［今日寫呢啲］睇年報學投資，實情就冇乜用，但可以幫你了解間公司
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
Er……除咗意大利同12碼文，我週末都仲寫 Patreon每週專題的。呢篇真係夠晒嘔血，下不為例。
要判斷間公司買唔買得過，睇年報當然冇用。人人都睇嗰本年報，點解有人覺得貴有人覺得平？況且，啲數字全部都歷史嘢，出完業績一兩日乜都反映晒啦。
咁睇嚟有乜用？又唔會冇。你會知間公司點賺錢，有乜特徵。例如之前你見Nike大跌，但知道大陸只係佔佢收入10%多啲，咪會知道搏得過。（而維他奶就佔七成，但因為太殘，亦唔見大陸人真係倒落海，所以亦搏得過，呢啲當然有主觀判斷）
今次我揀港交所388，因為間公司夠大，又多人有興傲，亦係好重要嘅一間公司。而且我以為盤數簡單，不過原來而家都幾複雜。
港交所，7瓣收入，6種業務。我文入面有解各自係乜，夾埋就係7X6= 42個item，最好都係用個Matrix咁表達。放心，成堆嘢，連埋佢嘅Profit and loss Balance Sheet之類，我已經全部入晒Excel，Patreon篇文都有，你可以慢慢玩。啲開支係乜，亦都有包埋。
另外，睇晒佢10年（實情我入咗20年）數據，亦都會睇到公司各樣趨勢。明顯啲收入倍升，但開支絶對冇升咁快，所以利潤狂升。又，開支係乜？主要就係人工，所以做呢啲公司，你咪有得加人工，大把空間。
然後下半截，教你點去估啲數。知晒呢42味收入後，我點估2022 年 2023年每樣有幾錢？有埋個Excel教學，自己慢慢玩。當然只係皮毛嘢。但例如你由個ADT（日均成交），每年有幾多新上市公司，舊嘅又有幾多，咪可以估返啲交易費用，上市費之類。
最後，ADT又點估？都有講埋。
實情都幾技術嘅文，不過真係想轉行入行嘅不妨睇下。雖然我估你睇完，都係覺得唔好入行，粗重嘢留畀我做，你地夾錢畀我整，你自己在屋企睇波好過。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
