Search
//光榮冰室早前因應港府堅拒封關，在店內自行抗疫，並以店員不懂普通話為由，拒接待說普通話人士，結果遭平機會警告。平機會主席朱敏健今早接受港台烽煙節目《千禧年代》訪問時指出，目前平機會已接獲近600宗，與餐廳拒絕招待內地客，或酒店拒絕內地客及醫護入住，涉及歧視的投訴和查詢，相信數字仍會再上升。他指，食肆拒絕招待普通話客是否涉歧視，要按個案性質而定，若店方以防疫原因不招待，在條例下屬合理安排，便不屬於殘疾歧視，而平機會暫時亦未接獲有受屈人確實被酒店或食肆拒絕招待的投訴。//
——封關，係咪都係歧視先？要某些國家嘅人檢疫，歧視嗎？人地咳兩聲、打個乞嚏你就彈開，唔歧視？
#武漢肺炎系列 (二)
琴日講完其實filter類可以重用之後，收到無數朋友話咁樣等於養菌/毒；於是乎花左半日時間去搵答案，睇下到底係唔係真係只可以即用即棄
首先，我地要知道既係到底戴口罩防緊既係乜
OK，呢句有d廢話，一般口罩防到既都係空氣傳播；畢竟如果要預防經水體(water bodies)或者經血液傳播既病 (e.g. 霍亂、AIDS)，其實唔會考慮用口罩去做預防措施。但重點係在於空氣點樣幫助細菌/病毒傳播
美國既National Public Radio詳細咁解釋左病原體要經由空氣傳播[1]，其實唔係直接係空氣到飄下飄下，而係經由人體咳或者打乞嚏或者whatever既時候，被相關體液既水滴包住，然後根據大細主要分左兩方面：
A: 大粒既水分子(口水、鼻涕etc)會因為自身重量，借由地心吸力而好快跌左落地面
B: 細粒既水分子例如打乞嚏噴出黎既野，會因為重量比較輕而係空中飄浮，時間可以長達幾小時甚至以日計(視乎病毒種類而言)
所以好明顯地，用口罩/豬嘴/面罩去防既其實唔係病毒/細菌，而係佢地既載體。呢個亦解釋左點解無論當年SARS定係今次武漢肺炎都係冠狀病毒(Coronavirus)，但防護措施上我地最多淨係會諗N95 (BFE/PFE > 95% or above)。而唔會有人叫你專登搵VFE既口罩黎帶，因為根本無需要，我地要防止吸入既只係係空氣中飄浮、帶毒/菌既水霧
用任何類型既罩去保護自己既時候，其實個作用都係用黎將相關分子trap係個filter入面。當用緊口罩類產品既時候，個filter層極薄而且內層面積極大又無法清潔/消毒，呢個係需要即除即棄既原因。而當用緊既係P100/7093呢類filter裝置既時候，相對而言要處理內層變得相當簡單，豬嘴/面罩內部只係膠面，洗又得抹又得甚至乎浸都可能得；至於外層視乎物料，係膠殼(60926/7093)既當然可以直接清潔、而最外層係棉既filter(P100)，亦可以用任何有效消毒噴霧去處理
而帶菌/毒既水霧定係你噴入去既消毒殺菌噴霧，我搵唔到實際直徑數字；而參考返大氣中既雲/霧，相關粒子既大細平均為10-15um，最細既都係約為1um左右 [2]。而通過左NIOSH認證既PFE filter產品，佢地做test既condition係0.1um；換言之就算最外層既water resistent抵擋唔到帶毒水分子，相關既水霧亦只會同消毒噴霧一樣留係filter入面
至於病毒生長既問題，根據以上搵到既野，就算無限增生亦唔會影響到用家，因為最多變左一粒超高濃度既帶毒水分子留係filter。而如果相關細菌病毒係可以逃離水分子既話，增唔增生已經唔再重要，因為我地用既係BFE/PFE而唔係VFE，病毒本身一開始就已經可以直行直過感染人體
[1]: https://www.npr.org/…/ebola-in-the-air-what-science-says-ab…
[2]: https://www.atoptics.co.uk/droplets/clouds.htm
【武漢肺炎】那打素護士：政府隱瞞嚴重及擴散程度！
中國武漢爆發未明病毒性肺炎，香港政府是日公佈「對公共衞生有重要性的新型傳染病準備及應變計劃」及啟動嚴重應變級別。有在那打素工作的護士接受本記訪問，直指政府隱瞞事件的嚴重及擴散程度，指早於聖誕期間已有多名由中國返港人士出現發燒症狀，需要被隔離處理。她指局方一直未有向大眾公開相關訊息，令香港市民掉以輕心，未能提早防範。
記者：Jeffrey C. Ybaenz
2020.1.4
武漢爆發不明病毒性肺炎
