時因為Bata mind set,覺得自己冇錢唔靚仔讀書唔叻配唔起人地,同埋受到家庭社會教會既影響,係唔會好主動甘去識女仔同埋身體接觸。但同時我自己內心要求都好高下,就算其中一個係校花,但我覺得佢比較拜金同物質主義,心入面都扣左佢好多分。
以前我係完全 get 唔到ioi個D sensor, 依家有返少少concept,先發現原來以前係有好多好機會錯失左。同埋因為冇去追到其中一個校花,我都放唔低佢4年,患左真命天女証,之後都試過約個女仔出街,好快又鍾意人,但因為冇alpha mind set,我輸左比另一個男仔,同時我好大打擊。又試過約個唔太高分大約5分既女仔,但因為覺得佢唔太靚所以都reject左佢好多要求 (shit test),好想快D完左個dating, 甘我feel到佢好想得到我注意甘,但個時都未開始聽影補,即未有溝女mind set。
一開始聽係覺得你講既野同我本身既價值觀好大出入,但後尾經過2個月時間係甘聽,我都開始用左你既mind set去分析溝女。自己每日起身都意識到從內心同講野到行為都要train返做一個alpha要做上把位, 但個內心壓力都好大同埋覺得自己冇料,成日好易入返個comfort zone變返做bata男.因為有時講得講野太alpha會傷害左人地感情,我以前大多數會將人地既感情睇得重要過自己。
女仔背景資料:
2x歲,讀緊8大
佢自己透露有拍過拖, 唔知幾次但下次我會問清楚
高度大約到我膊頭,都比較細小,似個中學生,有100幾度近視但出來好少帶眼鏡。
都可以叫做後生靚女,我大概比7分,雖然未到神級。
佢細個就開始返教會,雖然近年就返得唔穩定。
約會過程:
我係以前教會識佢既, 甘個時我玩遊戲既時候都比較活躍同埋成日贏,可能同玩開運動有關,同埋都幾搞笑,所以都應該係某部分女仔入面留下左個好印象。我隔左5年都冇見個女仔,係有陣時會撞到,因為我地住同一座大廈。近排係IG到留意到佢D 動態,有張係見到佢食糖水既相約佢出來食宵夜。當日都好大膽甘接觸佢同拆佢D shit test, 一陣會係下面分析。
5 languages analysis:
Time: 我地住同一座,但我收工返到來係夜晚11點, 叫佢屋企樓下等我,成個過程食宵夜到返屋企就用左1個鐘,12點返到屋企。我覺得甘夜都肯落來都係有誠意,都係視作為 quality time.
全程佢都比教少玩手機,食野個時放左台到,都幾專注係個conversation到.
Money:
我叫佢帶銀包去食宵夜,AA制,甘我就比左100蚊叫佢去埋單再找返錢比我,個餐宵夜佢應該係比多左幾蛟
Compliment + Conversation:
我就冇咩留意Compliment呢一part,可能太緊張
大家都有講下情史,甘佢都有主動搵話題又問我好多野,又問我幾歲,返緊咩工等等,甘我都叫佢估下先再比佢答案佢。
佢都同講過下D性話題,例如: 講過有次去做part time比人叫左去個成人展到做Check 飛個D,但事前佢唔知,講左D野比我知。
另外就話以前上完游水堂有D男仔係更衣室到一齊打孩機。甘我都回佢,下游完甘累仲打?
我從對話中都透露左自己係處男,甘我問返佢,佢話自己未失身同時佢做左雙手攬住自己既動作。
我都分享左某D中學既熱血運動史比佢聽,甘佢問呢D係咪就係男人既浪漫,我都唔知呢句算唔算compliment.
