早前獲母校邀請,回校當中六同學畢業禮的主禮嘉賓,受寵若驚。
母校「崇真書院」對我的意義很大,我除了是屯門校的第一屆畢業生外,我也在那裡認識了我太太,我們也是第一對回學校禮堂舉行婚禮的舊生。這天回來,太有意思。
之前老師相約之時,大概只聯想到負責「上台講幾句」的層面,到達後才發現「主禮嘉賓」原來是連進場都站在最前,在台上坐在正中央,主持、嘉賓發言前跟在場人士打招呼時,都會先稱呼我的名字「陳詠燊先生」,之後才到校監、校長…,真的……除了受寵若驚,已想不到任何形容詞了。
在這個時勢,這個時代,在自己母校,面對著一班年輕的學弟學妹,還要擔任他們的畢業禮的主禮人,確是百感交集。而我最想做到的,就是將我在母校感受到的信任與愛,加以傳承到他們身上,讓他們能夠勇敢地去迎接未來將會越來越嚴峻的挑戰。
當日我要負責一段大約十分鐘的演詞,演講的主題是《逆境圖強》,身為編劇,我當然對講稿最著緊,終於改了又改之下,之前一晚寫到凌晨六點半,只睡了四個小時就要趕著出門。
為甚麼這篇講稿那麼難寫?因為這個年代的每一位年輕人,所面對的挑戰根本就比我當年更大,他們很多根本就比我更加出色,我哪有資格教大家怎様「逆境圖強」?我好像他們那麼大的時候,還只坐在班房抄歌詞,想我自己的將來;他們呢?已經面對著大世界。
我能夠被邀請到來與大家分享,只係因為我早出生,比他們多了一些事業上,或者生活上的人生經驗,而不是因為我比他們更出色,甚至他們可能早就比場内在座的很多成年人更出色!我只想到,作為父母、師長,最需要的,就是好好地,對他們付出信任與支持!
當日的講詞,遲些整理一下,再與大家節錄分享。再一次感謝我的母校,特別是一直關顧著我的杜首南老師。
祝各位同學畢業之後,都可以做一個你相信的自己,你愛的自己。
#原本打算過懶有型地穿件T襯件西裝褸著白波鞋
#好在最後還是穿了整齊西裝出席否則就under dressing
#呢啲場合我點會冇碬碌發生
#好莊重咁坐低咗之後主持突然叫我個名
#我立即企咗起身
#原來佢只係開始講嘢前有禮貌地逐個嘉賓打招呼
#旁邊的校董叫你坐返低得㗎喇
#之後我又發現我甩咗鞋帶
#幾百人望住點様可以在台上綁鞋帶
#終於成場演講甩住鞋帶咁做
#點知中間有個位有同學送張大畫畀學校
#我趁張畫遮住我嗰三十秒綁好咗條鞋帶
#我都覺得我自己好勁
#否則落台嗰時仆喺度就再寫下新歷史
同時也有2部Youtube影片,追蹤數超過64萬的網紅杜汶澤喱騷 Chapman To's Lateshow,也在其Youtube影片中提到,正所謂「幸福唔係必然」,尤其呢排香港人嘅幸福感一定低到極點! 假如你最近,每日由起身開始,無論搭車返工到放工返到屋企,都係Keep住睇新聞,期間出現燥動不安、難以集中精神,甚至覺得無咗愛同快樂嘅感覺?咁就要停一停唞一唞,睇下LateShow唔使愁!一齊聽下CEO教大家點樣從小事,提升大家嘅「幸福感」...
我立即企咗起身 在 杜汶澤喱騷 Chapman To's Lateshow Youtube 的最讚貼文
正所謂「幸福唔係必然」,尤其呢排香港人嘅幸福感一定低到極點!
假如你最近,每日由起身開始,無論搭車返工到放工返到屋企,都係Keep住睇新聞,期間出現燥動不安、難以集中精神,甚至覺得無咗愛同快樂嘅感覺?咁就要停一停唞一唞,睇下LateShow唔使愁!一齊聽下CEO教大家點樣從小事,提升大家嘅「幸福感」!