早前中國湖北省武漢市，出現肺炎病例群組個案。最初相關消息於中國網路上流傳，指武漢多家醫院爆發疑似非典(SARS)的病症，當地官方起初不承認也不否認。武漢市公安局1月1日通報稱，調查了一些關於「武漢病毒性肺炎」的不實信息在網絡流傳，又稱已有8人被警方依法處理。惟中國警方沒有清楚表示不實的內容，而只強調網上言論應遵守法律：「武汉警方提示，在网上发布信息、言论应遵守法律法规。对于编造、传播、散布谣言，扰乱社会秩序的违法行为，警方将依法查处，绝不姑息。警方呼吁网民不造谣、不信谣、不传谣，共建和谐清朗的网络空间。」
有中國媒體報導引述新華社消息，未有發現人傳人的現象，又聲稱未有醫護人員受到感染。「据武汉市卫健委2019年12月31日通报，近期部分医疗机构发现、接诊多例与当地华南海鲜批发市场有关联的肺炎病例。经专家会诊系病毒性肺炎，截至31日，调查未发现明显人传人现象，未发现医务人员感染。」
武漢市江漢區市場監督管理局和衛生健康局，於一月一日聯合發出公告表示：「根據國務院《突發公共衛生事件應急條例》等法規條例的規定，及武漢市衛生健康委關於當前我市肺炎疫情的情況通報，經研究，決定對華南海鮮批發市場實行休市，進行環境衛生整治」。據中國媒體報導，華南海鮮批發市場內的大部分商戶已關門停業。截至一月三日，武漢市衛健委宣佈共發現不明原因肺炎患者44例，其中重症十一宗病例。局方聲稱目前所有病例均在武漢市醫療機構接受隔離治療，已經追蹤到一百二十一名密切接觸者並行醫學觀察，密切接觸者的追蹤工作仍在進行中；又排除流感、禽流感、腺病毒感染等常見呼吸道疾病。
香港就武漢肺炎的情況及應變
面對武漢爆發不明病毒性肺炎，政府今日公布《對公共衞生有重要性的新型傳染病準備及應變計劃》，該應變計劃闡述香港政府為應付「對公共衞生有重要性的新型傳染病」一旦爆發而擬定的準備和應變計劃。計劃中分為三級應變級別，分別為戒備、嚴重及緊急，按可影響香港的「對公共衞生有重要性的新型傳染病」的風險評估及其對社會造成的健康影響而啟動。政府於公布計劃時，同時啟動嚴重應變級別。在嚴重應變級別下，「對公共衞生有重要性的新型傳染病」對市民健康的即時影響屬於中等。
食物及衞生局局長陳肇始今早於港台節目《星期六問責》中表示，本港懷疑病例總數現時為七宗；其中四人已經出院，三人分別正於瑪嘉烈醫院、將軍澳醫院及屯門醫院留醫（截稿前，新增至八宗，五人出院，並有病者於沙田威爾斯醫院）。衞生署衞生防護中心發言人指：「『對公共衞生有重要性的新型傳染病』指此前不知道能令人類致病的病原體所引致的任何傳染病，但由於其特性或已改變，故不論其是否具備在人與人之間有效地傳播的能力，人類亦會受到感染。這類疾病可能在國際間傳播，引致公共衞生緊急事件。現時武漢出現的病毒性肺炎病例群組個案可被視為一種『對公共衞生有重要性的新型傳染病』。政府會因應最新的科研實證和發展，不時評估風險，啟動或解除應變級別，並採取相應的防控措施。」
訪問那打素護士
就事件，記者訪問了一名於那打素工作的護士 R小姐（化名），了解前線醫護人員的看法。她指其實早於聖誕期間，醫院已接收由中國返港而出現上呼吸道感染及發燒的病人，當中更有非武漢回港的，並直斥香港政府有意隱瞞及淡化：「其實唔止得七個，早於聖誕已經收左幾個由大陸返黎嘅病人，有上呼吸道感染及發燒既病徵！我哋上Ward（病房），全副Gear（防具）架！我哋個個都好驚！個政府咁遲先公布，分明係有意隱瞞及淡化！」
記者問所謂的「隱瞞」所指為何，她說：「隱瞞個病嘅嚴重程度同擴散程度！既然有人唔係武漢返黎，個病分明已經唔止係武漢傳緊啦！現在最大問題是由於政府既淡化，好多市民都未有咩警覺性。嚟醫院都唔會戴個口罩，其實我哋（醫護人員）好慘同好驚，除咗有發燒咁明顯嘅病症，其他人入黎又咳又打乞嗤（打噴嚏）都係無口罩架！醫管局又唔頒布強制要求醫院內所有人應該配戴口罩！」
政府公布名單中，並未有那打素醫院，R小姐表示：「而家根本冇咩有效嘅測試方法去確認，因為根本冇人知係咩。我地都唔明醫管局而家，係用咩準則去公布數字，講多次！根本冇人知係咩病毒！」
就政府現時公布的應變計劃，R小姐認為完全不夠：「個應變等級都只係嚴重，對市民既即時影響係中等。正如我頭先講，市民普遍根本冇防範意識，有嘅話我哋都唔洗日日係醫院度面對住打哂乞嗤（噴嚏），係咁傳播病菌嘅人啦！」
R小姐越說越激動，指很多同事都想起當年沙士：「我哋上隔離Ward要Full Gear，有同事觸景傷情，諗起當年死咗嘅同事，而大喊出嚟！究竟香港政府係咪又要死咗人先做實際野？我哋醫護人員既命係咪咁低賤？！我哋真係好驚！只要經歷過沙士既同事都好驚！」
記者：Jeffrey C. Ybanez
2020.1.4
#白影 #高登新聞台 #高登
以上報導授權高登討論區使用，原文出處：
https://www.patreon.com/user?u=27684774
