醫院百態1 之有媽的孩子像個寶
留院這幾天，床位貨如輪轉，我見了很多病童，看盡人生百態。
今天來了一個病童，推進來的時候已經哭得天昏地暗。 奇怪的是，哭了很久也沒有媽媽聲 。 我攝手攝腳偷看，陰公囉，竟然獨自一人。 我哄他「媽媽行開咗好快返嚟」，我抱著豬豬拿出電話播卡通他看。我唱歌做鬼臉，他仍然叫破喉嚨。其實我都好攰， 但將心比己，我行開行埋都希望有好心人替我照顧豬豬。 我和豬坐在他旁邊安慰他。
我心很難受， 頭髮笠到一pat pat， 喊到面紅耳裂，腫得像豬頭，眼睛快要打不開， 小手背插著鹽水豆，好可憐。誰知他哭了多久。 病床亂七八糟，有尿片，餅乾， 散落衣服，還有醫生的聽筒！成件事好奇怪。
唔對路，媽媽在哪裏？ 他歇斯底里地哭，我怕他抽筋於是找護士， 護士「 哦，佢媽媽放工就會嚟，夜晚啦」
我嚇一跳，竟然冇人陪床？家家有本難念的經， 我相信天下間冇父母願意這樣掉下自己骨肉，要搵食實在太無奈。 我對他更加憐憫， 我和豬豬有時間都會去陪哥哥。
用餐時候工作人員來餵他，他大哭不肯進食。 我明，哭鬧嘅小朋友係特別討厭，尤其唔係自己個仔。工作人員「收聲未呀？喊喊喊 ，你阿媽都唔要你喇」「 喊夠未啫？ 唔食我就走啦」然後放棄。
冇辦法，始終唔係自己啊媽。 親生阿媽會用盡法寶，不辭勞苦希望自己骨肉食得幾多得幾多，但陌生人唔會眠乾睡濕咁服侍你。
這個故事令我更希望自己長命啲，可以照顧豬豬。 如果唔係佢真係慘慘豬了。
#嬰兒入院 #嬰兒發燒 #發燒 #發燒入院 #育兒日記 #育兒生活 #新生兒 #寶寶 #寶寶日常 #育兒好物 #育兒神器 #成長紀錄 #全職媽媽 #媽咪 #親子 #育兒 #嬰兒 #新手媽媽 #Hkmom #hkmother #hkmommyblogger #hkmomblogger #hkmommy #成長日記 #寶寶成長日記
手背卡通 在 怪手卡通迪士尼汽車閃電麥昆 - YouTube 的推薦與評價
怪 手卡通 迪士尼汽車閃電麥昆有更多新奇有趣的影片等著大家唷！點擊訂閱“BIBO 和玩具”頻道，盡享無限精彩內容！https://is.gd/DQlgsW#BIBO和玩具. ... <看更多>