我都有compliment佢話佢考到入大學好叻,甘佢話讀書都幾辛苦,我話合格就得等等。
當中我都有串下佢。
Service:
因為有少少雨,我叫佢帶銀包帶雨傘落來佢都有做。
食野個時點完餐紙我叫佢比waiter佢有少少reject, 最後我將D餐紙放落佢隻手到,佢都做左比餐紙個waiter個動作。
食完宵夜我就比左100蚊叫佢去埋單佢再找返錢比我。但同時佢比左個shit test我叫我拎住佢把傘,我係佢返來個時即刻比返把傘佢。跟住佢拎住開左既傘同我一齊行, 行行下叫我拎,我問點解佢話我高d同埋佢話最多我叫你做哥哥好冇,跟住我話好,我右手拎傘再將隻手順勢搭係佢個右膊頭上。
一開始佢都行快我半步我都試下追返上去平排或者超前但係有d吃力。
Kino:
一見到我就行近佢,肩貼肩,跟住好快就搭佢膊頭落電梯之後我就話去個廁所,佢就企埋一邊玩手機。我入去廁所放鬆一陣一出返來就係佢後面搭佢膊頭再加句行。
食宵夜前,因為落雨,佢係我右邊,我擔傘個伋隻手想試下成機攬左佢條頸,但過左一陣佢就可能唔慣就走返出來,甘我地就肩貼肩再行,當中我轉手拎傘再搭住佢膊頭行。我都試過捉佢隻手摸摸我個肚話有肚腩,但佢都好快又縮開左。
食宵夜中間,因為坐位問題,90度角甘坐,身體接觸比較少,但我食野個時都有試過扮食食下野用隻右手背貼一貼佢隻左手背,一開始可能我bata底,我縮開左,跟住我提醒返自己要再放返隻手去貼佢隻手背(當係玩左下推拉),而佢係竟然縮開到。
到食完宵夜,走個時我右手拎傘再將隻手順勢搭係佢個右膊頭上。
當中我有轉好多姿勢試過放手,肩貼肩feel下仍有冇彈開,係冇彈開既。
跟住過馬路我成機將隻手由膊頭轉佢攬住佢上臂,再用D力將佢貼近我,都係成功。
再試埋之前唔得個個動作就係拎傘槁住佢條頸,甘今次就成功左,冇彈開。
但係我試多次拎佢隻手摸我個肚腩但佢都係快又縮開左。
有個位個印象好深刻,就係過另一段馬路個時,因為綠燈閃緊,甘我搭佢膊頭行快D, 佢突然有隻手捉住我搭佢膊頭個隻手掌,甘我好自然甘用力回握佢,即係你以前段片話個女仔會比力握返你轉頭個野,後尾我分析返我都應該係沉左船鐘意左佢。過完馬路我就輕開再加多句岩岩好紅燈。
食完走個時行樓梯,我收返把傘比返佢個時,佢都係行得有D快,跟住我話行慢D,佢就企係到等我,我再上去搭佢膊頭一齊行。
到屋企樓下個時我就用搭膊頭個隻手,擰一擰佢個下巴望向我,跟住佢好怕醜甘樣喂呀左我一聱,但就離開我身邊既,但未夠大膽同覺得時機唔岩,側邊有人,所以我都冇kiss埋個女仔。
去到最後搭lift個到,我捉住個lift側邊D扶手,但成手將隻手背貼到個女仔條腰,甘佢就企係個角位,又冇縮開既反應,唔知係接受定係因為冇位走先唔縮開。但入lift個時佢就好似冇咩表情甘。我出lift搭佢膊頭話下次再約佢跟住我就走左,佢都好似冇咩反應又冇咩表情,呢個位令我有D猜唔透。
甘你話拖同攬去到邊一步,其實我自己都分唔到,因為又好似拖唔到攬唔到,但又有某D身體接觸。
kino 上一兩步退一步可唔可以講多少少。
Shit test:
拆shit test個陣,真係要反應好快,同埋要有意識,唔係就好容中招。好彩我平時都識搞笑,講野都有返D根底先拆到。
我提醒自己要有個自我意識,但有陣時就好自然甘就唔好行左bata flow, 可能係潛意識太耐,希望平時生活都會tune返做alpha mind.
約出來之前,佢真係唔係好信我約佢,叫我講10次真 既比佢聽,我緊係睬佢都傻啦。
感想:
約會完係有後遺症,可能我第一次甘大膽做D甘既野,對個腦好大衝擊,所以約會完我係成日諗住岩先做左D咩,有咩做得好有咩要改善,kino左佢邊D位,成晚係太緊張失眠訓唔到。不過我相信人係有mental adaption, 做多幾次得個腦習慣左就冇事。
話哂第1次,都好容再患真命天女証,好怕自己沉船。
完左之後我都冇再IG搵佢,佢都冇搵我。我第2日夜晚再IG佢約佢,來緊想下星期約第2次,打算一星期約一次,但佢話有測驗,話遲D先,我都盡量用上把位方式試下說服佢出來。雖然係有好多kino, 但係我有D質疑都唔知佢有冇鐘意我。
溝女有膽真係好重要,我係第一次甘大膽對女仔做D甘既野
另外就甘day game抄牌我都仲未夠膽,可能有D活動同D女仔一齊玩到熟左甘樣再抄牌既方式我可能比較容易上手。
社會上教人做一個nice guy對溝女來講真係幾恐怖下,由我開始我有機會既話第日會train自己個仔日做一個Alpha.