#杜汶澤喱騷 #為何深夜總是餓 #LateShow #全民做兵 #我要做蝴蝶#小杜燒熄 #教育電視 #CEO盤問室 #chapmantolateshow
=========================
【喱騷關愛課金計劃】
?立即用轉數快/銀行轉帳課金:
http://bit.ly/2YAkJBz
=========================
【一週節目重溫】
?《為何深夜總是餓》:
16/8-蔬菜鱗片魚配白牛油汁 (http://bit.ly/2KOKBjG)
⚪星期三《LateShow》:
14/8-大男人VS小男人 (http://bit.ly/2Zd5tKI)
㊙不定期放送《CEO盤問室》
19/8 -第三集 黃秋生(http://bit.ly/31RNgzT)
?不定期放送《全民做兵》
31/7 -第三回(http://bit.ly/2YfxXnf)
⚫不定期放送《我要做蝴蝶》
12/7 -第五回(http://bit.ly/2XNOo5c)
?不定期放送《小杜燒熄》
29/7 - 黑警打人(https://bit.ly/2YANnlc)
⭕不定期放送《教育電視》
26/7 - 搓乳無限Touch 第一回(http://bit.ly/2YqQNai)
=========================
?杜汶澤喱騷Chapman To’s Late Show YouTube Channel:
https://bit.ly/2K5ZyPL
?豬友會專頁:
http://bit.ly/2ILA3Ee
![post-title](https://i.ytimg.com/vi/ZEeZEoXywew/hqdefault.jpg)
我立即企咗起身 在 飲食男女 Youtube 的精選貼文
自從港鐵開到老區西環,這店消失了,那店漲價了、味道不再了……
1967年開業的祥香茶餐廳,一杯奶茶依舊獨步城西。
「沖奶茶邊有秘密!最緊要工多藝熟,同靚茶葉。」老闆周錫豐73歲,40個寒暑就埋首這茶、這店。
颯爽健步日漸蹣跚,店亦老了,相伴相隨仍是如友的街坊、像家人的夥計。
「做人都係要有情有義。」周老闆說。轉瞬,他笑:「但到阿仔呢一輩唔work啦!」
隆隆打樁聲此起彼落,對面型格豪宅正賣得火紅。兩子跟在身邊近20年,實務接了,「情義」也種了,都說:「夥計就是財產。」
不論早晏、人多人少,祥香都是熱熱鬧鬧的。茶餐廳總共不過千五呎,樓上雅座靜一點;樓下客至,夥計光哥或阿卿即刻迎來,在水吧的成哥、守火位的全哥已經揚手打招呼,未幾大家已談高鐵、講波經。
熟客冰姐說兒子今年46歲,「佢未上小學我已拖住佢嚟。以前湊仔煮飯,當然滾水淥腳;退咗休,我起碼坐一個鐘。」這裏生客熟客,都不會催你埋單,隨便hea。
有些客早餐見,下午茶又見。林先生一周來4次,「最靚咪係奶茶囉!蛋撻、咖啡、雞尾包嗰啲唔錯。」祥香廚房小,食物貴精不貴多。麵包沒特定出爐時間,這樣快賣光就焗那樣,新鮮熱賣,一律4元,只是連鎖店的一半價錢。最搶手是蛋撻和蓮蓉雞尾包,前者最高峰日賣30多盤,牛油酥皮夠鬆化,蛋漿用密篩隔走蛋黃的薄膜,又下了鮮奶,滑不溜口;後者全港罕有,口味獨特。都是承上手製作,周老闆改良過,減糖減了牛油。
又香又濃的奶茶,更是熟客們的「例牌」。周老闆選取錫蘭一級茶,自家混合粗茶、幼茶、香茶,「外面好多茶葉係現成嘅,撈好晒,不過我信唔過。」茶葉一星期撈一次,每次200磅;想當年用人手撈,大汗疊細汗,好辛苦。眼前的老爺茶葉機,油漆剝落,但已順暢地運作了超過20年,原是他和夥計研發出來的,「慳咗人力,同埋分量、茶味可以自己控制。」
一杯奶茶,周老闆表示要茶色靚、有茶味、有香味,茶夠滑。人家表演沖奶茶,忽高忽低十足做雜技。周老闆笑言不用「花巧嘢」,茶拉兩三下就已足夠;拉茶動作在於看茶的顏色:「一壺茶裏面有14杯茶,滾好出嚟嘅我哋俗稱『新茶』,『食奶』比較少,『中茶』又多啲,去到最尾兩三杯我哋俗稱『老茶』,比較嚡口,搭多啲奶落去。」
所以,一杯奶茶要講究平衡,「奶同茶嘅比例係要靈活變通,對客、對夥計都一樣。」
今夕何年 1967……
祥香在1967年開業,上一手做了11年,周錫豐和父親周任泉接着頂手。當年父親的商業登記店叫「祥香園」,但上手「祥香茶餐廳」的銅字招牌,一字沒改,至今掛了40年。
父親之前在同區的東邊街與人合營茶居,自己是個職業司機,「爸爸勸我,你今年已經33(歲)。你唔學做生意呢,將來就只係個司機。」其時周錫豐已是三子之父,家擔漸重,給父親說到心坎裏,同意轉行求生機。
當時他住在九龍城,每朝四點半天都未光,就坐通宵小巴過來西環,率先回店開水電掣,準備就緒就到附近的員工宿舍叫人開工,「有啲夥計仲未起身呀!」事實上,早更由凌晨五點開始,為了留人,從頂手那年起,他們已供給宿舍。
