晨早的一篇勵志文......
「當你見到香蕉奶 拎住把結他，戴起副圓碌碌眼鏡．掃下CHORD就能夠自稱藝術家…挽歌之聲唱歌咁難聽，填詞咁垃圾，都有你地讚好；唉瘋人唔識字都出到書。」
我一向貫徹就算一張廁纸，一條底褲都有用處的宗旨來做人的。
所以一直說自己是零的人，你看看梁振英可以做特首，垃圾桶都可以做局長，挽歌之聲都可以有＿＿＿（大家猜猜），我這個人人口中目不識丁的MK仔都可以做偽文青的時候......
不容易，一切真的不容易。
你們還在妄自菲薄嗎？
BTW，感謝挽歌之聲這個衰鬼，不枉我花了兩個多小時吃了一頓雞煲跟他一同領悟出這個多麼勵志的故事。
喂，有讚就會強大，給一個讚好好嗎？
《當一個社會變成咁，幾有錢都無用》－－是日廢嗡
讀書，搵工，賺錢，買樓，再賺錢，好似成為左生產工廠入面嘅程序咁。
當中嘅學校，公開試，唔同行業，就變成左工廠入面嘅分流工具。
可能好多人心入面嘅《我的志願》當中，答案依然會有「醫生」、「律師」，偶爾出現「暗角公安」、「忌廉撲火人」等等。
但係「音樂人」、「設計師」、「作家」、「畫家」等等嘅詞彙，似乎無跡可尋。
反而當你見到「物業持有人」果陣，卻會心微笑。
大家一向都知道，興趣好少可以當飯食。
夢想只應該留係夢入面。
但而家個社會已經現實到好似話緊你知：興趣無可能當飯食。
倒不如索性放棄左個興趣，收起個夢想連夢都唔好發。
再加上好多人鍾意睇低自己：反正我都唔掂；不如趁早收皮啦。
愈來愈多連第一步都唔敢踏出，唔敢嘗試嘅人。
最後投身咸魚生產工廠。
去到人老左，生活方式固定左，儘管有投資於興趣嘅能力，卻失去左實行夢想嘅熱誠同衝勁。
我記得自己第一個用黎錄音嘅咪，只係一個街邊電腦店廿蚊有交易既聊天型咪。
錄完膽粗粗放上網比人聽，每一個點撃同回覆都好似推動緊我去錄下一首咁。
當你見到香蕉奶 bananaooyoo拎住把結他，戴起副圓碌碌眼鏡．掃下CHORD就能夠自稱藝術家…
挽歌之聲唱歌咁難聽，填詞咁垃圾，都有你地讚好；唉瘋人唔識字都出到書。
點解大家仲要妄自菲薄呢？
有時候唔需要你傾家蕩產去發展自己興趣，可能小小一步已經令你得到莫大嘅滿足。
而就係呢小小一步，都可以令你抱憾終生。
有夢，就會強大。