同埋因為有基督徒既關係,去到摷同扑我諗自己都要過正好大既心理關口,同埋要有技術。
影補溝女計劃:
多謝網友一直支持
也收到很多網友既email
始終溝(真命天女)是一門大學問
如果你一直有溝女上既疑問
想多個人探討
歡迎參加
月費: email 問吧!!
在whatapps 上可以任問有關溝女既問題
one on one
每日都會發放簡易溝女攻略
有興趣 email 我吧
nyksuperman@yahoo.com.hk
blog:
https://learningpickup2018.blogspot.com/
facebook:
https://www.facebook.com/%E5%BD%B1%E5%83%8F%E8%A3%9C%E5%AE%8C%E8%A8%88%E5%8A%83-244250179271606/
IG:
https://www.instagram.com/learn_relationship/
paypal 捐贈
PayPal.Me/nyksuperman
我改左好多唔知有冇個中呢 在 李根興 Edwin商舖創業及投資分享 Youtube 的精選貼文
第106個故事《哈佛知識分享: 中國人及猶太人搭火車的故事 - 如何競爭?》
從前有對中國夫婦及猶太夫婦搭火車去旅行, 佢哋爭拗什麼人做生意最叻及如何買票.... 結果如何? 及對做生有什麼啟示呢? 佛教授 David Collis 教我...
日之苑外賣到會熱線: Otto 9273 3330 ( 西環/西營盤/上環/北角)
.......................................
內容全文:
聖誕節? 梗係想去旅行啦。好耐之前有對中國夫婦去旅行,係火車站排隊買飛嘅時候遇到另一對猶太夫婦。 佢哋傾左幾句計之後, 就開始爭論咩人做生意最叻。
中國夫婦話:「 梗係中國人做生意最叻,最講原則同道義!」
猶太夫婦話:「 猶太人仲叻啦,數口最精,同識轉彎!」
中國夫婦回應:「做人要頂天立地, 下下轉軚有乜用!」
猶太夫婦話,「費事同你拗。你哋今次搭火車諗住買幾多張飛呀?」
中國夫婦答:「梗係兩張啦! 你傻㗎,咁都問。」
猶太夫婦話:「咁我哋買一張就夠啦! 」
中國夫婦覺得好奇怪囉,點解佢哋一張飛就可以兩個人撘火車去旅行呢? 上咗車之後冇幾耐,車長就過嚟check飛。 猶太夫婦見到車長嚟,就兩個跑跑跑跑,跑咗去前面嗰廁所嗰道匿埋咗。 車長敲門話: 「驗飛,驗飛!」 猶太夫婦就係個門罅度,涉一張飛出嚟俾阿車長。 就係咁,佢哋就過咗骨, 安然無恙咁返番去個座位度。途中,仲對住個中國夫婦陰陰地「笑」咗下。
火車到達目的地之後, 兩對夫婦都玩得好愉快。 過年後回程嘅時候,又喺車站碰到大家。
猶太夫婦問: 「今次你哋諗住買幾多張飛呀? 」
中國婦夫老公唸一唸,改口話:「今次我哋買一張飛!」
猶太夫婦就回答,「你哋買一張呀,咁我哋就唔駛買喇!」
中國夫婦又覺得好奇怪,點解佢哋唔使買飛呢?
上咗火車之後,車長過一陣又過嚟check 飛。 中國夫婦一見到個車長後,就跑跑跑跑跑,跑咗去前面個廁所道匿埋咗。 之後有人敲門, 話「驗飛,驗飛!」
之後點呀?
原來敲門嗰個係猶太夫婦,佢就攞咗張中國人嘅飛之後,就跑跑跑跑跑,跑咗去更前面個廁所道匿埋啦。 唔使再講落去,你都知道個結果係點啦!
故事帶出乜嘢理念?
做生意千祈唔好人做你做,盲目跟隨。根據哈佛教授 David Collis 佢話做生意有三個C,(1) Customer 顧客,(2) Competitor 競爭對手, (3) Capabilities 自己能力。 ABCD 呢四個位,你應該把資源放喺邊度呢?
A. 就係有顧客需求,有競爭對手做緊,而你自己都識做, 可以入去同佢爭。
B. 就係有顧客,有競爭對手,但自己唔識做。
C. 就係有競爭對手,自己識做,但無客。
D. 就係有客,無對手做緊之餘,自己又識做。
答案係.... D. 教授話應該把所有嘅資源專注喺D嘅位置, 即係有顧客需求之餘,無競爭對手做緊,自己又識做嘅地方。 呢個就係叫做 competitive sweet spot 競爭最佳優勢點.