父親不懂煮,擔當管理角色;周錫豐由零學起,櫃面、樓面、水吧、製造部、洗碗一腳踢。雖然辛苦,但相比揸的士,「心情輕鬆咗」,因為收入從此穩定下來。
夥計 就是財產
做生意,周錫豐認為最緊要有好夥計。「夥計心情靚,對客人係好啲,有好多笑容。」
在最困難的沙士一疫,夥計願意減人工,共渡難關,「所以,我覺得我呢班夥計好有人情味。」事過15年,他仍然記在心。「楊梅到處一樣花,夥計好嘅難搵,佢想搵好老細亦都難。」後生時,他有時不回家,同夥計「一齊喺宿舍瞓,一齊去消夜,大家好close。」當中不少至今相處了二三十年,夥計都叫他「豐哥」。有人鬥氣,他就居間排解,「大家一齊做嘢,見同事多過見自己的親人。「就似同坐一條船,都想開開心心啫。」
對夥計,他有求必應,借錢好少托手踭,數目由二三萬到十幾萬都有,「大家咁耐朋友,好似兄弟無分彼此。你對人好,希望人哋對番你好。」人善,難免被人欺。不時有人走數,通常一萬幾千;曾有個夥計借了五六萬,「講屋企難處博你同情,又話欠大耳窿錢,我希望佢還咗債,喺呢度專心做。點知幫咗佢,佢唔返工,石沉大海。」
雖然,他失望很多次,但仍堅持「做人都係要有情有義。」不過他補充:「到阿仔呢一輩唔work啦,社會改變咗,走我數嘅都係啲後生。」哪下一代如何管人,他不置喙,「要靠佢哋自己去摸索啦!」
近幾年他半退休,茶餐廳交兩個兒子打理:一個負責人事入貨,一個管賬。他天天仍舊返店和夥計食飯,過時過節福食固然豐富,每月初二、十六做禡必備一煲靚湯給夥計。
「我老闆風雨不改返來食飯,一定同我哋食。由佢哋第三代幾歲大佢就帶住我哋做,有份感情存在嘛,即係屋企人咁樣。」做了20年、管理水吧的成哥說。他打趣說,假如自己去第二處肯定無法生存,因為不習慣,「我哋都試過出去做替工,同事老細之間唔係咁樣。」他指老闆從沒罵過大家一句,接手的太子也一樣。
做樓面的光哥在祥香三十多年了,一樣盛讚豐哥對人人都好,也實話實說:「唔係年年加人工,邊做得咁長呀!」他娶妻生仔抱孫都在廣東老家,幾十年在西環樓下返工、樓上瞓覺,祥香就是他的家。雖然不時跟熟客搭訕,他手腳並沒因此停下來,抹完枱,又一支箭去招呼客人。
「夥計就係財產。爸爸教我同夥計融洽啲。」周老闆的孻仔啟文說。他自言讀書不成,二十年前回祥香幫手。賣麵包、入水吧、做樓面……甚麼都要懂都要做,無人開工時有壓力,無生意時又有壓力,「樣樣都經人手,我自己有幾多對手呢!所以要對夥計好啲。」
但願 情長久
大哥啟東一樣要賣麵包、做櫃面,朝朝清晨五點返早更,到弟弟啟文回來,他就計數理賬,落場四五個小時後又回來做到六七點收鋪。他是半途出家,之前做過股票,開過軟件公司,當年不太好景,剛巧父親做了手術需要休息,便開始替父親返早更。
「做飲食業都係困身嘅。」架着眼鏡、斯斯文文的他笑說。
「以前做股票(我)就係做盤房嘅,最緊要係快、準;好緊張,因為唔可以錯。呢度有啲叫做人情味,街坊真係好熟好熟好熟,嘻嘻哈哈又一日,做得又幾開心。不知不覺咁又差唔多16年喇。」重要的,說了三次。
祥香客多是本區人。周老闆形容2014年底港鐵通到西環,是店鋪繼沙士之後的第二個艱難。「一開始時,周末真係好旺,但過咗一段時間就靜晒。」啟文說。
交通便捷了,居民外出多,很少留在本區消費。人流減少,鋪租卻在升。祥香鋪位由78年租到現在,周老闆解釋為何不買:「有錢難買心頭願,業主不賣,你永遠買不到。」地產狂潮席捲過來,小店最易沒頂。幸好,業主相當講理由,沒因西環通車即瘋狂加租。但鋪,始終沒話事權,令他患得患失,「周圍的租金都升得很貴。誰不要錢呢?所以我也有一個憂慮。」
「有得做就做,做得幾耐就幾耐。」孻仔啟文說。
今天,三個兒子已經成家立室,周老闆最感欣慰。「我嘅責任就完喇,祥香等佢哋搞啦!」自己每日返鋪跟夥計食飯傾偈,見見熟客,就好開心。幾年前,他已懂抽身得自在:「我自己真的要交給後生做。佢哋喜歡就繼續做下去,有飯開就算,唔好理咁多啦。」
撰文:韓潔瑤
拍攝:關永浩
祥香茶餐廳
地址:西環堅尼地城卑路乍街107號
電話:2855 7911
===================================
立即Subscribe我哋YouTube頻道:http://bit.ly/2Mc1aZA (飲食男女)
新店食評,名家食譜,一App睇晒!
立即免費下載飲食男女App: http://onelink.to/etwapp
《飲食男女》Facebook:http://www.facebook.com/eatandtravel
飲食男女網站:http://etw.hk
Follow我哋Instagram,睇更多靚片靚相:http://bit.ly/2J4wWlC (@eat_travel_weekly)
![post-title](https://i.ytimg.com/vi/phHFw-XGQ-o/hqdefault.jpg)