龍門冰室高質用心食評（必睇）
人人都話難食，連鐵粉都話難食，我唔信，野食可以有幾難食？
如果你唔識煮野食烚熟點啲豉油，煎熟點落d鹽，可以有幾難食？
去到當然先叫個老細要call齊採訪隊，著晒西裝，人地打緊仗都唔係去派飯，然後要唔知邊個學左煮既「龍門招牌咖喱」😍
先唔講食物，我第一次見餐廳比呢d膠兜，有番我bb仔時食野既回憶🥰🥰🥰好窩心
個飯一睇乾晒水，凍既，食落去散既，唔緊要個靈魂一定係個咖喱到，我係為招牌咖喱而來，雖然你係唔會聞到小小咖喱味🤔
去食咖喱但我好白痴無去試下個汁，健身人士習慣左小汁，我撥開牛腩既汁，首先我唔覺得佢係一舊牛腩，幾何圖形咁好硬起晒角既，咬落去有d似瘦差同回鍋肉之間既味，一定唔會食到牛味。
然後試試佢既牛筋，好爽，爽到好似未煮咁都唔緊要，酸臭既，因為條筋痴滿汁，我就同我朋友講，酸嫁wo。朋友答我：係呀好酸，唔係佢既咖喱特色係酸所以比人話難食咩？ 我：下你唔同我講，傻傻地壞左啦！
咁我就叫姐姐，可唔可以換個是日晚餐A蔥油雞扒叉燒飯，姐姐都好好人同我換😊
蔥油雞扒叉燒飯，e~離到第一眼都幾靚仔，茶記賣相合格啦！
飯唔多介紹，都係又凍又散，唔太似飯！
雞扒一切開散既，應該唔太新鮮，睇真d邊位有d乾，暗黑色既，叉燒超薄切，師傅刀工唔錯應該係做開高級日本料理慣左手勢。
我先食叉燒，好乾好硬無味既，不過應該真係叉燒離，ok吞左佢！
再試雞扒，咁多蔥油掩蓋雪藏味正常做法，一食落口味道好怪，攞番出離聞，又叔又臭，有小小咸魚同腐屍之間既味，有作嘔既感覺，因為健身好怕肚痾唔想流失肌肉。
無再同伙記講了，算了，唔好難為人，都係打工，埋單走人！
走時見到$300蚊個八達通套，靚唔靚見仁見智，我就唔捨得買離套住我張得幾十蚊既八達通。又有$119 百二蚊都唔洗既手繩👍🏼仲有貴市場價大約30%既搓手液，網上見到好似話淘寶落離，用甲醇想支持下但又唔敢買。收銀處仲有我第一次見有唔透明既捐款箱！
野飲唔知好唔好飲，我朋友叫左杯奶茶，我無問佢好唔好飲！
#本人是黃
#員工見唔到有手足，伙記都係上左年紀既姐姐，唔似香港人
#見到人留言難食都要撐，食既係良心，錢我就比左支持左，我銀包都仲可以講良心，我腸胃就講唔到良心，痾左成晚，不過我可以再請朋友食
#我都唔知龍門係食分子料理
#來貨應該係中國否則好難咁差
我都唔知龍門係食分子料理 在 【豆腐豆卜肉碎之我都唔知乜嘢】～～最強分子料理 - Facebook 的推薦與評價
豆腐豆卜肉碎之 我都唔知 乜嘢】～～最強 分子料理 嗰晚一埋枱食飯就見到兜咁嘅嘢，好自然咁反咗個白眼再講左句︰咩嚟架 媽媽話係啲豆腐煮得耐得滯， ... ... <看更多>