例如上星期TVB 訪問過嘅立食壽司,冇得坐,企到你攰快啲走,但咁做可以加快轉流, 把資源投放喺更加好嘅食物質素回饋食客。 或者之前借出場地拍「十大定價策略」的我哋個租客日之苑,做好多 mini party 到會 Omakase (廚師發辦),party organizer 唔駛煩,客人有驚喜, sushi 仲可以配合埋主題。大家都係有人客需求,競爭對手唔做,但佢又識做。我專注做商舖基金, 點解依家點解錄呢個video畀你睇,都係同樣道理。
做生意,你一定要搵到自己嘅 Competitive Sweet Spot,而唔係不斷地同競爭對手係同一點互相撕殺,咁只係一個 Competitive Dead Spot (競爭死點),最終只會屍橫遍野,大家都無錢賺。 好似上面火車飛咁,慢人一步,仲更加死先。 你想做上面嘅中國人定猶太人,你嘅 Sweet Spot 又係邊呢? 不妨趁假期,叫啲壽司到會唸唸啦。
日之苑外賣到會熱線: Otto 9273 3330 ( 西環/西營盤/上環/北角)
我改左好多唔知有冇個中呢 在 李根興 Edwin商舖創業及投資分享 Youtube 的最讚貼文
《第74創業知識: 哈佛知識分享 - What is Leadership? 》
- 哈佛兄弟的「賣梳給和尚」 Case Study
從前有兩兄弟,細佬就去咗哈佛讀書,阿哥就去咗哈佛增髮。 有一日,阿細佬就突然間同阿哥講:
細佬:阿哥一齊創業喇!我哋去賣梳比和尚。
阿哥: 你傻㗎,和尚個個光頭,邊度洗梳頭。
細佬: 佢哋係光頭,但佢哋都要搵食㗎!
阿哥:咁關你乜事
細佬: 做生意,人客嘅事就係我哋嘅事。如果我係和尚,我都想改善生活,先至能夠更全心全意奉獻俾佛。但只係依賴信眾嘅燈油捐獻,佢哋個個都收入有限。 因此我已經搞咗幾次focus group,問咗一百個和尚佢呢想點, 其實佢哋個個都想「唔好太牟利」地搵多啲方法搵多啲錢。
阿哥: 咁即係點呀?
細佬:網上有個乜李根興嘅粉腸成日話唔好喺乞兒兜入搵飯食, 但幫佢哋去搵食呢就反而可能係條財路喎。 所以我哋唔應該賣梳比和尚,係應該幫和和尚去賣梳。 當然我唔係指佢哋係乞兒啦。
阿哥:阿李根興咁nice,梗係唔係咁嘅意思啦。
細佬: 嗱!中國有13億人口,當中兩億信佛。 就當佢哋每年只係去一次寺廟,等於每年就有二億個潛在顧客。 嗰啲善男信女,次次都風塵撲撲咁去到寺廟到拜神, 目的都只係希望積下善,同埋保平安啫。 如果我哋能夠叫啲大師為梳子開光,臨走前賣畀嗰啲善男信女成為佢哋嘅護身符。 男嘅就叫做積善梳,女嘅就叫做平安梳, 到時一定會大賣。每把梳賣十蚊,自己用已經每年廿億收入喇。 未計送俾親朋戚友嗰啲添。
阿哥: 細路, 善哉、善哉,係喎。
細佬: 我目標係每年要賣出兩億把梳俾和尚用來保佑信眾,咁和尚收入多啲,信眾又更加能夠積善平安啦。
阿哥:咁點賣呀?
細佬: 全中國咁大,我哋有三樣嘢先要做好。 (1) 先搵十間分佈喺各省市嘅廠, 用最低成本做出最靚嘅梳先。(2) 再搵起碼一百個sales 去全中國嘅寺廟嗰度sell 俾啲和尚同方丈賣積善梳,同埋平安梳嘅好處。(3) 再建立物流嘅網絡,咁遇上佛誕、初一、十五嗰啲日子呢, 出貨入貨就可以更加貼市啦。
阿哥: 好喎,我星期日教堂有100個兄弟可以嚟幫手。
細路:錯啦,sell 得俾和尚, 一定要同聲同氣,加上佢哋日日喺寺廟入面咁枯燥,梗係要搵啲信佛(唔係信耶穌)同多啲靚女嘅sales 啦。 我哋每朝早要開會傾下搵邊間嘅和尚寺去sell,出發去sell 佢哋,同埋第日要檢討下點解sell 得成或者唔成。 我哋會將成個中國分成起碼廿個區, 每個區有個區域經理孭起每年賣一千萬把梳條數。邊個sales 賣出超過一百萬把梳,就會升職加薪。 我自己都每星期落區,去一間和尚寺道sell埋一份, 同方丈/和尚建立關係,我有實戰經驗先至能夠輔導其他sales sell 多啲。
阿哥: 細佬,你係哈佛大學真係學到嘢喎。
細佬:咁好嘅「和尚賣梳」idea, 你同我兩兄弟就聽日去籌錢創業啦。但今日起,為表我嘅決心,我會轉食齋、剃光頭,咁先至可以見到和尚時同聲同氣。 阿哥,你唔使再去哈佛增髮啦, 剃光佢啦。 慳番啲錢下去哈佛讀書好過啦。
我而家身在Boston,又返左嚟Harvard 呢道學 leadership 領袖技巧。 以上故事,我目的唔係想講宗教,但根據哈佛教授 Robert Kaplan 佢話做領袖,來來去去都係講要有 Ownership Mindset 承擔責任感: What do believe 你嘅信念係乜, Have you acted on it 你行動左未, and Add Value to Others 為其他人增值.
