前兩天問大家，現在開估：
問題：《舖行業知識》剛見完一位手機用品店專家， 佢有四間手機零件分店（唔方便開名)，這些商舖店仔開到成行成市。考考你，做乜最賺錢?
A. 賣電話卡：價$120
B. 賣Bluetooth 耳機：價$438
C. 入水手機維修：價$200
ABC答案各有約三分一人回答，多謝。
《正確答案：C. 》
A. 賣電話卡分兩種。一種是儲值卡，另一種是充值卡。 以每張100-120元計，儲值卡每張賺20-30元， 充值卡則只有3至5元。冇錢賺。
B. 正牌電話配件margin也唔多，約1-2成。例如9Platronics 藍牙耳機，賣438元，賺約50元。 Samsung電池賣168元，賺約30元。Powerbank 賣230元，賺約30元。Screen 貼 margin 則有50%以上，但人工花時間貼。 沒有license（專利授權）的電話套也賺得較多，賣138元，成本40元。有license 賺少一半。
C. 手機維修最賺錢。有正當手法及非正當手法。正當手法， 因為換零件成本一般有限，客人也一般唔知零件價，所以基本上全是人工，賺九成。 外面有些不正當的做法（唔方便講邊道，唔想得罪人）， 會在維修過程中換走你的新零件轉售。 有些入水機，也會和你講維修唔到，之後”套板”，翻新當水貨機出售，賺兩轉錢。當然這是犯法，會被海關捉的。 這做法只是絕少部分的害群之馬 ，大部分做生意要正規做才能夠長久。
總結： Overall, 手機零件店拉勻margin大約二至三成， 但全部比cash收cash, 砸貨較多。做廿萬生意，賺約5萬，未計人工/租金。 所以租金只能佔生意額約一成才有錢賺。手機零件店絕大部分都是正規經營， 時間長有血有肉。辛苦錢，大家多多支持。
Note： 以上資料只作參考，間間攞貨成本/營商手法有所不同。 記住：行行出狀元。
