https://hk.news.appledaily.com/…/…/article/20180228/57882900
睇到呢段新聞，我都真係好心酸。
細個嘅時候我遇過類似經歷。有個我好喜歡去嘅玩具店，有日我如常自己入去，買咗兩盒四驅車，並放入帶備嘅背囊內。
離開間店嘅時候，突然個感應器爆響。
嗰時我十歲左右，咩都唔知，細細個第一次覺得超尷尬。
然後店員就叫我番入店內，檢查我背囊內嘅物品。
拿咗嗰兩盒嘢出黎檢查，發覺一盒係有俾到錢，另外一盒就未。
街坊店，自然就會有街坊不斷行過。有位大媽就喺我旁邊冷言冷語：「哦，細細個偷嘢」
我當刻不只係感到受委屈，甚至乎係感到極度憤怒 - TMD，我用得著偷嘢？！唔係大富大貴，但自細家境富裕，媽媽又縱容我，我要買佢鬼會唔俾？我銀包內都唔止咁嘅錢啦。仲有，我會買一盒然後偷一盒咁低能？！仲低能過拿槍去銀行打劫嗰7萬蚊。
但街坊嘅冷言冷語（十足十大台劇風格），再加店員嘅照足規矩黎做，搞到我唯有坐喺店內等警員黎「問候」。
我並冇好似呢位同學咁大反應。我嘅前女友們都知道，我從小戴面具做人，喜怒不形於色。我也內向，不喜歡表達自己。就咁傻傻坐喺度等各方發落。
最後，當然警員都覺得冇咩可疑，而我仲俾足錢先離開。我從來都冇番過去嗰條街。
但就係呢次事件，令我逐漸變為一個外向、據理力爭、口齒伶俐嗰人。我唔要俾人欺負。
去留學嘅學生好多時會被建議要懂得忍耐別人嘅欺負，唔好下下動口動手。我唔同意。被欺負，一定要以牙還牙。
希望呢位同學能夠將呢次經歷化為動力，脫胎換骨。
當有一日你已經身為律師然後叫想搞你嘅人收皮時，嗰種快感，特朗普最明。
戴面具做人 在 #戴面具做人- YouTube 的推薦與評價
You're offline. Check your connection. Retry ... ... <看更多>