有嘅,執行再講 Vision 願景 , Priorities 優先重點 and Alignment 言行一致. 如果你做齊以上七樣嘢,你就可能係個好領袖, 好大機會人哋會跟住你行同埋做出成績。
(1) 先講 Ownership Mindset 承擔責任感。你有冇覺得嗰樣嘢係你自己嘅呢? 屋企地下污糟咗,你會唔會執?你隻腳痛,會唔會去睇醫生? 會?呢個就係 Ownership Mindset. 但老實說,生活、工作、甚至乎家庭,你係唔係覺得好多嘢都唔關你事,當睇唔到呢? 呢個就係無Sense of Ownership. 要做好領袖?你先要有ownership, 呢個係最根本 。 等於你要做個好爸爸媽媽,起碼要個胚胎先啦。 無嘅,乜都唔使講。
(2) What do you believe in? 你有咩信念? 我唔知你想拯救地球,定解放宇宙。 當你覺得自己係個Owner 嘅時候,你對嗰件嘢你想佢點呢?
(3) Have you acted on it 你有乜嘢行動? 諗?冇用㗎, 你做咗啲咩去實踐你嘅信念呢? 我最憎啲人呢就係話:「我當初都知唔得㗎啦!」 兜腳西埋去,不知所謂,馬後炮 。知道又唔早講?
(4) Add Value to Others 為其他人增值. 如果你做嘢只係為自己,無人會跟你。 幫到其他人嘅,自然追隨者外來嘅動力會大好多。
唔好講到咁複雜,睇返個哈佛兄弟你就明。
Xxxxxxxx (重複部分內容)
有左以上的四個基本條件, 咁點樣去執行呢? 教授Robert Kaplan 佢就提到要有 Vision, Priorities and Alignment.
(5) Vision 願景, 就係你想達成啲乜嘢? Is it distinctive? 是否獨特呢? 做到之後, 呢個世界係咪會好啲呢?抑或人做、你做,世界無左你其實都無乜所謂呢? Vision is where to go and the "why" of what the company is doing every single day. 我嘅Vision 就係要成為全香港賣舖最多嘅公司,令到更加多人可以買舖唔駛煩,一舖養三代。
阿哈佛兄弟嘅Vision 呢?
(6) Priorities 優先重點, 就係你要先專注做好邊幾樣嘢。 乜都做,等於乜都唔做。 同一時間做十樣,等於十樣嘢都做唔好。 最好專注做好三四樣嘢已經夠。 呢三四樣嘢,可能係人事管理、可能係資訊科技嘅發展、可能係產品嘅創新。 我呢?就係買舖、搵租客、幫佢哋做生意、賣舖同再幫租客做生意。
阿哈佛兄弟嘅Priorities 呢?
Xxxxxxx (重複部分內容)
最後,(7) Alignment 言行一致。 有咗Vision (where to go and why go there?) 之後, 有埋三四個priorities (what to do?) , 最後就好似揸車咁, 四條車呔要同一方向,一致先至去到嗰道啦。 嗰四條車呔就係People 請乜嘢人、Task 每日做乜事、 Organisation 你公司有乜架構、點出糧、獎罰制度又點呢? 同埋You 你自己。 你每日喺度做緊啲乜呢?你嘅leadership style 領袖風格又係乜呢? 你會唔會講一套,日日自己去打Golf,又做另一套呢?
又聽多次哈佛兄弟點?
Xxxxxxxxxxx (重複部分內容)
聽完以上七樣嘢,ownership mindset, what you believe in, take action, add value to others, vision, priorities and alignment. 你做咗幾多?你又係咪一個好領袖呢? 唸唔通?得閒來下哈佛或者索性剃光個頭諗通佢啦。