Yahoo財經/華富財經
八月股市的危與機
//
港股在今星期經歷過山車市況，先跌兩日千一點，之後兩日加埋升返千二點，埋單計仍然下跌，以七月計恒指跌逾兩千點，唔少熱炒股都遇上洗倉式下跌，高估值的增長股更是首當其衝，踏入八月後會是業績高峰期，這些股份早前已預先炒定好業績，交功課時唔止要好，更要超預期先掂，不過出完業績都有好處嘅，大股東可以增持，公司亦可以回購，再遇上今星期的暴跌市況，此購買力都會幫到手護價。
除了要睇實中期業績，八月最重要的事就是恒指季檢，日期是在8月20日，以往市場會提早幾星期炒染藍，但似乎近日市況太波動，劵商仲未得閒吹奏心目中的精選，而青冰就會在這個周末做定功課，有興趣的戰友記住留意fb專頁。另外，港股通都會迎來半年一度的大檢討，加入的股份將會較平時季檢更多，雖說北水近日連續九天淨流出，但按過往的經驗，無論個市幾曳都好，個別北水新貴仍會在跌市中跑贏大市，值得戰友們留意。
聯儲局在本周議息時，首次討論縮減買債的時機及步伐，但強調未有任何決定，一切以數據為依歸，雖然十劃都未有一撇，但每月公佈的就業數據，便會觸動市場的神經，太差會驚滯脹，太好又會怕開始收水。由於下次聯儲局會議在9月23日，所以八月底舉行的全球央行Jackson Hole會議，聯儲局主席鮑威爾的發言便會成為全球焦點。另外，美國債務上限會在8月2日到期，財長耶倫早前已警告國會，要及時採取行動，現時美股正值歌舞昇平，等閒的壞消息都打唔死個市，債券上限此問題會否觸發較大調整，大家要睇實呀。
傳媒常說的五窮六絕七翻身，今年完全係反轉嚟炒，五不窮六不絕，七月去到末段才急瀉，如戰友在這三個月拉勻仍有賺，算係守得唔錯，萬一已經見紅，八月就更加要留神，做好防禦措施，避免重蹈七月的覆轍。
//
大茶飯│8月股市的危與機（青冰） - Yahoo新聞
https://yns.page.link/sqxLR
打唔死 在 打唔死 的推薦與評價
You're offline. Check your connection. Retry. Info. Shopping. Tap to unmute. If playback doesn't begin shortly, try restarting your device. ... <看更多>